Filipenses 4:6 - Quiché Bible

⁶ C'o jun jasach mixoc wi il, xane' chiya' ronojel chuwäch ri Dios pa ch'awem ruc' Dios; chixtz'onom che, chiya' c'u maltioxinic che xukuje'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Makꞌaxir iwanimaꞌ che ri jastaq, xane chibꞌana chꞌawem ronojel mul, chibꞌij che ri Dios jas jeꞌ ri kiwaj, xuqujeꞌ kixtyoxinoq che ronojel ri ubꞌanom.

K'iche'

⁶ Mixej ba' iwib chuwäch apachique ri cäpetic. Xane xa chibana orar, chibij ronojel wa' che ri Dios. Chixbochi'n che ri Dios amak'el ruc' maltioxinic.

K'iche' (New Orthography)

⁶ Mixej b'a' iwib' chuwäch apachike ri käpetik. Xane xa chib'ana orar, chib'ij ronojel wa' che ri Dios. Chixb'ochi'n che ri Dios amaq'el ruk' maltioxinik.

Filipenses 4:6 Referans Kwoze

1 Pedro 5:7

Ronojel ri quixoc wi il, chiya' pa u k'ab ri Dios. Ri are' c'ut quixuchajij.

Salmib 55:22

Chaya' can ronojel ri a bis pa u k'ab ri Ajawaxel, catutok'ej c'u na; mawi c'u jumul cuya' be chi cätzak ri winak ri cäniman che.

Ri Matey 6:8

Mijunamaj ba' iwib cuc'. Are c'u ri i Tat reta'm chic jachique tak ri jastak ri e rajawaxic chiwe c'ä majok chi tz'onoj che.

Ri Jeremiy 33:3

Chinasiq'uij quintzelej c'u na u wäch ri a tzij, quinya' c'u na qui bixic nimak tak jastak chawe ri e awatalic ri man e aweta'm taj.

E C'ambal tak Tzij 16:3

Chebajacha' tak ri a chac pa u k'ab ri Ajawaxel, utz c'u quebel na ri cachomaj qui banic.

Salmib 62:8

¡Nu tinimit, chacu'ba' a c'u'x chrij ri Dios! chixch'aw ruc', ruc' ronojel jiquibam c'uxaj. ¡Ri Dios are' ka panibal!

Colosenses 4:2

Amak'el chibana' ch'awem ruc' Dios. Chixc'asc'at che u banic, chixmaltioxin che ri Dios.

Efesios 6:18

Mitanaba' ri u banic ch'awem ruc' Dios: chixbochi'nok xukuje' chixtz'onom che ri Dios amak'el, pa ri Uxlabaxel. Chixc'asc'atok, mixtuktubic, chibana' c'u ch'awem puwi' ronojel ri u tinimit ri Dios.

Colosenses 3:17

Apachique ri quibano o ri quibij, chibana' ronojel pa ri u bi' ri Ajawaxel Jesus, ruc' maltioxinic che ri Dios rumal ri are'.

Ri Lucax 18:1

Ri Jesus xubij jun c'ambal no'j chque, chi rajawaxic amak'el cäquiban ch'awem ruc' Dios, mäq'uistaj c'uxaj.

Ri Lucax 12:22

Ri Jesus xubij chque ri u tijoxelab: “Rumal ri' quinbij chiwe: Mixoc il che ri i c'aslemal, jas ri quitijo. Mixoc il che ri cuerp, jas iwatz'iak quicojo.

Salmib 51:15

Ajawaxel, jaka' la ri nu chi', ruc' c'u ri nu chi' quinya' na k'ij la.

Colosenses 3:15

Chiya' ba' che ri u jamaril ri Crist chajawin pa tak ri iwanima', xukuje' xixusiq'uij c'ut rech quiban xa' jun cuerp; xukuje' chiya' ta c'u xmaltioxinic.

Nabe Samuel 30:6

Ri David sibalaj xoc il rumal rech chi ri ajch'ojab are ta cacaj caquicämisaj ri David che abaj, conojel c'ut sibalaj yactajinak coyowal u mac rech ri xquic'ulmaj ri calc'ual. Xujiquiba' c'u u c'u'x ri David chrij ri Ajawaxel ri u Dios,

Efesios 5:20

Amak'el chimaltioxij ronojel che ri Dios ri Tataxel pa ri u bi' ri Kajaw Jesucrist.

Salmib 55:17

Quintzujun na chuwäch, quinok' na ak'ab, benak k'ij xukuje' chak'ab, cutatabej c'u na ri nu ch'abal.

Ri Lucax 10:41

Ri Ajawaxel xubij che: “Mart, Mart, sibalaj catoc il chque q'uialaj jastak, sachinak a c'u'x cumal.

Ri Lucax 18:7

¿La ma ta ri Dios cuk'at na tzij paquiwi' ri qui c'ulel ri winak ri e u cha'om, we ri e are' cäquirak qui chi', quebochi'n che chi pa k'ij chi chak'ab? ¿La cäbeytaj ta lo ri Dios?

Ri Matey 10:19

Aretak c'ut quixquijach na pa qui k'ab ri k'atal tak tzij, mixoc il che ri quibij na o jas u bixic quibij na, aretak c'u copan ri jok'otaj che ri tzijonem, cäyataj na chiwe jas ri qui bij na.

E C'ambal tak Tzij 15:8

Ri Ajawaxel man quebucoch'taj ri qui sipanic ri e banal tak etzelal, cuc'amowaj c'ut ri qui bochi'nic ri e suc' ruc' quicotemal.

Ri Lucax 12:29

Sibalaj ba' mitzucuj jas ri quitijo, o jas ri quiwuq'uiaj; xukuje' mich'ujarisaj iwib.

Nabe Samuel 1:15

Man je ta ri' tat,” xcha' ri Na'. “Man rumal ta rech chi nu kumum ta u wa'l uva mawi jun uq'uia' ri k'obisam, xane' xa c'axc'obinak ri wanima' cätajin c'u quinjamij ri nu c'axc'ol chuwäch ri Ajawaxel.

2 Corintios 1:11

we ri ix cujito' pa ri i ch'awem ruc' Dios, we e q'ui cäquiban ch'awem ruc' Dios pakawi', e q'ui c'ut quemaltioxinic rumal rech ri tewichibal ri yo'm chke rumal ri Dios.

1 Corintios 7:32

Quinwaj c'ut chi ma ta c'o jas quixoc wi il. Ri achi ri man c'ulan taj, querilij ri jastak re ri Ajawaxel, jas ri cäkaj chuwäch ri Ajawaxel.

1 Pedro 4:7

Cäpe c'u na ri k'ij aretak queq'uis conojel ri jastak. Utz ba' chixchomanok, chichomaj jas ri quibano, rech utz quiban che ri ch'awem ruc' Dios.

Ri Matey 13:22

Ri ija' ri ticom chquixo'l tak q'uix are cubij ri caquitatabej ri tijonic e aretak c'ut ri ch'äcoj re we uwächulew ri' cuya' sibalaj oquem il chque xukuje' ri qui lok'ok'exic ri k'inomal quebusubu. Ronojel wa cujik'isaj ri tijonic man cuya' ta c'u chque chi quewächinic.

Ri Daniel 3:16

“Man c'o ta jasche cujchoman chrij we jasach ri',” xecha' ri oxib alabom.

Ucab Tzijobelil 32:20

Je c'u u q'ueyowal wa' c'olic, ri ajawinel Ezequiy rachil ri Isaiy, u c'ojol ri Amoz, xquiban ch'awem ruc' Dios xquitz'onoj to'banic chicaj.

Nabe Samuel 7:12

Xuc'am c'u na jun abaj ri Samuel xucoj chuxo'l ri Mizpa ruc' ri Sen, xucoj c'u Eben-ezer che u bi' xubij c'ut: “C'ä camic c'ä uj u to'm ri Ajawaxel.”

Bixonic Tak 2:14

Nu palomax ri quebac'u' awib xo'l tak ri abaj, pa tak chicajil xukuje' c'axalaj tak c'ubal ib chaya' chwe chi quinwil ri a palaj, chaya' chwe chi quinta' ri a ch'abal. ¡Man c'o ta c'o wi ri awilic! ¡Sibalaj qui' ri a tatabexic!’ ”

1 Corintios 7:21

¿La at lok'om pataninel aretak xatsiq'uixic? matoc il che wa'; we c'u cuya' cattzokopitajic, are wa' chatzucuj.

Nabe Ajawinelab 8:28

Bana' la tok'ob, Ajawaxel, xukuje' nu Dios, choc la il che ri nu bochi'nic xukuje' ri nu tz'ononic; chtatabej la ri rakoj chi'aj re rikoj c'ax xukuje' ri ch'abexic la ri cuban na we pataninel ech la ri' camic.

Ri Jeremiy 32:16

“Aretak e ya'tajinak chic ri e u wujil ri xlok'ic che ri Baruc, u c'ojol ri Neriy, xinban we ch'awem ri' ruc' Dios:

Ri Daniel 6:10

Aretak c'ut xretamaj ri Daniel chi ri Dariy xuya' u tzij che u banic we takanic ri', xbe cho rachoch, xebujak ri e u wenta'n ri u warabal, ri benak u wäch pa Jerusalen, xxuqui che u banic ch'awem ruc' Dios, xk'ijilan c'u che ri Dios. Ox mul c'ut cuban wa' ronojel k'ij, jas ri u banom ulok amak'el.

Ri Matey 6:34

Je c'u ri', mixoc il che ri k'ij re chwek; ri k'ij c'ut re chwek cuc'am na ulok ri roquem il. Ri retzelal ri jun k'ij chubana' wa' che.”

1 Timoteo 2:1

Nabe, catinpixbej chi quiban ch'awem ruc' Dios. Quiban bochi'nic, tz'ononic xukuje' maltioxinic paquiwi' conojel ri winak.

1 Timoteo 5:5

Are ri kas malca'n, ri canajinak u tuquiel, are ri' cu'l u c'u'x chrij ri Dios, cubochi'j ri Dios xukuje' cuban ch'awem ruc' Dios chi pa k'ij chi chak'ab.