Hebreos 13:1 - Quiché Bible

¹ Chäjekel ri lok'ok'enic aj achalaxic chixo'l.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Chiloqꞌaj iwibꞌ chiꞌjujunal, jetaq ri qas iwachalal iwibꞌ.

K'iche'

¹ Kachalal, chitakej u banic ri tajin quibano, quiwaj iwib ri jun ruc' ri jun chic rumal chi iwachalal iwib.

K'iche' (New Orthography)

¹ Qachalal, chitaqej u b'anik ri tajin kib'ano, kiwaj iwib' ri jun ruk' ri jun chik rumal chi iwachalal iwib'.

Hebreos 13:1 Referans Kwoze

1 Juan 4:20

We c'o jun cubij: “In quinlok'ok'ej ri Dios”, cätajin c'u ne cäretzelaj u wäch ri rachalal, xa banal tzij ri'. Apachin ri man culok'ok'ej ta ri rachalal ri rilom, ¿jas ta c'u lo cubano cäcuin ta che u lok'ok'exic ri Dios ri man rilom taj?

1 Pedro 3:8

Chuq'uisbalil c'ut, chixux iwonojel xa' jun i chomanic, chel i c'u'x chbil iwib, chilok'ok'ela ri iwachalal. Rajawaxic utzalaj i c'u'x xukuje' mach'amoj.

1 Pedro 1:22

I josk'im ri iwanima' rumal rech chi xinimaj ri kastzij, rech quebilok'ok'ej ri iwachalal, man xak ta quieb i wäch. Chilok'ok'ela ba' iwib ruc' ronojel iwanima' xukuje' ronojel i chuk'ab.

2 Pedro 1:7

Ruc' c'ut ri nimanic che ri Dios rajawaxic chi quiwuc'aj iwib cuc' ri achalaxelab; ruc' c'ut ri ruc'axic iwib cuc' ri achalaxelab rajawaxic chi cac'oji' i lok'ok'ebal c'uxaj.

1 Pedro 2:17

Nim chebiwila wi conojel. Chebilok'ok'ej ri kachalal. Chixe'j iwib chuwäch ri Dios. Nim chiwila' wi ri ajawinel.

Hebreos 10:24

Kas chkilila' kib, chkapixbela kib che ri lok'ok'ebal ka c'u'x xukuje' ri utzalaj tak chac.

2 Tesalonicenses 1:3

Kachalal, rajawaxic chi amak'el cujmaltioxin che ri Dios rumal iwech. Rumal rech chi cätajin cäq'uiy ri i cojonic xukuje' cätajin cänimar ri lok'ok'ebal i c'u'x chbil tak iwib.

1 Pedro 4:8

Puwi' ronojel, chicojo' i chuk'ab che u lok'ok'exic iwib, rumal rech chi ri lok'ok'ebal c'u'x cubano chi quesachtaj q'ui mac.

Gálatas 5:22

Are c'u wa' ri u wächinic ri Uxlabaxel: c'o lok'ok'ebal qui c'u'x ri winak, quequicotic, c'o jamaril chquixo'l cuc' niq'uiaj chic, c'o qui coch'onic, ch'uch'uj ri canima', cäquibanala' tok'ob, e jic pa ri qui tzij,

Gálatas 5:13

Ri ix c'ut, wachalal, xixsiq'uix che tzokopitajem. Xuwi micoj ri tzokopitajic che u banic ri i rayibal aj winak re mac. Xane' chipatanila' iwib ruc' lok'ok'ebal c'u'x.

Apocalipsis 2:4

C'o c'u jas quinna' chawij, chi a yo'm can ri lok'ok'ebal c'u'x ri c'o awuc' nabe.

1 Juan 3:23

Ri u takomal, chi chujcojon che ri Jesucrist, ri u C'ojol, cäkalok'ok'ela' c'u kib, jacha' ri are' uj u lok'ok'em.

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

Ri Xuan 15:17

Are c'u wa', ri quixintak wi: Chi chilok'ok'ela' iwib.”

Efesios 5:2

chiwuc'aj ri c'aslemal aj lok'ok'ebal c'uxaj, jas ri Crist xujulok'ok'ej. Xuya' ri u c'aslemal rumal kech, jacha' sipanic, tabal tok'ob cho ri Dios, are jun c'oc'alaj uxlab ri cäkaj chuwäch.

Efesios 4:3

chicojo' i chuk'ab rech amak'el ix nuc'utalic, rumal ri u to'banic ri Uxlabaxel xukuje' rumal ri jamaril ri cuban xa jun chiwe.

Hechos 4:32

Ri q'uialaj cojonelab xa jun qui chomanic, xa jun canima'. Man c'o ta jun cubij chi rech ri jastak re. Ri jastak que, e quech conojel.

Hechos 2:1

Aretak xopan ri nimak'ij re Cawinak Lajuj K'ij, conojel ri cojonelab junam qui wäch, qui mulin quib kas xa' pa jun c'olbal.

Salmib 133:1

¡Chiwila' chi sibalaj utz xukuje' je'lic chi ri achalaxic quejeki' junam!