Hebreos 11:26 - Quiché Bible

²⁶ Xuchomaj chi are nimalaj k'inomal na chi cäyok' rumal rech ri Crist, chuwäch ri k'inomal re Ejipt. Are xril apan ri tojbal re.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁶ Man xraj taj xukꞌamawaꞌj ri qꞌinomal rech Egipto, are xuchomaj chi are katanik kuriq kꞌax jetaq ri kꞌax ri kuriq na ri Cristo, jeriꞌ rumal cher retaꞌm chi are ri Dios kayoꞌw na ri utojbꞌalil che.

K'iche'

²⁶ Are xuban u k'inomal che ri c'äxc'ol ri xuriko rumal ru patänixic ri Cristo, chuq'uexwäch ri qui k'inomal ri winak aj Egipto. Je ri', rumal chi tajin cuchomaj apan ri tojbal ri cäyi' na che rumal ri Dios.

K'iche' (New Orthography)

²⁶ Are xub'an u q'inomal che ri k'äxk'ol ri xuriqo rumal ru patänixik ri Cristo, chuk'exwäch ri ki q'inomal ri winaq aj Egipto. Je ri', rumal chi tajin kuchomaj apan ri tojb'al ri käyi' na che rumal ri Dios.

Hebreos 11:26 Referans Kwoze

Hebreos 11:6

We c'u man c'o cojonic, jun man cuya' taj cäkaj chuwäch ri Dios. Rajawaxic c'ut chi apachin ri cäkeb chuwäch ri Dios, chucojo' chi c'olic, xukuje' chi cuya' tojbal que ri winak ri cäquitzucuj ri are'.

Hebreos 10:35

Mitzak ba' ri i jiquibam c'uxaj, we jiquibam c'uxaj ri' cuc'am na ulok jun nimalaj rajil c'axelal.

Apocalipsis 3:18

Rumal wa' quinya' a no'j chalok'o' k'an puak wuc', ri ch'ajch'ojirisam pa k'ak', rech catk'inomaric. Xukuje' chalok'o' sakloloj tak atz'iak wuc', che ratz'iakixic awib, rech man quebel ta u q'uixbal ri ach'analiquil, xukuje' chalok'o' cunabal wuc' che u ya'ic chquipam ri e a bak'wäch, rech catca'yic.

1 Pedro 4:14

We quixyok' rumal rech ri Crist, utz iwe, are c'u ri Ruxlabal ri Dios, ri nim u k'ij, cäc'oji' iwuc'.

Hebreos 2:2

Co xtiqui can ri tzij ri tzijom ojer cumal ri tako'nib aj caj. Jachin c'ut ri man xucoj taj o man xunimaj taj xc'äjisax u wäch, jas ri takal che.

2 Corintios 6:10

Je ta ne ri cujbisonic, cujquicot c'u ne amak'el; je ta ne ri uj ta mebayib, e q'ui c'u ne ri e ka k'inomarisam; je ta ne ri ma ta c'o jas c'o kuc', c'o c'u ne ronojel kuc'.

Ri Lucax 14:14

Catquicot na, rumal rech chi ri e are' man quecuin ta che u tojic u q'uexel chawe. Cätoj c'u na u q'uexel chawe aretak quec'astaj na ri suc'alaj tak winak chquixo'l ri cäminakib.”

Ri Matey 5:12

Chixquicot ruc' nimalaj quicotemal, chiquic'am c'u na jun nimalaj tojbal iwech pa ri caj; je c'u c'axc'olil wa' xban chque ri e k'axal tzij ri xepe can nabe chiwäch ix.”

Efesios 3:8

In ri man nim ta nu banic chuwäch ri man nim ta u banic chquixo'l ri e aj u tinimit ri Dios, are' c'ut ri are' yowinak we nimarisabal ib ri' chwe chi quinya' u tzijoxic chque ri man aj judeyib taj ri utzalaj tzijol che qui k'alajisaxic tak ri e u k'inomal ri Crist ri man e ch'obel taj.

2 Corintios 12:10

Rumal ri' quinquicotic aretak man c'o ta nu chuk'ab, aretak quinyok'ic, aretak man c'o ta ri cajwataj chwe, aretak quinokataxic, xukuje' aretak quinrik c'ax rumal rech ri Crist. Aretak c'u in tukar, c'äte ri' sibalaj c'o nu chuk'ab.

Salmib 37:16

Ri jubik' ri c'o ruc' ri utzalaj winak, are utz na chquiwäch ri e q'uia qui k'inomal ri e lawalolaj tak winak.

1 Pedro 1:11

Are ta xcaj xquetamaj jachinok xukuje' jachique k'ij cäc'ulmataj na ri xc'ut ulok chquiwäch rumal ri Ruxlabal ri Crist ri c'o pa canima', aretak xuk'alajisaj ulok chi ri Crist curik na c'ax, xukuje' chi cänimarisax na u k'ij aretak coc'ow ri c'ax.

Hebreos 13:13

Chujel ba' apan ruc' ri Jesus tza'm ja. Chujyok' cumal ri winak, jas ri are' xyok'ic.

Hebreos 10:33

E c'o jujun chiwe xpe c'axc'olil paquiwi' aretak xeyok'ic xukuje' xquirik c'ax chquiwäch ri winak. E c'o jujun chic ri xquic'am que cuc' ri e c'o pa ri c'axc'olil ri'.

Filipenses 3:7

Ronojel c'u wa' nim u banic chnuwäch nabe canok, camic chic man c'o ta chi u patan chwe, rumal ri Crist.

Efesios 1:18

Quintz'onoj che ri Dios chi cuya' ri i chomanic pa sak, rech kas quiwetamaj jachique ri cu'lbal c'uxaj re ri i siq'uixic rumal, xukuje' quiwetamaj ri u k'inomal ri u juluwem ri echbal ri cuya' chque ri winak ri e rech ri Dios,

Hechos 5:41

Ri takomxenlab xebel c'u bic chquiwäch ri k'atal tak tzij. Quequicotic rumal rech chi ri Dios xuya' chque chi quetzelax qui wäch rumal rech ri u bi' ri Jesus.

Ri Matey 10:41

Apachin ri cuc'amowaj jun k'axal tzij rumal rech chi k'axal tzij, tojbal re k'axal tzij cuc'amowaj na. Apachin ri cuc'amowaj jun suc' winak rumal rech chi suc', tojbal re suc' winak cuc'amowaj na.

Ri Matey 6:1

“Chichajij iwib miban ri i suq'uil chquiwäch ri winak rech quixca'yex cumal. We je quiban wa', man c'o ta tojbal iwe ruc' ri i Tat ri c'o pa ri caj.

Ri Isaiy 51:7

Chinitatabej, ix ri iweta'm jachique ri suq'uilal, tinimit ri quixoc il che retamaxic ri no'jibal ri quinya'o. Mixe'j iwib chuwäch ri qui yok'onic ri winak, mawi mixk'itaj rumal ri itzel tak tzij ri cäquibij,

E C'ambal tak Tzij 23:18

Utz c'u catel na are c'u ri eyebal a c'u'x mawi jubik' cäsachisax na u wäch.

E C'ambal tak Tzij 11:18

Ri banal etzelal cuc'am jun tojbal ri xa subunel; ri cuban suq'uil amak'el, jic ri tojbal rech cäya'ic.

Salmib 69:20

Ri yok'obal qui t'okopim ri wanima', ¡in chukchubinak chic man c'o ta chi nu chuk'ab! Xak lok' nu tzucum jachin ta ri cucu'bisaj nu c'u'x xukuje' quel ta u c'u'x chwe.

Salmib 69:7

Rumal ech la e nu ch'ijom c'axc'ol; xnoj ri nu palaj che q'uixbal;

Ri Rut 2:12

¡Are' ri Dios cäyo'w na rajil u c'axelal chawe! ¡Are' ba' ri Ajawaxel ri u Dios ri Israel ri a tzucum wi to'bal awib, chattojowok rumal ronojel ri a banom!”

Apocalipsis 2:9

Weta'm chi at c'o pa c'axc'olil, at meba', pune' c'ut at k'inom. Weta'm chi quixyok' cumal ri cäquibij quib chi e aj judeyib. Man e je ta c'ut, xane' e jun u comon ri Satanas.

Ri Lucax 14:33

Je c'u ri', apachin chiwe ri man quebuya' ta can conojel ri jastak rech, man cäcuin taj cux nu tijoxel.”