Hebreos 10:12 - Quiché Bible

¹² Aretak c'u we cojol tabal tok'ob ri' u chi'm chic re chbe k'ij sak jun xa' tabal tok'ob ri cäyo'w ri cuyubal macaj, xut'uyuba' c'u rib pa ri u wiquiak'ab ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Are kꞌu ri Jesucristo are xtzujtaj ri xa jun sipanik choch ri makaj ri xjeqiꞌk chibꞌe qꞌij saq, xtꞌuyiꞌk pa uwiqiqꞌabꞌ ri Dios.

K'iche'

¹² Are c'u ri Jesucristo xa jumul xujach jun sipanic cho ri Dios ri xak xuwi wa' rajwaxic che resaxic ri mac pa tak ri k'ij ri junab ri quepetic. Te c'u ri' xt'uyi pa ru wiquiäk'ab ri Dios.

K'iche' (New Orthography)

¹² Are k'u ri Jesucristo xa jumul xujach jun sipanik cho ri Dios ri xaq xuwi wa' rajwaxik che resaxik ri mak pa taq ri q'ij ri junab' ri kepetik. Te k'u ri' xt'uyi pa ru wikiäq'ab' ri Dios.

Hebreos 10:12 Referans Kwoze

Hebreos 1:3

Rumal ri are' cäjuluw ri u juluwem ri Dios. Are u wächbal ri kas u ca'yebal ri Dios. Ri are' ruc'am ronojel ri jastak rumal ri tzij re ri u cuinem. Aretak xujujosk'ij pa ri ka mac, xt'uyi' pa ri u wiquiak'ab ri Dios ri nim u k'ij chicaj.

Colosenses 3:1

We ix c'astajinak chi ruc' ri Crist, chebitzucuj ba' ri jastak aj chicaj, jawije' ri t'uyul wi ri Crist pa ri u wiquiak'ab ri Dios.

Romanos 8:34

¿Jachin ta ri cäcuin che u c'ajisaxic qui wäch? Ri xcämic are ri Crist Jesus, xukuje' ri xc'astajic, ri c'o pa ri u wiquiak'ab ri Dios, ri cubochi'j ri Dios pakawi'.

Hebreos 9:12

Ri Crist xoc pa ri Sibalaj Tastalicalaj C'olbal man rumal ta qui quiq'uel ama'ib tak q'uisic' mawi ri quech ri alaj ama'ib tak wacax, xane' rumal ri u quiq'uel ri are'. Xa' jumul oquinak chbe k'ij sak, bantajinak chic ri junalic kacolotajic.

Hebreos 8:1

Ri u c'u'x ri ka bim are wa': Chi je u beya'l wa' ri qui nimal ri cojol tabal tok'ob ri kech uj xt'uyi' chicaj pa ri u wiquiak'ab ri u tem ri Dios re ajawibal, ri nim u k'ij ri c'o pa ri caj,

Salmib 110:1

Ri Ajawaxel xubij che ri wajaw: “Chatt'uyul pa ri nu wiquiak'ab, c'ä quinban na chque ri qui banom qui c'ulel chawe chi quebux e u tac'alibal ri e awakan.”

Marcos 16:19

Ri Ajawaxel Jesus, aretak xuq'uis qui tzijobexic ri e u tijoxelab, xc'am xpaki' chicaj, xet'uyul pa ri riquiak'ab ri Dios.

Efesios 5:2

chiwuc'aj ri c'aslemal aj lok'ok'ebal c'uxaj, jas ri Crist xujulok'ok'ej. Xuya' ri u c'aslemal rumal kech, jacha' sipanic, tabal tok'ob cho ri Dios, are jun c'oc'alaj uxlab ri cäkaj chuwäch.

Hebreos 5:1

Ronojel qui nimal ri cojol tabal tok'ob ri cha'om chquixo'l ri winak, are' cojom chuwäch ri Dios che qui q'uexwäch ri winak, rech cuya' sipanic cho ri Dios xukuje' quebucämisaj tak awaj che tabal tok'ob cho ri Dios rumal quech ri mac.

Hebreos 5:3

Rajawaxic c'ut chi cuya' tabal tok'ob cho ri Dios man xuwi ta rumal quech ri qui mac ri winak, xane' xukuje' rumal quech ri u mac are'.

Hebreos 7:27

Man rajawaxic ta che chi ronojel k'ij cucämisaj ta jun awaj che tabal tok'ob cho ri Dios nabe paquiwi' ri u mac ri are', te c'u ri' paquiwi' ri qui mac ri winak, jas cäquiban ri niq'uiaj e cojol tabal tok'ob. Xa' c'u jumul chbe k'ij sak ri Jesus xuya' tabal tok'ob, aretak xuya' ri u c'aslemal cho ri ripibal.

Hebreos 9:14

¡e ta c'u lo ri u quiq'uel ri Crist, ri xuya' rib rumal ri junalic Uxlabaxel, man tz'ajtajinak taj chuwäch ri Dios, quebujosk'ij na ri retamabal ka c'u'x ruc' ri quesaxic ri cäminak tak chac, rech cäkak'ijilaj ri c'aslic Dios!

Hebreos 10:10

Rumal ri u rayibal ri Dios, banom tastalic tak winak chke, rumal rech chi ri Jesucrist xuya' ri u cuerp xa' jumul chbe k'ij sak.

Hebreos 10:14

Xa' ruc' jun sipanic, xebutz'akatisaj chbe k'ij sak ri banom tastalic tak winak chque.