Hebreos 12:19 - Quiché Bible

¹⁹ Man i tom ta ri rok'ebal ri trompet xukuje' ri u ch'abal ri Dios ri xtzijonic. Ri winak ri xquito xquibochi'j chi c'o chi jun tzij mäbix chque,

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Xuqujeꞌ xkita ri roqꞌibꞌal ri ukꞌaꞌ, ri uchꞌabꞌal ri Dios, are xuya ri taqanik. Ri xetowik we chꞌabꞌal riꞌ pa ri juyubꞌ Sinaí, xkibꞌochiꞌj rech katanik ri chꞌabꞌal riꞌ.

K'iche'

¹⁹ Ri ix man i tom tä ru ch'abal ri trompeta, man i tom tä c'u ru ch'abal ri Dios ri xch'aw lok puwi' ri juyub cuc' ri winak. Ri xetow ru ch'abal ri Dios xquita' tok'ob chi mech'abex chic.

K'iche' (New Orthography)

¹⁹ Ri ix man i tom tä ru ch'ab'al ri trompeta, man i tom tä k'u ru ch'ab'al ri Dios ri xch'aw loq puwi' ri juyub' kuk' ri winaq. Ri xetow ru ch'ab'al ri Dios xkita' toq'ob' chi mech'ab'ex chik.

Hebreos 12:19 Referans Kwoze

U Camulixic ri Pixab 18:16

Kas c'u are wa' ri xita' che ri Ajawaxel ri i Dios chuxe' ri juyub Horeb, pa ri k'ij ri ximulij iwib iwonojel chila', xibij c'ut: ‘Man cäkaj ta cäkata' chi jumul ri u ch'abal ri Ajawaxel ri ka Dios, mawi cäkaj chic cäkil we nimalaj k'ak' ri', rech man cujcäm taj.’

1 Corintios 15:52

Pa jun aninakil, pa jun jakow bak'wächaj, aretak cok' ri q'uisbal trompet, cok'esax c'u na ri trompet, te c'u ri' quec'astajisax na ri cäminakib ruc' jun cuerp ri man cäcäm ta chic. Ri uj c'ut cujq'uextaj na.

U Camulixic ri Pixab 4:12

Xixch'abex c'u ulok rumal ri Ajawaxel pa u niq'uiajil ri k'ak'. Ri ix xita' ri u tzij, pune' c'u xita' ri u tzij, man c'o ta jun wächbal xiwilo.

U Camulixic ri Pixab 4:33

¿La c'o ta lo jun tinimit ri u tom ta ri u ch'abal ri Dios jas ri i tom ix ri cäch'aw pa u niq'uiajil ri k'ak', ri ma ta c'u u sachom ri u c'aslemal?

Elem 20:22

Ri Ajawaxel xubij che ri Moises: “Je' chabij wa' chque ri aj israelib: ‘Ri ix iwilom chi in ch'awinak ulok kas pa ri caj iwuc'.

1 Tesalonicenses 4:16

Are ri Ajawaxel cäkaj na ulok chicaj, ruc' takanic, ruc' ri u ch'abal jun qui nimal ri tako'n aj caj, ruc' ri rok'ibal ri u trompet ri Dios. Are c'u nabe quec'astaj na ri cäminakib ri xecojon che ri Crist.

U Camulixic ri Pixab 4:11

Ix xixkeb chuxe' ri juyub, ri quebel wi rak' tak k'ak' ri sibalaj naj quebel chicaj, ri xebux jun tzatzalaj k'ekalaj sutz'.

Ri Matey 24:31

Quebutak na ri tako'nib aj chicaj ruc' nimalaj rok'ebal trompet. Quebumulij na ri e rech ri e u cha'om pa ri quiejeb u tza'm ri uwächulew, che ri jun u tza'm ri caj c'ä che ri jun chic.

Hebreos 12:25

Rumal ri' chixoc il mixutuj ri cujch'abenic. E are' tak c'ut ri xquixutuj ri Dios aretak xepixbex rumal waral cho ri uwächulew, man xeto'tajtaj. Mawi c'u ne ri uj man cujto'tajtaj, we are cakaya' ri uwo kachak chuwäch ri cujpixben kas pa ri caj.