Gálatas 4:18 - Quiché Bible

¹⁸ Kastzij chi utz we cujoc il chque niq'uiaj chic, cuc' c'u utzalaj tak chomanic; je c'u chux amak'el, ma ta xak xuwi aretak in c'o chixo'l.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Utz riꞌ we amaqꞌel kel ukꞌuꞌx jun che jun chik, man xwi ta are in kꞌo iwukꞌ.

K'iche'

¹⁸ Utz c'ut aretak e c'o ri cäcaj cäca'n utzil chiwe ruc' ri rutzil canima', man xuwi tä c'u aretak in c'o iwuc', xane rajwaxic wa' amak'el.

K'iche' (New Orthography)

¹⁸ Utz k'ut aretaq e k'o ri käkaj käka'n utzil chiwe ruk' ri rutzil kanima', man xuwi tä k'u aretaq in k'o iwuk', xane rajwaxik wa' amaq'el.

Gálatas 4:18 Referans Kwoze

Filipenses 2:12

Je c'u ri', lok'alaj tak wachalal, jas ri i nimanic amak'el aretak in c'o iwuc' nabe, camic xukuje' sibalaj chixniman na pune' man in c'o ta chi iwuc'. Chicojo' i chuk'ab chi utz ri i c'aslemal ix colotajinak chi c'u ne', nim chi wila' wi ri Dios, china' iwib chuwäch.

Apocalipsis 3:19

In co quebench'abej conojel ri quebenwaj, quinc'äjisaj qui wäch. Chacojo' ba a chuk'ab che ri cabano, chaq'uexa' a c'u'x.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Filipenses 1:27

Xak xuwi chibana' pa ri i c'aslemal jas ri takal che ri tzij re colobal ib ri u bim ri Crist. Jeri' we quinbe che iwilic o man quinbe taj, quinta' i tzijol chi co ix tac'alic, xa' jun iwanima', xa' jun i chomanic, junam quixchacun che u tzijoxic ri cojonic re ri tzij re colobal ib.

Gálatas 4:13

Iweta'm c'ut chi xintzijoj ri tzij re colobal ib chiwe nabe mul rumal jun yabil ri xinrik pa ri nu cuerp.

1 Corintios 15:58

Je c'u ri', lok'alaj tak wachalal, kas co chixtac'alok, man c'o ta quixslabsanic. Amak'el chixoc il che ri u chac ri Ajawaxel. Iweta'm chi ri i chac pa ri Ajawaxel man xak ta lok'.

Salmib 119:139

In oyowinak rumal quech ri nu c'ulel chi man cäquita'taj ri tzij la.

Ri Xuan 2:17

Chi' c'ut xnataj chque ri u tijoxelab chi tz'ibam canok: “Quinubik' ri rilixic ri achoch la.”

Ri Isaiy 59:17

Xuch'uk rib je ta ne xucoj ta jun to'bal uwo c'uxaj, xucoj ri colobal ib jacha' ta ne jun to'bal jolomaj, xratz'iakij ri tojow q'uexelal jacha' jun u pam atz'iak, xupis c'u rib chupam ri oyowal jacha' jun ch'ukubal.

Salmib 69:9

Quincäm che achixomanic che rilixic ri achoch la; in in kajbeninak ronojel ri qui yok'bal ri quebanow c'ax che la;

Gálatas 4:20

¡C'o ta banom wi in c'o ta apan chila' kas camic rech jun ta chi wi ri i ch'abexic quinbano, man weta'm ta c'ut jas ri i chomaxic quinbano!

Gálatas 4:17

E c'o c'u jujun ri sibalaj quixcaj, man are ta c'u utzil cäcaj chiwe, xane' are cäcaj quixquesaj bic chkaxo'l, rech sibalaj quebiwaj na ri e are'.