Hebreos 11:36 - Quiché Bible

³⁶ Jujun chic xetz'bex qui wäch, xech'ayic. Niq'uiaj chic xeximic, xeya' pa che',

RI KꞌAKꞌ TESTAMENTO PA TZIJOBꞌAL KꞌICHEꞌ

³⁶ E nikꞌaj chik xkiriq yoqꞌik, xkiriq chꞌayik, xejatꞌix rukꞌ taq chꞌichꞌ jatꞌibꞌal kꞌa te riꞌ xetzꞌapix pa cheꞌ.

K'iche'

³⁶ Niq'uiaj chic xesax qui q'uixbal, xech'ay c'ut. Man xuwi tä wa', xane xukuje' xeyut ruc' tikom tak ch'ich', xeocsax c'u pa che'.

K'iche' (New Orthography)

³⁶ Nik'iaj chik xesax ki k'ixb'al, xech'ay k'ut. Man xuwi tä wa', xane xuquje' xeyut ruk' tiqom taq ch'ich', xeoksax k'u pa che'.

Hebreos 11:36 Referans Kwoze

Ri Jeremiy 20:2

xuya' takanic chi ch'ayok chcoj c'u chupam ri cojbal akanaj ri c'o chuchi' ri Oquibal ri c'o Chicaj aj Benjamin ri cabe pa ri rachoch Dios.

Chapletajic 39:20

Xuchap c'u ri Jose, xtakanic chi chcoj pa che' jawije' e c'o wi jujun ri e cojom pa che' rumal ri ajawinel. Pune' c'u c'o ri Jose pa che',

Ucab Tzijobelil 30:10

Ri tako'n xquibinibej ri rulewal ri Eprain xukuje' ri Manases, xek'ax pa conojel tak ri tinimit c'ä xebopan na pa Zabulon. Xak c'u xetze'n ri winak xukuje' xquetz'bej qui wäch.

Hebreos 10:34

Xel c'u i c'u'x chque ri xec'oji' pa che'. Aretak xec'am bic ri jastak iwe, man xebicha' taj, xane' xc'oji' i quicotemal. Xich'obo chi c'o jun iwechbal chicaj ri utz na, ri man cäq'uis taj.

Ri Matey 23:34

Rumal ri', chiwilampe'. Quebentak bic k'axal tak tzij iwuc', quebentak bic winak c'o qui no'j xukuje' ajtijab. Jujun chque wa' quebicämisaj na, quebirip na. Jujun chic quebich'ay na pa tak ri ja ri quitijoj wi iwib che ri pixab, quebic'axc'obisaj na pa tak tinimit chi tinimit.

Ri Jeremiy 20:7

Ajawaxel ri lal xinsub la, are c'u ri in xinya' wib pa subic; nim na ri chuk'ab la, xcuin c'u la che nu ch'äquic. Xak amak'el in yacal tze'; conojel xak cäquetz'bej nu wäch.

Ucab Tzijobelil 16:10

Sibalaj c'u xpe royowal ri As che ri k'axal tzij, xutak c'u u cojic pa che', xukuje' pa tak ri k'ij ri' nim ri c'ax ri xuban chque jujun aj tinimit.

Apocalipsis 2:10

Maxe'j awib chquiwäch ri c'ax ri carika' na. Chawilampe', ri itzel chanim quebuya' na jujun chiwe pa che', che c'ambejenic catoc'ow c'u na pa lajuj k'ij c'axc'ol. Chatux jic c'ä pa ri a cämical. Quinya' c'u na ri corona' re c'aslemal chawe.

2 Timoteo 2:9

Rumal ri utzalaj tzij ri' quinrik c'ax, c'ä xinximitaj na pa che' jas jun banal etzelal. Are c'u ri u tzij ri Dios man ximom taj.

2 Timoteo 1:16

Chel ta u c'u'x ri Ajawaxel chque ri e aj uwo rachoch ri Onesipor. Q'ui mul c'ut ri are' xuya' uxlanem chwe, man xq'uix ta c'u chwe chi ri in, in c'o pa che', in ximom ruc' tikom ch'ich'.

Efesios 4:1

In c'ut, in ajpache' rumal ri Ajawaxel, quixinbochi'j chi quibano jas ri takal chque ri winak ri e siq'uim rumal ri Dios, jas ri ix xixsiq'uixic.

Hechos 24:27

E oc'owinak chi quieb junab, ri Porsiy Pest xoc can che u q'uexel ri Pelics. Are c'u ri Pelics xraj chi utz quil wi cumal ri aj judeyib. Rumal ri' xuya' can ri Pawl pa che'.

Hechos 21:33

Ri qui nimal ri ajch'ojab xopan ruc' ri Pawl, xuchapo, xtakan che u yutic cuc' quieb tikom ch'ich'. Xc'otow c'u chi'aj jachinok xukuje' jas ri xubano.

Hechos 8:3

Are c'u ri Sawl cutuquij ri comon cojonelab, coc pa tak ja. Quebucharchatej bic ri cojonelab chi achijab chi ixokib, quebucojo c'u can pa che'.

Hechos 5:40

Xequisiq'uij ri takomxenlab, xequirapuj. Xquibij chque chi man quetzijon ta chic pa ri u bi' ri Jesus. Te c'u ri' xequitzokopij bic.

Hechos 5:18

Xequichap ri takomxenlab, xequicoj chupam ri comon che'.

Hechos 4:3

Xequichapo, xebe qui cojo' can pa che' c'ä che ri jun k'ij chic, rumal rech chi kajinak chic ri k'ij.

Ri Lucax 23:36

Xukuje' ri ajch'ojab xquetz'bej u wäch. Xekeb ruc' ri Jesus, xquichi'j ch'amalaj u wa'l uva che.

Ri Lucax 23:11

Are' c'u ri Herod xukuje' ri e rajch'ojab xquetzelaj u wäch, che c'u retz'bexic u wäch xequicoj atz'iak chrij ri quejuluwic, jacha' re jun ajawinel. Xtakaxtax c'u bic rumal ri Herod xutzelej chuwäch ri Pilat.

Ri Lucax 18:32

Cäjach na pa qui k'ab ri winak ri man aj judeyib taj, cäquetz'bej na u wäch, cäquiyok' na, cäquichubaj na.

Marcos 10:34

Cäquetz'bej na u wäch, cäquichubaj na u wäch, cäquich'ay na, cäquicämisaj na. Churox k'ij c'ut cäc'astaj na.”

Ri Matey 27:26

Ri Pilat xutzokopij c'u bic ri Barabas, xuya' chque ri winak. Xtakan c'u che u ch'ayic ri Jesus. ¡Te c'u ri' xujach pa qui k'ab ri queripowic!

Ri Matey 21:35

Ri ajchaquib c'ut xequichap ri tako'n, xquich'ay ri jun, xquicämisaj chi ri jun, ri jun chic xquibuc' che abaj.

Ri Matey 20:19

Cäquijach c'u na pa qui k'ab ri man e aj judeyib taj rech cäquetz'bej na u wäch, cäquich'ay na, cäquirip na. Pa oxib k'ij c'ut cäc'astaj na.”

Ri Jeremiy 38:28

Xcanaj c'u can ri Jeremiy chuwäch ri uwo ja ri e c'o wi ri chajinelab c'ä pa ri k'ij aretak xch'äc ri Jerusalen.

Ri Jeremiy 36:6

Rumal ri', jät at pa ri k'ij aretak man c'o ta cätijowic, chasiq'uij c'ut ri xatz'ibaj chupam ri botobic wuj ri xinbij chawe, rech ronojel ri tinimit xukuje' conojel ri winak ri e c'o chupam ri tinimit tak re Juda ri e petinak waral, quitatabej ri u bim ri Ajawaxel.

Ri Jeremiy 29:26

Ri Ajawaxel at u cojom jacha' cojol tabal tok'ob pa ri u c'olbal ri Joiad, rech at ri takanel ri nim na u k'ij chupam ri rachoch Dios. We cäwalij jun ch'u'j cuchaplej c'u tzijonem jacha' jun k'axal tzij, rajawaxic cäcoj at chupam ri cojbal akan jun pach'um ch'ich' c'ut cayutbej rech.

Ucab Tzijobelil 36:16

Ri e are' xa' xquitze'j qui wäch ri e u tako'n ri Dios, man nim ta xquil wi ri xutak u bixic chque xa' c'u xequetz'bej qui wäch ri e k'axal tzij, xyactaj c'u na ri royowal ri Ajawaxel puwi' ri u tinimit, ri man c'o ta chi cunabal che.

Ucab Ajawinelab 2:23

Xel c'u bic ri Elisey chi' xbe pa Betel. Aretak cätajin capaki' ri Elisey pa ri be, jumulaj alabom ri e elinak ulok chupam ri tinimit xquichaplej u yok'ic. Xquirak qui chi' che: “¡Chatpakal ulok, tol u jolom! ¡Chatpakal ulok, tol u jolom!”

Nabe Ajawinelab 22:27

Chibij chque chi nu yo'm takanic chi chquicojo' pa che' chi quiya' c'ut xuwi ri u caxlanwa xukuje' ri u joron ri cutijo, c'ä quintzelej na ulok e utz wakan nu k'ab.”

Nabe Ajawinelab 22:24

Are' c'u ri Sedequiy, u c'ojol ri Quenaan, xkeb ruc' ri Micaiy xutzokopij jun k'ab che ri u palaj xubij c'ut: “¿Jawije' xoc'ow wi ri ruxlabal ri Ajawaxel chwe che a ch'abexic at?”

K'atal tak Tzij 16:25

Sibalaj c'u xequicotic, aretak xquito chi cäc'am bic ri Sanson chquiwäch rech cäquetz'bej u wäch. Xquesaj c'u ulok ri Sanson pa ri che', xquitac'aba' chuxo'l ri quieb rakan ja, xequicot c'u che retz'bexic u wäch.

Efesios 3:1

Rumal ri', in Pawl, in c'o pa che' rumal rech ri Crist Jesus che iwutzil ix ri man ix aj judeyib taj.

Ri Jeremiy 32:8

Je c'u xelic jacha' ri xubij ri Ajawaxel chwe, ri wachalaxic Hanameel xpe che wilic cho ri uwo ja ri e c'o wi ri chajinelab xubij c'u chwe chi chinlok'o' ri rulew ri c'o pa Anatot, ri c'o pa ri rulewal ri ramak' ri Benjamin, ya'tal c'u chwe chi in ri quinlok'owic cäcanaj c'u can wuc', rumal rech chi in ri rachalaxic ri nakaj in c'o wi che. Aretak c'u xinch'obo chi u takanic ri Ajawaxel Dios wa',

Ri Jeremiy 39:15

Aretak c'ä tz'apital ri Jeremiy cho ri ja ri e c'o wi ri chajinelab, ri Ajawaxel xutzijobej ri Jeremiy, xubij che:

Ucab Tzijobelil 18:26

Chibij chque chi in quintakanic chi chquinima' chupam ri che' xa' c'u jubik' ri u caxlanwa xukuje' ri ruq'uia' chiya', c'ä quintzelej na ulok e utz wakan nu k'ab.”

Ri Daniel 11:33

Ri e rajno'jab ri tinimit, e q'uialaj winak xquiya' qui no'j, chanim c'ut quecämisax c'u na, queporox c'u na, queläk'ax c'u na ronojel ri c'o apan cuc', quec'am na bic, quecoj na che lok'om pataninelab pa jule' tak ulew chic. Wa' cabeytaj na jun k'ijol.