Hebreos 13:15 - Quiché Bible

¹⁵ Rumal ri' amak'el chujk'ijilan che ri Dios rumal ri Jesucrist. We k'ijilanic ri' are' ri tabal tok'ob ri rajawaxic cakachi'j. ¡Kak'ijilaj ba', cuc' tak ri e ka chi'!

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁵ Xaq jeriꞌ qatzuju che ri Dios pa ri ubꞌiꞌ ri Jesús, sipanik rech qꞌijilaꞌnem, are waꞌ ri qꞌijilaꞌnik ri kaqaya rukꞌ ri qachiꞌ ri kuqꞌalajisaj ri ubꞌiꞌ.

K'iche'

¹⁵ Rumal ri' rajwaxic ba' kaya u k'ij ri Dios amak'el rumal ri Jesucristo. Ri ya'bal u k'ij ri Dios ri cäkaya', are wa' sipanic ri rajwaxic cäkaya cho ri Are'. ¡Kaya ba' u k'ij ruc' ri tzij ri cäpe pa kanima'!

K'iche' (New Orthography)

¹⁵ Rumal ri' rajwaxik b'a' qaya u q'ij ri Dios amaq'el rumal ri Jesucristo. Ri ya'b'al u q'ij ri Dios ri käqaya', are wa' sipanik ri rajwaxik käqaya cho ri Are'. ¡Qaya b'a' u q'ij ruk' ri tzij ri käpe pa qanima'!

Hebreos 13:15 Referans Kwoze

Salmib 50:14

¡Ri a sipanic chux maltioxibal che ri Dios; chebatz'akatisaj che ri Dios aj chicaj ri e a chi'nic!

Romanos 12:1

Jeri' wachalal, quixinbochi'j pa ri u tok'ob ri Dios chi quijach ri i cuerp pa u k'ab ri Dios, che jun tabal tok'ob cho ri Dios, jun tastalic sipanic, ri c'aslic, ri cäkaj chuwäch ri Dios. Are wa' ri kas k'ijilanic ri quiya' che ri Dios.

1 Pedro 2:5

Xukuje' ri ix, je ta ne ix c'aslic tak abaj. Ix yacom che jun ja aj uxlabal. Ix quixux tastalic tak cojol tabal tok'ob che qui ya'ic tabal tok'ob aj uxlabal cho ri Dios, ri quekaj chuwäch ri Dios rumal ri Jesucrist.

Ri Osey 14:2

Chixtzelej ruc' ri Ajawaxel chic'ama' bic we ch'awem ri' iwuc'. “Cuyu' la ronojel ri ketzelal ruc' c'u ronojel anima' la chec'amowaj la ri k'ijilanic ri quekachi'j che la.

Ri Isaiy 57:19

quinbij c'u na chque conojel: Jamaril chque ri e c'o naj, xukuje' jamaril chque ri e c'o nakaj. In quincunaj na ri nu tinimit.

Ucab Tzijobelil 33:16

Xuban c'u na u banic ri porobal ri rech ri Ajawaxel, xebuchi'j tabal tak tok'ob re utzirisan ib xukuje' re maltioxinic, xuya' c'u takanic che ri Juda chi chuya' k'ijilanic che ri Ajawaxel, ri u Dios ri Israel.

Salmib 50:23

Ri cuchi'j ri u maltioxinic chwe, cunimarisaj nu k'ij. ¡In quinto'tajisaj ri cäjeki' pa ri nu be!”

Aj Levitib 7:12

We ri tabal tok'ob rech u ya'ic maltioxinic, caxlanwa cächi'x na man cäya' ta ch'am ruc' yok'om aseit ruc', watz'otz'arisam man cäya' ta ch'am ruc' ri chicom aseit puwi', xukuje' caxlanwa re utzalaj c'äj ri yok'om aseit ruc';

Ri Matey 11:25

Pa ri k'ij ri' xch'aw ri Jesus, xubij: “Quink'ijilan che la, Tat, Rajaw caj ulew, chi xebec'u' la we jastak ri' chquiwäch ri c'o qui no'j xukuje' ri c'o qui ch'obobal, xebec'utinisaj c'u la chquiwäch ri ac'alab.

Ucab Tzijobelil 7:6

Ri e cojol tabal tok'ob e c'o chupam ri qui c'olbal, xukuje' c'u ri aj levitib, e cuc'am tak ri chaconisan re trompet ri e tasom ri e u banom ri ajawinel che rachilaxic ri bix ri je cubij wa': “Junalic c'u ri u lok'ok'ebal c'u'x”, aretak ri David cabixon cuc'. Ri e cojol tabal tok'ob quecok'esaj ri trompet chquiwäch e are', ronojel c'ut ri Israel tac'alic.

1 Pedro 4:11

We c'o jun cätzijonic, je chtzijonok jas ri e u tzij ri Dios. We c'o jun cäpataninic, chpataninok je jas ruc' ri cuinem ri cuya' ri Dios. Jeri' pa ronojel cänimarisax u k'ij ri Dios rumal ri Jesucrist, ri nim u k'ij xukuje' ri c'o u cuinem amak'el chbe k'ij sak. Je chbanok.

Efesios 2:18

Rumal c'u ri Crist, ri uj quieb ka wäch cuya' cujoc ruc' ri Tataxel rumal ri xa' jun Uxlabaxel.

Salmib 118:19

¡Chebijaka' ri roquibal ri rachoch Dios, quinwaj quinoc chupam che u ya'ic maltioxinic che ri Ajawaxel!

Salmib 18:49

Rumal ri' quinya' k'ij la pa ri nimak tak tinimit quinbixoj bix che ri bi' la.

Ri Nehemiy 12:43

Pa ri k'ij ri' xechi'x q'ui tabal tak tok'ob, sibalaj c'u xequicot ri winak rumal rech chi ri Dios xebunojisaj che nimalaj quicotemal. Ri ixokib xukuje' tak ri ac'alab xukuje' sibalaj xequicotic, ri jajatem ri xban pa Jerusalen xtataj c'ä chinaj.

Hebreos 7:25

Jeri' cäcuin che qui colic chbe k'ij sak ri winak ri quekeb ruc' ri Dios rumal are', rumal rech chi c'asal amak'el rech cubochi'j ri Dios paquiwi'.

Colosenses 1:12

Ruc' quicotemal quinmaltioxin che ri Tataxel, rumal rech chi u yo'm chke chi cäkac'am ke ri echbal ri cuya' chque ri tastalic tak cojonelab ri e c'o pa ri sakil.

Romanos 6:19

(Quinbij wa' chiwe pa ka tzij uj ri uj winak, rumal rech ri u tukaril ri i banic aj winak man kas ta quich'ob we jastak ri'.) Jas ri xiban can ojer, xijach ri i cuerp pa u k'ab ri etzelal che qui banic ri tz'ilalaj tak jastak, jeri' xukuje' camic chijacha ba ri i cuerp pa u k'ab ri Dios che u banic ri suq'uil, rech quixux tastalic tak winak.

Ri Xuan 10:9

In ri' ri oquibal. We c'o jachin coc pa ri in, cäcolotaj na. Coc na ulok, quel na bic, curik na recha'.

Ri Nehemiy 12:40

Ri cak'at bixonelab xek'ax chupam tak ri qui c'olbal chupam ri rachoch ri Dios; xukuje' c'u ri in e wachil ri pa niq'uiaj chque ri e takanelab ri in cachilam.

Ri Esdras 3:11

Jujun caquibixoj tak bix, jule' chi c'ut je u tzelexic u wäch wa' caquibano: “Chebiya' tak maltioxinic che ri Ajawaxel, rumal rech chi utz ri are', rumal rech chi junalic ri lok'ok'ebal u c'u'x che ri Israel.” Ronojel c'ut ri tinimit curak u chi' rumal quicotemal, cäk'ijilan c'u che ri Ajawaxel, chapletajinak chi c'u u banic u yaquic ri Rachoch ri Ajawaxel.

Ucab Tzijobelil 29:31

Xubij c'ut ri Ezequiy chque ri winak: “Xitas c'u ya' iwib camic che ri Ajawaxel, chixnakajinok chebic'ama' c'u ulok tabal tak tok'ob xukuje' tak sipanic che qui ya'ic maltioxinic chupam ri rachoch ri Ajawaxel.” Ri tinimit winak xequiya' c'u tabal tok'ob xukuje' tak sipanic che yabal tak maltioxinic, jachin tak c'ut ri c'o qui rayinic che u banic xequichi'j tak tabal tok'ob ri cachajirisaxic.

Ri Xuan 14:6

Ri Jesus xubij che: “In ri' ri be, ri kastzij, ri c'aslemal. Man c'o ta jun copan ruc' ri Tataxel, we ta ma ta wumal in.

Ri Lucax 10:21

Pa ri jok'otaj ri', sibalaj xquicot ri Jesus rumal ri Ruxlabal ri Dios, xubij: “Quink'ijlan che la, Tat, Rajaw caj ulew, xec'u' la we jastak ri' chquiwäch ri c'o qui no'j xukuje' ri c'o quetamabal, xc'ut c'u la chquiwäch ri ac'alab. Je, Tat, je c'u wa' xkaj chwäch la.

Salmib 119:108

Chec'amowaj la, Ajawaxel, ri sipanic que ri nu chi', chintijoj la chque ri pixab la.

Ri Jeremiy 33:11

waral quetataj chi na ri e tak bix quech tak nimak'ij xukuje' quicotemal, xukuje' ri qui bix tak ri caquibochi'j tak quib, cätataj c'u na u bixic: ‘Chiya' maltioxinic che ri Ajawaxel Dios ri c'o ronojel u cuinem, rumal rech chi utz ri Ajawaxel, junalic c'ut ri u lok'ok'ebal c'uxaj.’ Quequic'am c'u na ulok tak sipanic re maltioxinic chupam ri wachoch. Je quinq'uex na ri cutaklebej we ulew ri', rech je cux chi na jacha' pa ri chaplebal. In, ri Ajawaxel quinjiquiba' u bixic.”

Ri Jeremiy 33:18

mawi ma ta e c'o na cojol tabal tok'ob e rija'lil ri Levi ri ronojel k'ij quequichi'j tabal tok'ob chwe ri quechajirisaxic, quequiporoj tabal tak tok'ob re c'äj che u ya'ic nu k'ij tabal tak tok'ob chwe k'ij chi k'ij.”

Hebreos 12:28

Ri ajawibal ri cäkac'am che ri Dios, are man slabel taj. Chujmaltioxin ba' che ri Dios, chkak'ijilaj ri Dios jas ri cäkaj chuwäch, nim chkila' wi, chujmach'al chwäch.