Filipenses 3:8 - Quiché Bible

⁸ C'o chi c'u na jubik', in nu ch'obom chi conojel we jastak ri' man c'o ta chi qui patan chwe, aretak quinchomaj chi sibalaj nim u banic ri retamaxic u wäch ri Crist Jesus ri Wajaw. Rumal rech ri Crist nu tzakom can ronojel, ronojel c'ut xa' mes chic chnuwäch che u q'uexwäch ri nu ch'äcom ri are' ri Crist.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Qas ne tzij wi, man kꞌo ta kutayij ronojel ri xinbꞌan kanoq rumal chi are sibꞌalaj nim na uqꞌij ri retaꞌmaxik uwach ri wAjaw Cristo Jesús cho we jastaq riꞌ.

K'iche'

⁸ Je wa' quinwil ronojel ri nu banom, conojel ri jastak we xukuje', chi man c'o tä chi c'u qui patän chnuwäch rumal chi kas xinwetamaj u wäch ri Kajaw Jesucristo. Rumal ri Cristo nu tzakom can ronojel. Quinwil in chi xa mes chic ri jastak we ri xec'oji nabe, xukuje' ronojel ri ojer nu c'aslemal. Je ri' ri nu chomanic rumal chi ri Cristo Are wech in, lok' c'u na quinwil wi ri Are' chuwäch ronojel.

K'iche' (New Orthography)

⁸ Je wa' kinwil ronojel ri nu b'anom, konojel ri jastaq we xuquje', chi man k'o tä chi k'u ki patän chnuwäch rumal chi qas xinwetamaj u wäch ri Qajaw Jesucristo. Rumal ri Cristo nu tzaqom kan ronojel. Kinwil in chi xa mes chik ri jastaq we ri xek'oji nab'e, xuquje' ronojel ri ojer nu k'aslemal. Je ri' ri nu chomanik rumal chi ri Cristo Are wech in, loq' k'u na kinwil wi ri Are' chuwäch ronojel.

Filipenses 3:8 Referans Kwoze

Romanos 8:18

Weta'm chi ri c'ax ri cäkarik pa tak we k'ij camic, man cäjunamataj ta ruc' ri juluwem ri cäpe na, ri cuc'ut na ri Dios rumal kech.

Hechos 20:24

Man are ta quinwilij ri nu c'aslemal, man quinnimarisaj ta u k'ij ri nu c'aslemal, rech jeri' quinq'uis na ri nu chac ruc' quicotemal. Jeri' quintz'akatisaj na ri patan ri xinc'am che ri Ajawaxel Jesus, are ri u k'alajisaxic ri utzalaj tak tzij, ri cubij chi ri Dios u banom tok'ob chque ri winak.

Filipenses 3:7

Ronojel c'u wa' nim u banic chnuwäch nabe canok, camic chic man c'o ta chi u patan chwe, rumal ri Crist.

Ri Xuan 17:3

Are c'u wa' ri junalic c'aslemal: Chi cäquich'ob wäch la, xuwi ri lal kas Dios, xukuje' cäquich'ob u wäch ri Jesucrist, ri takom la ulok.

Filipenses 3:10

Quinwaj kas quinwetamaj u wäch ri Crist xukuje' ri u chuk'ab ri u c'astajic. Xukuje' quinwaj quinrik c'ax junam ruc', nu c'amom chic ri u banic ri u cämical,

2 Pedro 1:3

Ri Dios, rumal ri u cuinem, u sipam conojel ri rajawaxic che ri ka c'aslemal, rech cujniman che ri are', rumal rech chi keta'm u wäch ri jun ri xujusiq'uij rumal ri u juluwem xukuje' ri rutzil.

1 Corintios 2:2

Xinbano chi xa jun jasach xc'oji' pa ri nu chomanic chixo'l, xuwi ri Jesucrist xixintijoj che, are' c'u wa' ri xripic.

1 Juan 5:20

Keta'm xukuje' chi ri u C'ojol ri Dios petinak, u yo'm c'ut ketamanic rech caketamaj u wäch ri kas Dios. Ka nuc'um c'u kib ruc' ri kas Dios, ri u bixic wa' che ri Jesucrist ri u C'ojol. Are wa' ri kas Dios xukuje' ri junalic c'aslemal.

Ri Xuan 17:8

ri tzij ri yo'm la chwe, ri in nu yo'm chque. Qui c'amom c'ut, kastzij queta'm chi uc' la xinel wi ulok, qui cojom chi ri lal xintak la ulok.

Ri Xuan 14:20

Pa ri k'ij ri' ri ix qui ch'ob na chi ri in in c'o pa ri nu Tat; are c'u ri ix, pa ri in; xukuje' c'u ri in pa ri ix.

Hebreos 3:14

Je c'ut e jacha' ri alc'ualaxelab re jun ja winak e re xa' junam ti'j xukuje' junam quic', jeri' xukuje' ri Jesus aj ti'j xukuje' aj quic' aj winak, ruc' ri u cämical xuch'äc ri cuinelalaj cämisanel, ri u bixic wa' are' ri itzel.

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

Ri Xuan 14:7

We ri ix quich'ob nu wäch in, xukuje' quich'ob na u wäch ri' ri nu Tat. Kas camic quich'ob u wäch ri are', iwilom c'u u wäch.”

Ri Isaiy 53:11

Aretak oc'owinak chic ri nimalaj c'axc'ol cäril na ri chäj, cäquicot c'u na aretak caretamaj, ri suc'alaj u pataninel ri Ajawaxel q'ui quebuk'alajisaj na chi e suc'urisan chic chuwäch ri Dios, cärekaj c'u na ri quetzelal wa'.

Efesios 4:13

C'ä konojel cakarik na ri junamil pa ri cojonic xukuje' che ri u c'oxomaxic ri u C'ojol ri Dios cujopan c'ut pa ri tz'akatil cakarik c'ut ri tz'akatalaj etabalil re ri tz'akatil ri cakarik pa ri Crist Jesus.

2 Pedro 3:18

Chixq'uiy ba' pa ri u tok'ob xukuje' pa ri retamaxic u wäch ri Kajaw xukuje' ka Colonel Jesucrist xukuje' c'ä pa tak ri k'ij junab chbe k'ij sak. Je chbanok.

1 Juan 1:3

Cäkaya' c'ut u bixic chiwe ri kilom xukuje' ri ka tom, rech xukuje' ri ix quixjunamataj kuc', jacha' ri uj uj junamatajinak ruc' ri Dios ri Tataxel, xukuje' ruc' ri u C'ojol ri are' ri Jesucrist.

2 Timoteo 4:6

Ri in c'ut, xak weyem chic ri nu cämisaxic, ri jok'otaj re ri welic bic nakaj c'o wi.

Ri Xuan 20:28

Ri Max xubij che: “¡Wajaw, xukuje' nu Dios!”

Ri Xuan 16:3

We jastak ri' quequiban na, rumal rech chi man cäquich'ob ta u wäch ri Tataxel, mawi cäquich'ob nu wäch in.

Salmib 126:6

Pune' quebok' che u c'amic bic ri ija', aretak quetzelej ulok quebixon chi ruc' quicotemal, e qui k'alum ulok jujun tak yataj trico.

1 Juan 2:19

Kuc' xebel wi bic, man c'u e jun taj kuc'. We ta e jun kuc', xec'oji' ta ri' kuc'. Xebel c'u bic, jeri' k'alaj chi man conojel taj e jun kuc'.

1 Pedro 2:7

Chiwe ix ri quixcojonic: pakal rajil. Chque c'u ri man quecojon taj: “Ri abaj ri xquixutuj ri yacanelab, are wa' ri abaj ri xux nim u k'ij, ri cächapow ri yacom;”

Gálatas 1:16

xuk'alajisaj ri u C'ojol chnuwäch, rech quintzijoj chquixo'l ri man aj judeyib taj. Aretak xc'ulmataj wa' man xinta' ta nu no'j che jun winak.

2 Corintios 4:4

E are' c'u wa' ri man e cojonelab taj, ri dios quech we k'ij junab ri' xumoyirisaj ri qui ch'obobal, rech man cäquil ta ri u chaj ri c'ac' tzijol ri canicowic ri xuc'am ulok ri juluwemalaj Crist, c'aslicalaj u wächbal ri Dios.

1 Corintios 9:10

O ¿la rumal kech uj cubij wi? Rumal kech uj xtz'ibax canok. Keta'm chi ri jun ri cätajinic, cu'l u c'u'x ri' chrij ri u wächinic ri ulew, xukuje' ri cuban yak'oj, cu'l u c'u'x ri' chi cuc'am na re ri cäyak'ic.

Ri Xuan 20:13

Ri e are' xquibij che: “Chuchu', ¿jasche catok'ic?” Ri Mariy xubij chque: “Xc'am bic ri Wajaw; man weta'm ta c'ut jawije' yo'm wi.”

Ri Lucax 11:20

We c'u ri in rumal ri u cuinem ri Dios quebenwesaj ri itzel tak uxlabal, kastzij opaninak la' iwuc' ri rajawibal ri Dios.

Ajilanic 14:30

Xuwi coc ri Caleb rachil ri Josue, man c'o ta jun chiwe coc ta na pa ri ulew ri ruc' ronojel wanima' xinchi'j chiwe chi quixinjekeba' wi na.

Ri Lucax 1:43

¿Jachin ri in, chi ri u nan ri Wajaw cäpe wuc'?

Ri Malaquiy 2:3

“Quenwesaj ri takanic pa i k'ab quenq'uiaka' ri qui mes ri awaj chi palaj ri quebic'am ulok che tabal tak tok'ob. ¡Junam c'ut xukuje' ruc' ri qui mes ri awaj, xukuje' ri ix quixmes na bic!

Ri Job 20:7

cäsach na u wäch jacha' ri u mes awaj e are' tak c'ut ri rachil man caquetamaj taj ri xuc'ulmaj.

Ucab Ajawinelab 9:37

chi ri e u bakil quejabun can puwi' ri ulew ri c'o pa ri juyub re Jezreel jacha' ta ne qui mes wacax, c'ä man cäch'obotaj ta chi c'u ne na chi ri ch'akatak e are' u bakil.”

Nabe Ajawinelab 14:10

Rumal ri' quinc'am ulok ri c'axc'olil paquiwi' ri awija'lil: quinban na chi quecäm conojel ri awija'l achijab pa Israel; mawi jun cac'asi' ta canok. Quebenmes na bic ri e awija'lil, jacha' ta ne ri quinmes qui mes awaj.

Salmib 73:25

¿Jachin ta ri quinrik pa ri caj? Xuwi ri lal. Aretak in c'o chi uc' la man quinrayij ta chic ri c'o cho ri uwächulew.

Romanos 8:39

¡mawi ri sibalaj chicaj, mawi ri sibalaj iquim, mawi ne jun jasach chic ri banom rumal ri Dios, cäcuin ta che ka tasic chrij ri lok'ok'ebal u c'u'x ri Dios, ri yo'm chke rumal ri Crist Jesus ri Kajaw!

Filipenses 1:1

In Pawl xukuje' ri Timotey, uj u lok'om tak pataninelab ri Jesucrist, cäkatz'ibaj bic we wuj ri' chque conojel ri cojonelab pa Crist Jesus ri e c'o chila' pa Pilips, xukuje' chque ri cojonelab ri quesolin conojel ri ajcristib xukuje' chque ri cojonelab ri quepataninic.

Filipenses 3:12

Man cätajin ta quinbij chi nu rikom chi ronojel, mawi chi in tz'akatarinak chic; quintaken c'ut ruc' eyebal c'uxaj che u rikic are', are c'u ne ri Crist Jesus xinrikow nabe.

2 Pedro 1:2

Quinwaj chi kas quiwetamaj u wäch ri Dios xukuje' ri Kajaw Jesus, rech ri u tok'ob xukuje' ri jamaril sibalaj queq'uiyir ta na pa tak ri iwanima'.

2 Pedro 1:8

We quiban we jastak ri' xukuje' queq'uiyir iwuc', man cuya' ta ri' xak quitzak k'ij, xane cäc'oji' na i wächinic rumal ri retamaxic u wäch ri Kajaw Jesucrist.