Gálatas 3:12 - Quiché Bible

¹² Are c'u ri pixab man c'o ta re che ri cojonic, rumal rech chi cubij: “Ri quebanow we jastak ri', quec'asi' na cumal.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Ri taqanik man rech ta ri kojobꞌal, xane kubꞌij: Ri winaq ri kubꞌan we jastaq riꞌ kakꞌasiꞌ na rumal rech.

K'iche'

¹² Are c'u ri Pixab ri xutz'ibaj ri ka mam Moisés man cubij taj chi rajwaxic cäcojon jun, xane cubij: “Jachin ri cunimaj ronojel we Pixab ri' cäc'oji na ri' ru c'aslemal rumal wa',” —cächa'.

K'iche' (New Orthography)

¹² Are k'u ri Pixab' ri xutz'ib'aj ri qa mam Moisés man kub'ij taj chi rajwaxik käkojon jun, xane kub'ij: “Jachin ri kunimaj ronojel we Pixab' ri' käk'oji na ri' ru k'aslemal rumal wa',” —kächa'.

Gálatas 3:12 Referans Kwoze

Aj Levitib 18:5

Rumal ri' chi nimaj ri caquibij tak ri e nu takomal, xukuje' ri e nu pixab ri e tz'ibatalic. Ri winak ri quebutz'akatisaj, cäc'asi na. In ri' ri Ajawaxel.

Ri Nehemiy 9:29

Xcoj chuk'ab la che u bixic chque chi chequitz'akatisaj chi jumul qui banic tak ri pixab la; e are c'ut ri e are' xquicojo chi man c'o ta cajwataj chque man xeboc ta c'u il che qui nimaxic tak ri e takomal la; man nim ta c'u xequil wi ri e tz'ibam tak wi ri e pixab la, ri quequiya' c'aslemal chque ri quebanowic; man xetan ta tzij e c'osc'obinak, man xeboc ta c'u il.

Romanos 4:14

We c'u ri quec'amow ri echbal e are' ri quequimaj u banic ri pixab, man c'o ta ba' cupatanij ri' ri cojonic are' c'u ri u chi'm ri Dios cutzak na ri u chuk'ab.

Romanos 4:16

Jeri' ri winak ri quecojonic cäquirik na jas ri xchi'x ulok chi cäya' na chque rumal ri Dios. Xa' c'u rumal tok'ob cäquic'amo. Rech kas cäquirik na conojel ri e rija'l ri Abraham, man xuwi ta ri cäquinimaj ri pixab, xane' xukuje' ri c'o qui cojonic je jas ri u cojonic ri Abraham. Ri are' ri ka mam konojel.

Ri Ezequiel 20:11

chila' c'u xinya' wi chque ri quetamaxic tak ri nu pixab xukuje' tak ri e nu takomal, ri cuya' c'aslemal chque tak ri quebanowic.

Romanos 11:6

We xcha' rumal ri u tok'ob ri Dios, man xcha' ta ri' rumal ri u chac. We ta ba' rumal chac, ri u tok'ob ri Dios ma ta tok'ob chi ri'.

Ri Matey 19:17

Ri Jesus xubij che: “¿Jasche cabij utz chwe? Xa' jun ri utz c'olic, are ri Dios. We c'u cawaj catoc pa ri c'aslemal, chebanimaj ri takomal.”

Ri Ezequiel 20:13

Xa' c'u ne xquiwalijisaj quib chwij chupam ri chaki'j uwo sak, man xequinimaj taj ri e nu pixab; xequixutuj tak ri e nu takomal ri e nu yo'm chque rech we quequitz'akatisaj, cac'oji' ta qui c'aslemal, xequixok'olij tak c'ut ri nu k'ij rech tak uxlanem. Xinchomaj c'ut u kasaxic ri woyowal paquiwi' che u sachisaxic qui wäch chila', chupam ri chaki'j uwo sak,

Romanos 7:10

ri in c'ut xincämic. Are c'u ri takanic ri xpe che u ya'ic c'aslemal, chwe in xuya' cämical.