Hebreos 10:27 - Quiché Bible

²⁷ Xane' xak cäkeyej ri k'atoj tzij xukuje' ri c'axalaj k'ak' ri cäsachow na qui wäch ri cäquiban qui c'ulel che ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁷ Xane xaq xwi qayeꞌm ri kꞌaxkꞌolal rech ri qꞌaqꞌ ri kuꞌporoj na ri uꞌkꞌulel ri Dios.

K'iche'

²⁷ Xane xuwi cäkayej ri xibibalalaj k'ij aretak cäk'at tzij pa qui wi' ri winak, xukuje' ri nimalaj k'ak' ri queuporoj na ri cäca'n qui c'ulel che ri Dios.

K'iche' (New Orthography)

²⁷ Xane xuwi käqayej ri xib'ib'alalaj q'ij aretaq käq'at tzij pa ki wi' ri winaq, xuquje' ri nimalaj q'aq' ri keuporoj na ri käka'n ki k'ulel che ri Dios.

Hebreos 10:27 Referans Kwoze

Ri Isaiy 26:11

Ajawaxel, suc'umam chi la ri c'äjisabal wächaj, ri e are' c'ut man cäcaj ta cäquetamaj aretak c'ut cäquil ri lok'ok'ebal c'u'x la che ri tinimit la, man cäquirik ta chi na jas cäquibano. ¡C'o ta banom wi chi are' ta ri u k'ak'al ri oyowal la quebik'owic!

Hebreos 2:3

E ta c'u lo ri uj, ¿jas ta cäkabano cujto'tajic, we man cujoc il che ri nimalaj tok'ob ri xuban ri Dios che ka colic? Nabe xtzijox wa' rumal ri Ajawaxel, te c'u ri' xbix chke chi kastzij cumal ri xeto'wic.

Ri Soponiy 1:18

Pa ri k'ij re ri nimalaj royowal ri Ajawaxel, man cäto'tajisax ta na ri winak mawi rumal ri u sak puak mawi rumal ri u k'an puak, ri u k'ak'al c'ut ri royowal ri Ajawaxel cäjarisan na ronojel ri uwächulew. ¡Conojel ri winak ri e jekel cho ri uwächulew cäsachisataj na qui wäch xa' pa jun jok'otaj!

Apocalipsis 20:15

Ri man e tz'ibatal ta qui bi' pa ri wuj re ri c'aslemal, xeq'uiak pa ri cho re k'ak'.

Hebreos 12:25

Rumal ri' chixoc il mixutuj ri cujch'abenic. E are' tak c'ut ri xquixutuj ri Dios aretak xepixbex rumal waral cho ri uwächulew, man xeto'tajtaj. Mawi c'u ne ri uj man cujto'tajtaj, we are cakaya' ri uwo kachak chuwäch ri cujpixben kas pa ri caj.

Hebreos 9:27

K'atom c'ut paquiwi' ri winak chi xa' jumul quecämic, chwi chi c'u wa' ri k'atan tzij,

Ri Matey 13:50

quequiq'uiak na pa ri jorno ri canicowic; quebok' na chila', cäquikuch'uch'ej na ri qui ware.”

Ri Matey 8:29

Xquirak c'u qui chi', xquibij: “¿Jas awe chke, Jesus u C'ojol ri Dios? ¿La at petinak waral che u banic c'ax chke, c'ä majok curika' ri k'ijol?”

Ri Nahum 1:2

Ri Ajawaxel are' Dios achixomanel xukuje' ya'l rajil c'axelal: cuya' rajil c'axelal chque ri quec'ulelan che, cäpe c'u royowal chque ri qui banom qui c'ulel che.

Santiago 5:3

Ri i k'an puak xukuje' ri i sak puak qui chulum chi quib. Ri qui pusil cuk'alajisaj na jas ri i banom, cusach c'u na i wäch jacha' ri k'ak'. I mulin i k'inomal chque ri q'uisbal tak k'ij.

Hebreos 12:29

Rumal rech chi ri ka Dios are je ta ne jun k'ak' ri ronojel cuporoj canok.

Ri Matey 25:41

Ri Ajawinel cubij c'u na chque ri e c'o pa ri u mox k'ab: ‘Chixel chnuwäch, ix c'okom. Jix pa ri k'ak' ri man cächup taj ri suc'umam che ri itzel xukuje' ri e u tako'nib.

Ri Matey 13:42

Quequiq'uiak na pa ri jorno re k'ak' ri quebok' wi na ri cakuch'uch' wi na ri qui ware.

Ri Matey 3:12

C'o ri u jopibal pa u k'ab, ri trico xukuje' cutas che ri pajo. Cuc'ol c'u na ri u trico pa ri u c'uja, cuporoj c'u na ri pajo pa ri k'ak' ri mawi jubik' cächupic.”

Ri Matey 3:10

Camic yo'm chic ri icäj che qui t'oyic bic ri che' c'ä chaquixe'. Ronojel che' ri man cuya' ta utzalaj u wächinic, cächoy na, cäq'uiak pa ri k'ak'.

Ri Malaquiy 4:1

Ri Ajawaxel ri c'o ronojel u cuinem je cubij wa: “Canakajin ri k'ij, ri canicowic jacha' jun jorno, ri quenicow wi na conojel ri caquiban nimal xukuje' ri e banal tak etzelal jacha' ri pajo chupam jun poro'n. Ri k'ij ri' ri cäpe na quebujarisaj na, man c'o ta c'u cacanaj na chque.

Ri Soponiy 3:8

Rumal ri', chiweyej ix ri k'ij aretak chinwalij che u bixic ri c'ax ri qui c'ulmaj na. In, ri Ajawaxel, quinjiquiba' u bixic: Xchomataj wumal qui mulixic ri nimak tak tinimit xukuje' tak ri ajawibal rech quinkasaj ri nicowelalaj woyowal paquiwi'. ¡Ronojel ri uwächulew cäsachisataj na u wäch rumal ri u k'ak'al ri nu c'anal!

Ri Joel 2:30

quebenc'ut na nimak tak mayibal cho ri caj, xukuje' quic', k'ak' xukuje' u sutz'al sib cho ri uwächulew.

Ri Osey 10:8

Casachisax na qui wäch tak ri e k'ijilabal ri quek'ijilax wi tak diosib jawije' ri camacun wi ri Israel, paquiwi' tak ri qui porobal queq'uiy na tak tzacom xukuje' tak q'uix, e are' tak c'ut ri winak quequibij na chque tak ri c'ache'laj: “¡Chujichuku'!”, xukuje' c'u chque ri tac'atak tak juyub: “¡Chixkaj pakawi'!”

Ri Daniel 5:6

xsakmaqui' ri u palaj, rumal c'ut ri xe'n ib ri xoc che xquichaplej birbitem ri quieb u ch'ec c'ä chu jolom.

Ri Ezequiel 38:19

Pa ri u k'ak'aric ri woyowal quinban ri chi'nic ri kas cäban na chi, pa ri k'ijol ri', cäbantaj na jun nimalaj cabrakan pa Israel.

Ri Ezequiel 36:5

Are wa' cubij ri Ajawaxel: Ri e nu tzij quenicow che oyowal e benak che u banic c'ax chque ri e jule' tak tinimit chic, kas c'u che u banic c'ax che ronojel ri Edom, rumal rech chi ruc' nimalaj quicotemal xequechbej ri wulew, ruc' c'u nimalaj etzelen wächaj xequijoc tak ri u wäch tak ri rulewal.’

Ri Jeremiy 4:4

Winak aj Juda xukuje' aj Jerusalen, chikopij ri u wi' ri qui tz'umal ri ix achijab wi jacha' jun etal, chiya' c'u nu k'ij chi in ri Ajawaxel, chicojo' ri retal ri c'ulwächinic chupam ri iwanima'; mac'ulmataj ne chi cumal ri itzel tak i banoj, cät'ikquen ri woyowal jacha' jun k'ak' canicow ta c'ut ri man c'o ta jun cäcuin ta che u chupic.”

Ri Isaiy 33:14

Quebirbob ri ajmaquib pa ri Sion, ri man e nimanelab taj quenoj na che xe'n ib cäquibij c'ut: “¿Jachin ta chke cäcuinic cäc'asi pa jun k'ak' jarisanel, pa jun k'ak' aj chbe k'ij sak?”

Salmib 21:9

queq'uiak na la pa jun jorno ri cänicowic aretak cäpe la che u k'atic tzij. Ri Ajawaxel pa ri royowal, cusach na qui wäch ruc' jun k'ak' ri cächajirisanic.

U Camulixic ri Pixab 32:43

Chixquicotok nimak tak tinimit ruc' ri u tinimit ri Dios, Ri are' cuya' na rajil u q'uexel ri qui cämisaxic ri e pataninel tak rech, cuya' na ri rajil q'uexel chque ri e u c'ulel, cusach na u mac ri rulew xukuje' ri e u tinimit.”

Ajilanic 16:35

Xutak c'u ne bic xukuje' ri Ajawaxel jun k'ak' ri xebucämisaj ri quieb sient cawinak lajuj achijab ri qui chi'm c'oc' k'ol.

Ri Lucax 23:30

Ri winak cäquichaplej c'u na u bixic chque ri nimak tak juyub: ‘Chixtzak ulok pakawi'’. Cäquibij na chque ri alaj tak juyub: ‘Chujich'uku'’.

Ri Lucax 21:26

Cäquixe'j quib ri winak, cäqueyej jas ri cäbantaj na cho ri uwächulew; xukuje' ne tak ri chuk'ab aj chicajil quebirbob na.

Ri Lucax 19:27

E are tak c'ut ri qui banom qui c'ulel chwe, ri man xcaj taj chi c'o nu takanic paquiwi', chebic'am ulok, chebicämisaj chnuwäch.’ ”

Ri Lucax 16:24

C'äte ri' ri k'inom co xch'awic, xubij: ‘Tat Abraham, chel c'u'x la chwe, chtakala' ulok ri Lazaro rech curub ulok ri u wi' u k'ab pa ja', cujorobisaj c'u ri wak'; rumal rech chi quinel ch'u'j pa we k'ak' ri.’

Nabe Samuel 2:25

We jun winak cämacun chrij jun winak chic, ri Ajawaxel cuya' cuto' we winak ri'; we jun winak cuc'ulelaj ri Ajawaxel, ¿jachin ta ri cato'w u wi'?” Man xquinimaj ta c'ut ri xubij ri qui tat chque, u chomam chi c'u ri Ajawaxel resaxic ri qui c'aslemal.

Ri Xuan 5:29

quebel na ulok pa tak ri mukubal. Ri winak ri xquiban ri utz quec'astaj na rech cäc'oji' na qui c'aslemal; e are c'ut ri winak ri xquiban etzelal, quec'astaj na che c'okotajem.”