Hebreos 11:6 - Quiché Bible

⁶ We c'u man c'o cojonic, jun man cuya' taj cäkaj chuwäch ri Dios. Rajawaxic c'ut chi apachin ri cäkeb chuwäch ri Dios, chucojo' chi c'olic, xukuje' chi cuya' tojbal que ri winak ri cäquitzucuj ri are'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Qas tzij wi, we man kꞌo qakojobꞌal man kujqaj ta wi cho ri Dios, jeriꞌ rumal ri kaqet rukꞌ ri Dios choqꞌaqꞌ wi kukojo chi kꞌo ri Dios xuqujeꞌ Areꞌ katewchiꞌnik ri kajeqiꞌ ukꞌuꞌx chirij.

K'iche'

⁶ We man kas cujcojonic, ri ka c'aslemal man cäkaj tä ri' cho ri Dios. Je ri', rumal chi jachin ri craj coc cho ri Dios rajwaxic ri' cucojo chi kas c'olic, xukuje' chi ri Are' cuban ri utzil chque ri quetzucun che.

K'iche' (New Orthography)

⁶ We man qas kujkojonik, ri qa k'aslemal man käqaj tä ri' cho ri Dios. Je ri', rumal chi jachin ri kraj kok cho ri Dios rajwaxik ri' kukojo chi qas k'olik, xuquje' chi ri Are' kub'an ri utzil chke ri ketzukun che.

Hebreos 11:6 Referans Kwoze

E C'ambal tak Tzij 8:17

In quebenlok'ok'ej ri quinquilok'ok'ej, xukuje' ri quetzucun chwe quinquiriko.

Ri Matey 6:33

Rumal c'u ri' are chicojo' i chuk'ab che u rikic ri rajawibal ri Dios chibana' c'ut ri cutok'ij ri Dios, quebic'am c'u na xukuje' conojel tak we jastak ri'.

Nabe Tzijobelil 28:9

Are c'u ri at, Salomon, nu c'ojol, chach'obo' u wäch ri u Dios ri a tat chapatanij c'ut ruc' ronojel ri awanima' ruc' utzalaj chomanic, rumal rech chi ri Ajawaxel quebunic'oj conojel tak ri etamabal tak c'uxaj cäretamaj c'ut apachique rayinic ri quebanok xukuje' chomanic. Je c'u ri' we ri at catzucuj, ri are' cuya' c'olbal chawe chi cariko; we c'u catas awib chrij, kas xa' jumul catutzak na canok.

Ri Lucax 12:31

Xane' are sibalaj chitzucuj ri rajawibal ri Dios. Xukuje' quebuya' c'u na ri i Tat ri niq'uiaj jastak chic ri e rajawaxic chiwe.”

Salmib 119:10

Ri in quintzucun che la ruc' ronojel wanima'; maya' la c'olbal chi quintas ta wib chquij ri e takomal la.

Hebreos 7:25

Jeri' cäcuin che qui colic chbe k'ij sak ri winak ri quekeb ruc' ri Dios rumal are', rumal rech chi c'asal amak'el rech cubochi'j ri Dios paquiwi'.

Romanos 10:14

We c'u man e cojoninak che ri Ajawaxel, ¿la quecuin ta c'u lo ri' cäquita' ri u to'banic? We man qui tom, ¿la quecuin ta c'u lo ri' quecojonic? ¿Jas ta cäquiban che u ta'ic we man c'o jachin cätzijon chque?

Hebreos 3:12

Chiwila', wachalal, c'o jun chiwe mäc'oji' itzelalaj ranima' ri man cäcojon taj, ri cutas rib cuya' can ri Dios c'aslic.

Salmib 73:28

Ri in c'ut quinkeb ruc' ri Dios, are wa' ri utz na chwe in. Lal, Ajawaxel xukuje' nu Dios, lal nu panibal, quinwesaj na u tzijol ronojel ri banom la.

Ri Xuan 14:6

Ri Jesus xubij che: “In ri' ri be, ri kastzij, ri c'aslemal. Man c'o ta jun copan ruc' ri Tataxel, we ta ma ta wumal in.

2 Pedro 1:5

Rumal ri' chicojo' ronojel i chuk'ab rech rumal ri i cojonic cac'oji' xukuje' jun utzalaj i c'aslemal aj suq'uilal, ruc' c'ut we utzalaj c'aslemal ri' rajawaxic cac'oji' iwetamanic.

Hebreos 4:6

Cäraj c'u na jujun ri queboc na pa ri uxlanem. Are c'u ri qui tom ri tzij re colobal ib nabe man xeboc taj rumal rech chi man xeniman taj.

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

2 Pedro 3:14

Rumal ri', lok'alaj tak wachalal, iweye'm we jastak ri', chicojo' apan i chuk'ab, rech quixulurika' ri Dios pa jamaril, man ix tz'ajtajinak ta apanok, ix ch'ajch'oj.

Ajilanic 14:11

xubij c'ut ri Ajawaxel che ri Moises: “¿C'ä jampa' lo cutakej na retzelaxic nu wäch we tinimit ri'? ¿C'ä jampa' lo caquitakej na u queblaxic qui c'u'x chwij, pune' ta c'u ne e nu banom mayibal chquixo'l?

Ri Xuan 8:24

Rumal ri' xinbij chiwe chi quixcäm na pa ri i mac. We c'u man quicojo chi in ri', quixcäm na pa ri i mac.”

2 Pedro 1:10

Rumal ri', wachalal, quinbij wa' chiwe: Ri Dios xixuch'a xukuje' ix cha'talic. Chicojo' ba i chuk'ab che u c'utic pa ri i c'aslemal chi kastzij ix siq'uim xukuje' ix cha'tal rumal ri Dios. We jewa' quibano, mawi jumul quixtzakic.

Hebreos 7:19

Man c'o ta xtz'akatisax rumal ri u pixab ri Moises. Xpe c'u jun cu'lbal ka c'u'x ri sibalaj utz na, rumal wa' cujkeb ruc' ri Dios.

Salmib 78:32

Pune' c'u je xquic'ulmaj wa', xemacun chi jumul; man nim ta xquil wi ri mayibal ri xebuban ri Dios.

Hebreos 4:2

Ri uj xukuje' ka tom ri tzij re colobal ib junam jas ri e are'. Ri e are' c'ut man c'o ta xquechbej che ri u tatabexic ri tzij rumal rech chi man xecojon taj aretak xquitatabej.

E C'ambal tak Tzij 11:18

Ri banal etzelal cuc'am jun tojbal ri xa subunel; ri cuban suq'uil amak'el, jic ri tojbal rech cäya'ic.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Ajilanic 20:12

Are' c'u ri Ajawaxel xubij che ri Moises xukuje' che ri Aaron: “Rumal c'u rech chi man xijiquiba' ta i c'u'x chwij mawi xiya' ta nu k'ij chquiwäch ri aj israelib, man quixoc ta na cuc' tak we winak ri' chupam ri ulew ri nu yo'm chque.”

Chapletajic 15:1

E bantajinak chi we jastak ri', ri Ajawaxel xuch'abej ri Abram pa jun ichic', xubij che: “Abram, maxe'j awib, in ri' ri in to'l awech. Ri tojbal awech sibalaj nim na.”

Hebreos 11:26

Xuchomaj chi are nimalaj k'inomal na chi cäyok' rumal rech ri Crist, chuwäch ri k'inomal re Ejipt. Are xril apan ri tojbal re.

Marcos 16:17

Ri quecojonic quequiban na we etal ri': Quequesaj na itzel tak uxlabal pa ri nu bi', quetzijon na pa c'ac' tak ch'abal,

Ri Isaiy 55:3

Chixpet wuc', chitatabej ri quinbij, chitampe' ri quinbij, quixc'asi' c'u na. In quinban na iwuc' jun junalic c'ulwächinic, jewa' ri qui tz'akatisaxic tak ri chi'nic ri xinban rumal ri u lok'al ri David.

Salmib 58:11

Cubij c'u na chbil rib: “¡C'o ba' rumal cux jic jun winak! ¡C'o jun Dios ri cuk'at tzij puwi' ri uwächulew!”

Ri Lucax 6:35

Chebilok'ok'ej ba' ri cäquiban qui c'ulel chiwe. Chibana' utzil, chiya' jolomal, micu'ba' i c'u'x chrij chi cätzelex chi na. Nim c'u ri tojbal iwe, quixux na ralc'ual ri Dios aj chicajil, rumal rech chi ri are' ch'uch'uj chque ri man quemaltioxin taj xukuje' chque ri itzel tak winak.

Salmib 106:24

Chumatam chic, man nim ta xquil wi jun je'lalaj ulew, man c'u xecojon ta che tak ri e u chi'nic ri Dios;

Ri Job 21:14

Caquibij c'u che ri Dios: ‘¡Chujya la can pa jamaril, man cakajtaj queketamaj tak ri pixab la!

Salmib 78:22

U mac rech chi man xquicu'ba' ta qui c'u'x chrij ri Dios, mawi xquic'amowaj ri u to'banic ri xuya' chque.

Ri Rut 2:12

¡Are' ri Dios cäyo'w na rajil u c'axelal chawe! ¡Are' ba' ri Ajawaxel ri u Dios ri Israel ri a tzucum wi to'bal awib, chattojowok rumal ronojel ri a banom!”

Ri Matey 6:16

“Aretak man quitij ta i wa, mibisarisaj ri i palaj, jacha' caquiban ri quieb qui wäch. Ri e are' xak chubanic caquetzelaj ri qui palaj rech caquil ri winak chi man quewa' taj. Kastzij quinbij chiwe chi c'o chic ri tojbal quech.

Ri Matey 6:5

“Aretak ri ix quiban ch'awem ruc' Dios, je mibano jas ri quieb qui wäch, utz cäquil ri e are' cäquitac'aba' quib pa tak ri ja ri cäquitijoj wi quib ri aj judeyib che ri pixab, cäquitac'aba' quib pa tak ri qui ch'u'c ri c'ayibal, rech quebil cumal ri winak. Kastzij quinbij chiwe chi c'o chic ri tojbal quech.

Ri Jeremiy 2:31

(Xukuje' c'u ri ix, ri ix re we ija'lil ri' camic, chiya' i xiquin che ri cubij ri Ajawaxel chiwe.) Israel, ¿la in puch uxinak jun chaki'j uwo sak chawe?, ¿jun ulew ri nojinak chque tak mujal? Nu tinimit, ¿jasche cabij: ‘Uj torotalic; mawi jumul cujtzelej chic uc' la?’

Ri Matey 5:12

Chixquicot ruc' nimalaj quicotemal, chiquic'am c'u na jun nimalaj tojbal iwech pa ri caj; je c'u c'axc'olil wa' xban chque ri e k'axal tzij ri xepe can nabe chiwäch ix.”

Ri Matey 11:26

Je, Tat, je c'u wa' xkaj chwäch la.