Hebreos 13:7 - Quiché Bible

⁷ Chenataj ri c'amal tak i be chiwe, ri xquitzijoj ri u tzij ri Dios chiwe. Chiwila' jas ri elinak wi ri qui c'aslemal. Chc'ol iwuc' ri cojonic ri c'o cuc'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Chenaꞌtaj chiꞌwe ri e kꞌamal taq ibꞌe, rumal aꞌreꞌ xetzijon ri utzij ri Dios chiꞌwe, chiwila ri kinoꞌjibꞌal xuqujeꞌ chiwesaj uwach ri kikojobꞌal.

K'iche'

⁷ Chena'taj chiwe ri c'amal tak i be ojer, ri xquitzijoj ru Lok' Pixab ri Dios chiwe. Chixchoman chrij ronojel ri utzil ri qui banom petinak lok pa ri qui c'aslemal. Jas ri xca'n ri e are' xecojonic, je' c'u chibana ix.

K'iche' (New Orthography)

⁷ Chena'taj chiwe ri k'amal taq i b'e ojer, ri xkitzijoj ru Loq' Pixab' ri Dios chiwe. Chixchoman chrij ronojel ri utzil ri ki b'anom petinaq loq pa ri ki k'aslemal. Jas ri xka'n ri e are' xekojonik, je' k'u chib'ana ix.

Hebreos 13:7 Referans Kwoze

Hebreos 13:17

Chixniman chque ri c'amal tak i be, chiya' iwib pa takic chque. Ri e are' quequichajij ri iwanima', queta'm c'ut chi rajawaxic cäquibij na che ri Dios jas ri qui banom. Chixniman chque rech cäquiban ri qui chac ruc' quicotemal, man ruc' ta bis. We ta c'u ruc' bis cäquibano, ma ta c'o quiwechbej ri' che.

Filipenses 3:17

Wachalal, chibana' iwe jas ri quinban in. Are chebiwila' ri cäquiban que jas ri ka banom uj chiwäch.

Hebreos 6:12

rech man quixux ta sak'orib, xane' chi quiban iwe jas ri cäquiban ri winak ri c'o qui cojonic, cäquich'ij c'u ri c'ax, cäquechbej c'u ri u bim ri Dios chi cuya' na chque.

1 Tesalonicenses 1:6

Ri ix c'ut xiban iwe jas ri xkaban uj xukuje' jas ri xuban ri Ajawaxel. Xic'am ri tzij ruc' c'axc'olil xukuje' ruc' quicotemal ri yo'm chiwe rumal ri Ruxlabal ri Dios.

Hechos 14:23

Xequicoj c'u can tak ri tatayib ri quetakan pa jujun comon cojonelab, xquiban ch'awem ruc' Dios, xukuje' man xewa' taj. Te c'u ri' xequijach pa u k'ab ri Ajawaxel ri e cojoninak che.

Ri Matey 24:45

“¿Jachin c'u ri jicalaj pataninel, utz u chomanic, ri xcoj rumal ri rajaw paquiwi' ri aj uwo rachoch che u ya'ic ri tzukbal quech pa ri qui k'ijol?

1 Timoteo 3:5

We c'u c'o jun man reta'm ta ruc'axic ri rachoch, ¿jas ta c'u lo cuban che rilixic ri u comon cojonelab ri Dios?

Hebreos 13:24

Chiya' rutzil qui wäch conojel ri c'amal tak i be xukuje' conojel ri tastalic tak winak. Ri e aj Ital cäquiya' rutzil i wäch.

1 Tesalonicenses 2:13

Rumal ri' xukuje' ri uj man cäkatanaba' ta ri ka maltioxinic che ri Dios, rumal chi aretak xic'am ri u tzij ri Dios ri xkatzijoj chiwe, man xic'am taj jas ri u tzij winak. Xane' xic'amo jas ri kastzij, are ri u tzij ri Dios, ri xukuje' cächacun pa ri i c'aslemal ri quixcojonic.

1 Corintios 4:16

Quixinbochi'j c'ut, chibana' iwech jas ri quinbano.

Romanos 10:17

Rajawaxic chi jun winak nabe cutatabej na jun tzij rech cäcojonic. Ri tzij ri cutatabej, are ri u tzij ri Crist.

Hechos 4:31

Aretak qui banom chi ch'awem ruc' Dios, xyicop ri c'olbal ri qui mulin wi quib. Conojel c'ut xenojisax che ri Ruxlabal ri Dios. Xquicoj c'u qui chuk'ab che u tzijoxic ri u tzij ri Dios.

Bixonic Tak 1:8

“We man aweta'm at, je'lic chquixo'l tak ri je'lic, Chatakej ri cakan ri jumulaj chebayuk'uj c'ut ri alaj tak a q'uisic' chquinakaj tak ri qui cäbal ri ajyuk'ab.”

Apocalipsis 6:9

Aretak ri Alaj Chij xujak ri uro' t'ikbal, xinwil chuxe' ri porobal ri canima' ri xecämisax rumal rech chi qui k'alajisam ri u tzij ri Dios.

Apocalipsis 20:4

Xebenwil tak tem re ajawibal, xet'uyi' c'u paquiwi'. Ri xya' takanic pa qui k'ab rech cäquik'at tzij. Xukuje' xebenwil ri qui c'aslibal ri xesax qui jolom rumal rech ri u k'alajisaxic ri Jesus xukuje' rumal rech ri u tzij ri Dios. Ri e are' man xquik'ijilaj ta ri itzel awaj, mawi ri u wächbal, man xquic'am ta quetal cho ri u metz'al ri qui palaj mawi cho ri qui k'ab. Xinwil c'ut chi xec'asi' chi jumul, quebajawin c'u ruc' ri Crist jun mil junab.

Apocalipsis 1:9

In, ri Xuan, ri iwachalal. Nu c'amom wech iwuc', pa c'axc'olil, xukuje' pa ri ajawibal, xukuje' pa ri chuk'ab ri cuya' ri Jesus rech quink'i' ri c'ax. In c'o pa jun ch'akap ulew Patmos u bi' ri c'o pa u niq'uiajil ri plo. In yo'm can chila' rumal rech chi nu tzijom ri u tzij ri Dios, xukuje' ri u k'alajisaxic ri Jesus.

2 Tesalonicenses 3:9

Man xkaban ta wa' rumal rech chi ma ta c'o takanic pa ka k'ab. Xane' jewa' xkabano che u c'utic chiwäch jas rajawaxic quiban ix.

1 Corintios 11:1

Chibana' iwe ri quinban in, je jas ri in quinban we ri xuban ri Crist.

Ri Lucax 12:42

Xubij ri Ajawaxel: “¿Jachin ri jicalaj pataninel wech ri utz u chomanic, ri cäcoj na rumal ri rajaw paquiwi' ri rajchaquib che u ya'ic ri qui wa ronojel k'ij?

Ri Lucax 8:11

“Are c'u wa' ri quel cubij ri c'ambal no'j: Ri ija' are cuq'uexwächij ri tijonic ri cuya' ri Dios.

2 Tesalonicenses 3:7

ri ix iweta'm chi rajawaxic quiban iwe jas ri cäkaban uj. Ri uj c'ut, aretak xujc'oji' chixo'l, xkach'obo jas ri cäkabano, xujchacunic.

1 Corintios 10:13

Man i rikom ta c'u jun c'ambejenic ri ma ta aj winak; jic c'ut ri Dios chi man cuya' taj quixc'ambejexic xane' xak xuwi ri quixcuin che u k'atixic u wäch, cuya' c'u xukuje' junam ruc' ri c'ambejebal ri elebal.

Hechos 13:46

Ri Pawl xukuje' ri Bernabe xequich'abej ri winak, man xquixe'j ta quib, xquibij: “Rajawaxic ri u bixic ri u tzij ri Dios kumal chech alak nabe ri alak aj judeyib. Ri alak c'ut capakchi'j alak bic. Cak'at alak tzij pawi' alak chbil ib alak chi man takal ta ri junalic c'aslemal chech alak. Chilampe' alak, cujbe c'u na cuc' ri man aj judeyib taj.

Ri Lucax 5:1

Aretak ri Jesus tac'al chuchi' ri cho re Galiley, xebopan q'ui winak ruc', cäpitz' c'u cumal ri q'uialaj winak che u tatabexic ri u tzij ri Dios.

1 Pedro 4:11

We c'o jun cätzijonic, je chtzijonok jas ri e u tzij ri Dios. We c'o jun cäpataninic, chpataninok je jas ruc' ri cuinem ri cuya' ri Dios. Jeri' pa ronojel cänimarisax u k'ij ri Dios rumal ri Jesucrist, ri nim u k'ij xukuje' ri c'o u cuinem amak'el chbe k'ij sak. Je chbanok.