Gálatas 1:1 - Quiché Bible

¹ In, Pawl, in jun takom, man cumal ta winak, mawi xa' in takom rumal jun winak, xane' rumal ri Jesucrist xukuje' rumal ri Dios Tataxel, ri xc'astajisan ri Jesus chquixo'l ri cäminakib.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Ri Pablo, taqoꞌn man kech ta winaq xuqujeꞌ man winaq taj taqowinaq, xane rumal are ri Jesucristo xuqujeꞌ rech ri Dios Tataxel ri xkꞌastajisan ri Jesucristo chikixoꞌl ri kaminaqibꞌ.

K'iche'

¹ In wa', ri Pablo, in apóstol. In jun chque ru tako'n ri Jesucristo. Man in cojom tä cumal winak, man in takom tä cumal winak, xane rumal ri Jesucristo, xukuje' rumal ri Dios ka Tat ri xc'astajisan ri Jesucristo chquixol ri cäminakib.

K'iche' (New Orthography)

¹ In wa', ri Pablo, in apóstol. In jun chke ru taqo'n ri Jesucristo. Man in kojom tä kumal winaq, man in taqom tä kumal winaq, xane rumal ri Jesucristo, xuquje' rumal ri Dios qa Tat ri xk'astajisan ri Jesucristo chkixol ri käminaqib'.

Gálatas 1:1 Referans Kwoze

1 Corintios 1:1

In, Pawl, in siq'uim che takom rech ri Jesucrist rumal ri u rayibal ri Dios, wachil ri kachalal Sostens,

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Romanos 1:1

In Pawl, in pataninel rech ri Jesucrist. In siq'uim xukuje' in tasom rumal ri Dios che takom, rech quintzijoj ri utzalaj tak tzij re colobal ib.

Efesios 3:8

In ri man nim ta nu banic chuwäch ri man nim ta u banic chquixo'l ri e aj u tinimit ri Dios, are' c'ut ri are' yowinak we nimarisabal ib ri' chwe chi quinya' u tzijoxic chque ri man aj judeyib taj ri utzalaj tzijol che qui k'alajisaxic tak ri e u k'inomal ri Crist ri man e ch'obel taj.

Ri Tit 1:3

Xuchomaj jun k'ij, xuk'alajisaj ri u tzij. Xya' ri tzij pa nu k'ab rumal ri u takanic ri ka Colonel Dios.

2 Corintios 1:1

Ri in Pawl, in takom rech ri Jesucrist rumal ri u rayibal ri Dios. In xukuje' ri kachalal Timotey cäkatz'ibaj we wuj ri' chque ri e re ri u comon cojonelab ri Dios ri c'o pa Corint, xukuje' chque conojel ri winak ri e rech ri Dios ri e c'o pa Acay.

2 Timoteo 1:1

Ri in Pawl, u takom ri Crist Jesus rumal ri u rayibal ri Dios, jas ri u beya'l ri chi'm, ri u junaxic ib ruc' ri Crist Jesus,

Romanos 10:9

We cak'alajisaj ruc' ri a chi' chi ri Jesus are ri Ajawaxel, xukuje' we cacoj ruc' awanima' chi are' ri Dios xc'astajisan chquixo'l ri cäminakib, catcolotaj na.

Hechos 22:10

Xinbij c'ut: ‘¿Jas caj la chi quinbano, Ajawaxel?’ Ri Ajawaxel xubij chwe: ‘Chatwalijok, jät pa Damasc. Chila' cäbix wi na chawe ronojel ri rajawaxic caban na.’

Hechos 9:6

Chatwalijok. Chatoc bic pa ri tinimit. Cäbix c'u na chawe jas ri rajawaxic cabano.”

Apocalipsis 2:8

“Chatz'ibaj che ri u tako'n re ri comon cojonelab pa Smirn: ‘Ri nabe xukuje' ri q'uisbal, ri xcäm na, c'asal chi c'ut, je xubij wa':

Apocalipsis 1:18

In ri' ri c'aslic. Xincäm na. Chawilampe', in c'asal c'u chbe k'ij sak. C'o ri e u laweyil ri cämical wuc' xukuje' ri re ri qui c'olbal ri cäminakib.

1 Pedro 1:21

Rumal ri Crist ri ix xixcojon che ri Dios, ri xuc'astajisaj ri Crist chquixo'l ri cäminakib xukuje' xunimarisaj u k'ij, rech quixcojon che ri Dios xukuje' quicu'ba' i c'u'x chrij.

Hebreos 13:20

Are ba' ri Dios ri cäyo'w jamaril chixo'l, ri xc'astajisan ri Kajaw Jesucrist chquixo'l ri cäminakib, are wa' ri nimalaj Cajyuk' ri chij rumal ri quic' re ri junalic c'ulwächinic,

Gálatas 1:17

Mawi xinpaki' pa Jerusalen cuc' ri nabe xeboc che takom chnuwäch in. Xane' xinbe pa Arab, c'äte ri' xintzelej ulok pa Damasc.

Romanos 14:9

Rumal c'u wa' xcäm ri Crist, xc'astaj c'ut chi xc'asi' chi c'u jumul, rech cux Ajawaxel paquiwi' ri cäminakib jacha' xukuje' paquiwi' ri e c'asc'oj.

Ri Xuan 20:21

Xubij chi c'u jumul ri Jesus chque: “Chc'ol ri jamaril iwuc'. Jacha' ri Tataxel xinutak ulok in, je xukuje' ri in quixintak bic ix.”

Ri Xuan 10:30

Ri in ruc' ri Tataxel xa uj jun.”

Ri Xuan 5:19

Ri Jesus xutzelej u bixic, xubij chque: “Kastzij, kastzij quinbij chiwe: Ri C'ojolaxel man c'o ta jas cäcuin che u banic pa re wi, xane' xuwi cubano jas ri cärilo chi cuban ri Tataxel. Ronojel ri cuban ri Tataxel, xukuje' cuban ri C'ojolaxel.

Hechos 3:15

Xcämisaj alak ri jun ri xbanow ri c'aslemal. Xc'astajisax c'u wa' rumal ri Dios chquixo'l ri cäminakib. Ri uj c'ut xkilo chi kastzij xc'astajic.

Gálatas 1:15

Are c'u ri Dios xinucha' ulok aretak c'ä majok quinalaxic, xinusiq'uij rumal ri u tok'ob. Aretak xkaj chuwäch,

Ri Josue 22:15

Conojel xebe pa Galaad, jawije' e c'o wi ri amak' rech ri Ruben rech ri Gad xukuje' ri pa niq'uiaj ramak' ri Manases, xquibij c'u chque: