Hebreos 11:13 - Quiché Bible

¹³ Conojel we winak ri' xecämic man xequic'amowaj ta c'ut ri jastak ri u chi'm ri Dios; rumal c'u rech chi c'o qui cojonic, xequil apan chi naj, utz c'u qui c'ulaxic xequibano, xquich'ob c'u quib chi man e aj waral taj chi xak e oc'owenelab cho we uwächulew ri'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹³ Konojel we winaq ri xeꞌqatzijoj xekꞌam bꞌik man xkikꞌamawaꞌj ta ri jastaq ri xtzuj chike, xane xwi xkil apanoq chi petinaq xuqujeꞌ xkibꞌij chi xaq iꞌkꞌowel xuqujeꞌ man e rech taj ri uwachulew.

K'iche'

¹³ Conojel wa' we winak ri' xecämic. Man xquirik tä c'u bic jas ri xuchi'j ri Dios chque. Rumal c'u rech chi kas xecojonic, je' ta ne chi tajin cäquil apan wa' chi naj, xquicojo chi c'olic, xequicot c'u chuchomaxic ri xchi'x chque. Xquik'alajisaj c'ut chi ri e are' xak e estranjerab, xak e oc'owel cho we uwächulew.

K'iche' (New Orthography)

¹³ Konojel wa' we winaq ri' xekämik. Man xkiriq tä k'u b'ik jas ri xuchi'j ri Dios chke. Rumal k'u rech chi qas xekojonik, je' ta ne chi tajin käkil apan wa' chi naj, xkikojo chi k'olik, xekikot k'u chuchomaxik ri xchi'x chke. Xkiq'alajisaj k'ut chi ri e are' xaq e estranjerab', xaq e ok'owel cho we uwächulew.

Hebreos 11:13 Referans Kwoze

Hebreos 11:27

Rumal ri cojonic, xuya' can ri Ejipt, man xuxe'j ta rib chuwäch ri royowal ri ajawinel, xane' co tac'alic je ta ne chi cäril ri Dios ri man quilitaj taj.

Salmib 39:12

Ajawaxel, tatabej la ri nu ch'awem ri quiban chwäch la, ¡chetatabej la ri e nu juyuwem!, ¡xak mail la ri u wa'l nu wäch! Ri in in uxinak che la xa in oc'owel jun chicop ri c'o u xic', e jacha' ri e nu mam.

Chapletajic 23:4

“Pune' man in ta i winakil chixo'l, chic'ayij jun mukubal chwe ri quinmuk wi ri wixokil ri xcämic.”

Ri Xuan 8:56

Ri Abraham ri i mam sibalaj xquicotic chi cäril na ri nu k'ij. Xril c'ut, xquicotic.”

Hebreos 11:39

Conojel wa' rumal ri qui cojonic xek'alajisaxic chi utz qui banom. Man xquirik ta c'u ri u bim ri Dios chi cuya' na,

Efesios 2:19

Rumal c'u ri' man ix tastal ta chic che ri u tinimit ri Dios, mawi ix ta chi jalan winak; ri xak ta ix oc'owel ix junam chic cuc' ri winak ri e rech ri Dios, ix jun cuc' ri e aj uwo rachoch ri Dios.

Romanos 8:24

Pa cu'lbal c'uxaj c'ut xujcolotaj wi. We c'u jun cu'l u c'u'x chrij jun jasach ri quilitajic, man cu'lbal c'u'x ta ri'. We cäril chic jas ri curik na, ¿jas ta c'u che cäreyej na?

1 Pedro 2:11

Lok'alaj tak wachalal, chixux je jas winak ri xak queboc'owic, ri e c'o pa jun tinimit man quech taj. Miban ri u rayibal ri i ti'jal, ri cäch'ojin chrij ri iwanima'.

1 Pedro 1:17

We quibij Tat che ri Dios, ri cuk'at tzij paquiwi' conojel jas ri qui chac chquijujunal, man cuya' ta u k'ij jun winak chuwäch jun chic, chixe'j ba' iwib chuwäch ri are' ronojel k'ij re ri i c'aslemal cho ri uwächulew.

Romanos 4:21

Kas reta'm chi ri Dios c'o u cuinem che u banic ronojel jas ri xubij ulok chi cuya' na che.

Ri Job 19:25

In weta'm chi ri to'l we c'aslic, are' c'ut ri ch'awenel panuwi' waral cho ri uwächulew.

Chapletajic 49:18

¡Oh, Ajawaxel, quinweyej chi quincol la!

Chapletajic 47:9

Ri Jacob xubij che ri ajawinel: “E c'o chi jun sient ruc' juwinak lajuj (130) junab ri xak xebenjalala' nu c'olbal. Man e q'ui ta wa', c'ax c'u nu rikom pa tak we junab ri', maja' c'u naj quinc'asi'c jacha' ri junab ri xec'asi' ri e nu mam.”

Chapletajic 25:8

xcäm c'u ri Abraham aretak sibalaj nim winak chic. Xurika' c'u rib cuc' ri e u mam.

1 Juan 3:19

Jeri' cäkach'obo chi uj rech ri kastzij xukuje' cäkajiquiba' ri kanima' chuwäch ri Dios.

Ri Matey 13:17

Kastzij quinbij chiwe, chi e q'ui k'axal tak tzij xukuje' e q'ui suc' tak winak sibalaj xquirayij quilic ri quiwil ix, man xquil ta c'ut. Xquirayij xquita' jas ri quita' ix, man xquita' ta c'ut.”

Chapletajic 49:33

Aretak xto'taj ri Jacob che u ya'ic ri pixbenic chque ri e u c'ojol, xk'oyi' chic jumul xcäm c'ut.

Salmib 119:19

Ri in man etamatal ta nu wäch cho ri uwächulew mec'u' ba' la ri e takomal la chnuwäch.

Ajilanic 24:17

Quinwil apan ri petinak, c'o ri quinwil apanok ri c'o chinaj: jun ch'imil ri quebel che ri Jacob, jun ajawinel ri cäwalij pa Israel. Cuxak'alej na ri u jolom ri Moab, quebuxak'alej na ri e rija'lil ri Set.

Chapletajic 49:10

Man c'o ta jun quesan ri cuinem pa u k'ab ri Juda mawi ri ch'ämiy ri c'o pa u k'ab c'ä cäpe na ri ajchak'e ri ch'ämiy, ri cänimax na cumal conojel tak ri tinimit.

Ri Xuan 12:41

Are wa' xubij ri Isaiy rumal rech chi xril ri u juluwem ri Jesus, xutzijoj c'ut ri are'.

Chapletajic 50:24

Xpe c'u jun k'ij aretak xubij ri Jose chque ri rachalal: “Xa quieb oxib k'ij chic in c'aslic, cäpe c'u na ri Dios che i to'ic, quixresaj c'u na bic chupam we ulew ri', che i c'amic bic chupam ri ulew ri xuchi'j chque ri Abraham, ri Isaac xukuje' ri Jacob.”

Chapletajic 49:28

E are wa' ri e cablajuj (12) amak' ri Israel, are c'u wa' ri xubij ri qui tat chque ri u c'ojol aretak xebutewichi'j, chquijujunal.

Chapletajic 48:21

Xubij c'u che ri Jose: “Chawilampe', ri in xa pa quieb oxib k'ij quincämic, are' c'u ri Dios c'o iwuc' amak'el, cuban c'u na chiwe chi quixutzelej na pa ri culew ri e i mam.

Elem 2:22

ri ixok xc'oji' c'u jun ral ala ri xcoj Jerson che u bi' rumal ri Moises, xubij c'ut: “Xa in okxanel wib chupam rulew jun winak chic.”

Aj Levitib 25:23

Ri ulew man cuya' taj chi kas ta cac'ayixic, rumal rech chi wech in ri ulew; ri ix c'ut, xa ix kajanelab, ix okxanel tak iwib ix c'o pa ri wulew.

2 Corintios 4:18

Man are ta cäkacu'ba' ka c'u'x chquij ri jastak ri quebilitajic, xane' chquij ri man quebilitaj taj. Ri jastak ri quebilitajic queq'uis na. Are c'u ri jastak ri man quebilitaj taj e junalic.

2 Corintios 5:6

Je c'u ri' ka jiquibam ka c'u'x amak'el. Keta'm c'ut chi aretak c'ä uj c'o pa ri cuerp, man uj c'o taj ruc' ri Ajawaxel.

Hebreos 11:14

Are c'u ri je cäquibij wa', cäquic'utu chi cäquitzucuj jun qui tinimit chic.

Hebreos 11:17

Rumal ri cojonic, aretak ri Abraham xtijtobex rumal ri Dios, ri are' xujach ri Isaac che ri Dios. Ri Abraham ri u c'amom ri chi'nic, xusuc'umaj ri u chi'xic ri Isaac ri u c'ojol ri xa' jun c'olic, jacha' che tabal tok'ob.

1 Pedro 1:1

Ri in Lu', in takom re ri Jesucrist, quintz'ibaj we wuj ri' chque ri e jabuninak pa Pont, pa Galas, pa Capados, pa Asiy, xukuje' pa Bitin, ri man chila' taj ri qui tinimit,

Chapletajic 21:34

Naj xbeytaj ri Abraham chupam ri culew ri aj pilisteyib.

Ajilanic 10:30

Xutzelej c'u u bixic ri Hobab che: “Jayi' in are utz na chwe chi quintzelej pa ri wulew, jawije' e c'o wi tak ri e wachalaxic.”