Hebreos 12:15 - Quiché Bible

¹⁵ Chiwila' c'o jun chiwe muya' can ri tok'ob ri cäban chiwe rumal ri Dios, o muban je ta ne jun c'ayalaj k'ayes ri cuban c'ax chque ri niq'uiaj chic xukuje' quebuchuwirisaj,

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁵ Qas chiwilaꞌ chi man kꞌo ta jun mat kuriq ri utoqꞌobꞌ ri Dios, xuqujeꞌ chi man kꞌo ta jun kakꞌiy kachkatem pa ranimaꞌ jeriꞌ man kubꞌan ta kꞌax chike nikꞌaj chik.

K'iche'

¹⁵ Chiwila iwib rech c'o ne jun chiwe ri mat curik ri nimalaj u tok'ob ri Dios. C'o ne jun chiwe mubano je' jas jun itzel tico'n ri cuya latz', ri cuban c'äx chque conojel ri niq'uiaj tico'n chic.

K'iche' (New Orthography)

¹⁵ Chiwila iwib' rech k'o ne jun chiwe ri mat kuriq ri nimalaj u toq'ob' ri Dios. K'o ne jun chiwe mub'ano je' jas jun itzel tiko'n ri kuya latz', ri kub'an k'äx chke konojel ri nik'iaj tiko'n chik.

Hebreos 12:15 Referans Kwoze

Hebreos 3:12

Chiwila', wachalal, c'o jun chiwe mäc'oji' itzelalaj ranima' ri man cäcojon taj, ri cutas rib cuya' can ri Dios c'aslic.

U Camulixic ri Pixab 29:18

Ma ta c'o chixo'l mawi achi mawi ixok, mawi jun ja winak, mawi jun amak', ri cuxutuj ta can ri Ajawaxel ri ka Dios che qui k'ijilaxic ri qui diosib tak we ri nimak tak tinimit ri'. Ma ta c'u c'o jun chiwe ri cuxic jacha' juwi' tico'n ri c'o u c'ayil ri u rab, ri cäcämisanic.

Gálatas 5:4

Ix ri quichomaj quik'alajisaj chi ix suc' rumal ri u nimaxic ri pixab, i tasom iwib naj ix c'o c'u wi che ri Crist. Tasom iwib che ri u tok'ob.

2 Corintios 6:1

Ri uj uj rajchaquib ri Dios junam iwuc'. Rumal ri' quixkabochi'j chi xak lok' mic'am ri u tok'ob ri Dios.

2 Juan 1:8

Chichajij ba' iwib, rech man cäsach ta u wäch ri i chac, rech quic'am ri tojbal iwech tz'akat.

1 Corintios 15:33

Miya' iwib pa subic. Jacha' ri xubij jachin jun: “Ri e itzel tak achilanic que quetzelaj ri e utzalaj tak nak'atisabal.”

2 Pedro 3:14

Rumal ri', lok'alaj tak wachalal, iweye'm we jastak ri', chicojo' apan i chuk'ab, rech quixulurika' ri Dios pa jamaril, man ix tz'ajtajinak ta apanok, ix ch'ajch'oj.

Hebreos 4:1

Xbix chke rumal ri Dios chi cujoc na pa ri uxlanem. Chkaxe'j ba kib, we ne c'o jun chiwe muc'ulmaj chi man coc ta pa ri uxlanem.

1 Corintios 5:6

Man utz ta ri u nimarisaxic iwib. ¿La ma ta iweta'm chi ri jubik' ch'am cuch'amarisaj ronojel ri k'or?

Ri Jeremiy 2:21

In xatintico jacha' uva ri sibalaj utz na, jacha' uva ri sibalaj utz na rija'lil. ¡Sibalaj c'u ne awetzelam awib, chi man quinch'ob ta chi ne a wäch!

E C'ambal tak Tzij 4:23

Chachajij ri a chomabal chuwäch apachique jasach ri c'o cho ri uwächulew, che c'ut caq'uiy wi ri c'aslemal.

Hebreos 4:11

Chkacojo' ba' ka chuk'ab rech cujoc pa ri uxlanem ri', rech man c'o ta jun cätzakic cutakej ta c'ut ri c'utbal que ri man xeniman taj.

2 Corintios 13:5

Chinic'oj ri iwanima' ix, che rilic we ix co pa ri cojonic. Chic'ambejej iwib ix. ¿La ma ta iweta'm iwib ix, chi c'o ri Jesucrist pa iwanima'? We man ix c'ambejem chic man ix c'amowam taj.

1 Corintios 10:12

Je c'u ri', apachin ri cuchomaj chi co tac'alic, chrila' rib rech mätzakic.

Nabe Ajawinelab 14:16

Ri Ajawaxel cujach na ri Israel qui mac quech ri macaj ri xebuban ri Jeroboam xuban c'ut chi xmacun ri Israel.”

Hebreos 6:11

Sibalaj cäkaj chi chijujunal quicoj i chuk'ab c'ä pa ri q'uisbal junam ruc' ri xiban nabe, rech quiwetamaj chi kastzij c'o ri cu'lbal i c'u'x,

U Camulixic ri Pixab 32:32

Ri e are' quejunamataj ruc' ri c'alaj tak uva ri quecämisanic e aj Sodom xukuje' e aj Gomor;

U Camulixic ri Pixab 4:9

Rumal ri' sibalaj chixoc il chi mebisach ri jastak pa i jolom ri iwilom, mawi chebel ta pa iwanima'; xane' chebik'alajisaj chquiwäch ri iwalc'ual xukuje' chquiwäch ri u wi' tak i mam.”

2 Pedro 2:18

Cäquibij nimak tak tzij ri man c'o ta qui patan. Ruc' ri etzelal ri curayij ri qui ti'jal, cäquicoj qui c'u'x ri winak ri c'ämaja' naj quiyo'm can ri sachinakil.

Colosenses 3:5

Chibana' ba' chi cäcäm ronojel ri quech ri e u tz'akatil ri e itzel tak e i rayinic ri e rech ri uwächulew: chi c'o jun mamacun cuc' ixokib achijab, mawi muban tz'ilalaj tak jastak, mawi mac'oji' u rayinic che u macurisaxic ri u cuerp, mawi mec'oji' itzel tak u rayinic, mawi mebuya' c'olbal chi ri ranima' queburayij tak k'inomal (are c'u wa' ri qui k'ijilaxic ri e diosib).

Efesios 5:3

Chibana' jas ri takal chiwe ix tastalic tak winak che u patanixic ri Dios. Miban c'ut macunic cuc' ixokib achijab, miban tz'ilalaj tak jastak, mirayij q'uialaj jastak. Tz'ilol c'u wa' che ri tastalicalaj u tinimit ri Dios.

Gálatas 2:13

Xukuje' ne ri niq'uiaj aj judeyib chic xquijunamaj qui wäch ruc' ri Lu', xquiban quieb qui wäch. Jeri' chi xukuje' ri Bernabe xuban re.

1 Corintios 13:8

Ri lok'ok'ebal c'uxaj mawi ta jumul casach u wäch. Cäpe jun k'ij aretak ri winak man cäquik'axej ta chic ri u tzij ri Dios, quetani' tak na ri ch'abal, ri etamanic cäsach na u wäch.

Elem 32:21

Xubij c'u ri Moises che ri Aaron: “¿Jas ri xuban we tinimit ri' chawe chi xebatakchi'j che u banic jun nimalaj mac?”

2 Pedro 3:11

U mac c'u rech chi conojel ri jastak cäsachisax na qui wäch, ¡sibalaj rajawaxic chi quixbin pa jun tastalic i c'aslemal xukuje' quixniman che ri Dios!

2 Pedro 1:10

Rumal ri', wachalal, quinbij wa' chiwe: Ri Dios xixuch'a xukuje' ix cha'talic. Chicojo' ba i chuk'ab che u c'utic pa ri i c'aslemal chi kastzij ix siq'uim xukuje' ix cha'tal rumal ri Dios. We jewa' quibano, mawi jumul quixtzakic.

Ri Isaiy 5:7

Ri ticbal u uva ri Ajawaxel ri c'o ronojel u cuinem ri u tico'n ri sibalaj lok' chuwäch, are ri rulew ri Israel, u tinimit ri Juda. Ri Ajawaxel reye'm chi queniman che ri u pixab, xuwi c'u cämisanic curik cuc' reye'm suq'uilal, xuwi c'u cuta' rakoj tak chi'aj re k'oxom.

Ri Isaiy 5:4

¿La c'o ta c'u lo ri rajawaxic xinban ta na che ri nu ticbal uva? ¿La c'o ta c'u lo jun jasach ri ma ta xinban che? In weye'm chi xuya' ta qui'laj tak uva, ¿jas c'u che c'aylaj tak uva xuya'?

Ri Josue 6:18

Are' c'u ri ix, chichajij iwib chi c'o jas mimajij mawi c'o jas michapo chque ri jastak ri e c'o pa ri tinimit u tasom c'ut ri Ajawaxel che u sachisaxic u wäch, we c'u man je quiban wa' quiya' na ri Israel chuxe' c'okonic quic'am c'u na ulok ri quiäksakil puwi'.

Ri Lucax 22:32

Xinbochi'n c'u pawi', rech man caya' ta can ri a cojonic. Ri at c'ut, aretak chaq'uex chi na a c'u'x, chaya' qui chuk'ab ri awachalal.”

Ri Tit 1:15

Chque ri e ch'ajch'oj ri qui chomanic, conojel ri jastak e ch'ajch'oj; chque c'ut ri man e ch'ajch'oj taj, man ch'ajch'oj taj ri qui chomanic mawi ri qui cojonic, man c'o ta jun jasach ch'ajch'oj; xukuje' ne ri qui no'jinic xukuje' ri quetamabal c'uxaj e tz'ilotajinak.