Gálatas 2:6 - Quiché Bible

⁶ Man xequiya' ta c'u c'ac' tak tijonic chwe ri etamatal qui wäch chi e c'amal tak be (ri in man cajwataj ta c'u chwe ri e qui banic ulok, ri Dios man are ta cuya' qui k'ij tak ri e wächbalil.)

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Are kꞌu ri e kꞌamal taq bꞌe, pune man kꞌo ta kutayij chwe ri kuꞌxik, jeriꞌ rumal cher ri Dios man kuqꞌat ta tzij pa kiwiꞌ ri winaq rumal ri kebꞌantajik, man kꞌo ta chi jun kꞌakꞌ jastaq ri xkibꞌij loq chwe.

K'iche'

⁶ Ri tata'ib c'amal tak qui be ri cojonelab ri e c'o pa Jerusalén, man c'o tä jun tijonic chic ri xquiya chwe in. Ri e are', pune nimak qui banic, man c'o tä we in chque. Ri Dios c'ut xak junam queril wi conojel ri winak.

K'iche' (New Orthography)

⁶ Ri tata'ib' k'amal taq ki b'e ri kojonelab' ri e k'o pa Jerusalén, man k'o tä jun tijonik chik ri xkiya chwe in. Ri e are', pune nimaq ki b'anik, man k'o tä we in chke. Ri Dios k'ut xaq junam keril wi konojel ri winaq.

Gálatas 2:6 Referans Kwoze

Gálatas 2:2

Xinbec rumal rech chi ri Dios xuc'ut chnuwäch chi rajawaxic jeri' quinbano. Xebench'abej ri quechomaxic chi e c'amal tak be xa' pa qui tuquiel wi, xink'alajisaj ri tzij re colobal ib chquiwäch ri quintzijoj chquixo'l ri man aj judeyib taj. Jewa' xinbano rech man xak ta lok' ri chac ri nu banom xukuje' ri quinban na.

Hechos 10:34

Ri Lu' xuchaplej tzijonem, xubij c'ut: “Camic quinch'obo chi kastzij ri Dios man jalan ta queril wi tak ri winak.

2 Corintios 12:11

In uxinak con, ix c'ut xinitakchi'j che wa'. Ix ta ri' ri utz ta nu tzijol iwumal, rumal rech chi ri in ma ta are nim na nu k'ij chquiwäch ri takomxenlab ri nimak na qui k'ij, pune' man c'o ta nu banic.

Gálatas 6:3

We c'o jun cuchomaj chi c'o u banic, we man c'o ta c'u u banic, xak cusub rib.

2 Corintios 11:5

Quinchomaj c'ut chi man quinjunamataj ta cuc' ri qui quijuluj quib chi e nimak tak takomxenlab.

Romanos 2:11

Ri Dios man nim ta cäril wi jun winak chuwäch ri jun chic, xane' junam queril wi conojel.

1 Pedro 1:17

We quibij Tat che ri Dios, ri cuk'at tzij paquiwi' conojel jas ri qui chac chquijujunal, man cuya' ta u k'ij jun winak chuwäch jun chic, chixe'j ba' iwib chuwäch ri are' ronojel k'ij re ri i c'aslemal cho ri uwächulew.

Hebreos 13:17

Chixniman chque ri c'amal tak i be, chiya' iwib pa takic chque. Ri e are' quequichajij ri iwanima', queta'm c'ut chi rajawaxic cäquibij na che ri Dios jas ri qui banom. Chixniman chque rech cäquiban ri qui chac ruc' quicotemal, man ruc' ta bis. We ta c'u ruc' bis cäquibano, ma ta c'o quiwechbej ri' che.

Hebreos 13:7

Chenataj ri c'amal tak i be chiwe, ri xquitzijoj ri u tzij ri Dios chiwe. Chiwila' jas ri elinak wi ri qui c'aslemal. Chc'ol iwuc' ri cojonic ri c'o cuc'.

2 Corintios 5:16

Rumal ri' man cäkachomaj ta chi uj camic, jas ri cäquichomaj ri winak aj uwächulew camic; pune' xkachomaj ri Crist jas ri qui chomanic ri winak aj uwächulew, man je ta chi c'u u chomaxic wa camic cäkabano.

Ri Lucax 20:21

Xquic'ot c'u u chi' ri Jesus, xquibij che: “Kajtij, keta'm chi suc' ri a tzij, suc' ri a tijonic. Keta'm chi man nim ta cawil wi jun winak chuwäch jun chic. Xane' quebatijoj ri winak ruc' kastzij che ri u be ri Dios.

Marcos 12:14

Xebopan ruc' ri Jesus, xquibij che: “Aj tij, keta'm chi lal cäbij la ri kastzij, chi man coc ta la il chuwäch jachin jun; man are ta c'u caca'yej la ri qui wäch ri winak, xane' catijon la ruc' kastzij chrij ri u be ri Dios. ¿La ya'talic cakatoj tojbal che ri nimalaj k'atal tzij Sesar, o man ya'tal taj?”

Ri Matey 22:16

Xequitak bic ri qui tijoxelab ruc' ri Jesus e cachil ri aj herodib, xquibij che: “Aj tij, keta'm chi ri lal cabij la ri kastzij. Keta'm chi ri lal quetijoj la ri winak ruc' kastzij che ri u be ri Dios, chi man coc ta la il chuwäch jachin jun, we nim u banic o man nim ta u banic, man are ta quil la qui wäch ri winak.

Ri Job 34:19

Ri are' man cucoj ta rib cuc' tak ri k'atal tak tzij, mawi are ta cutok'obisaj qui wäch ri k'inomab chquiwäch ri mebayib, are' c'u xebanow conojel.

U Camulixic ri Pixab 10:17

Ri Ajawaxel c'ut ri i Dios are Dios chque ri cäbix diosib chque, are' c'u Cajaw ri ajawib; are' Dios wa' ri c'o puwi' ronojel, c'o u cuinem xukuje' mayibal c'ut, ri man quebuban ta jalan wächaj ri queban ta u pa u k'ab,

Hechos 5:36

Rumal rech chi chquixe' can we k'ij ri' c'o jun achi Teuds u bi'. Ri are' xubij rib chi nim u banic. Xquimulij quib achijab ruc', cäraj ne e quiejeb sient ri achijab. Xcämisax c'ut, conojel c'ut ri e teren chrij xsach qui wäch.