Filipenses 3:6 - Quiché Bible

⁶ Nabe sibalaj xincoj nu chuk'ab che u banic c'ax che ri comon cojonelab; in suc' chuwäch ri pixab, man c'o ta etzelal cäriktaj chwij.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Qas uchapom wi na kꞌuꞌx chupatanixik ri taqanik, rumal riꞌ xinbꞌan kꞌax chike ri komontyox. Man kꞌo ta jun kabꞌin chwe chi mat xinnimaj ri taqanik.

K'iche'

⁶ Xinya ri wanima' che ri tijonic chrij ri Pixab, je ri' chi sibalaj c'äx xinban nabe chque ri kachalal cojonelab. Xinniman che ronojel ri Pixab, man c'o tä jun ri cuya' cubij chi man xinniman taj.

K'iche' (New Orthography)

⁶ Xinya ri wanima' che ri tijonik chrij ri Pixab', je ri' chi sib'alaj k'äx xinb'an nab'e chke ri qachalal kojonelab'. Xinniman che ronojel ri Pixab', man k'o tä jun ri kuya' kub'ij chi man xinniman taj.

Filipenses 3:6 Referans Kwoze

Hechos 8:3

Are c'u ri Sawl cutuquij ri comon cojonelab, coc pa tak ja. Quebucharchatej bic ri cojonelab chi achijab chi ixokib, quebucojo c'u can pa che'.

Ri Matey 5:20

Quinbij c'u chiwe ix chi, we man are utz na ri i c'aslemal chquiwäch ri ajtijab re ri pixab xukuje' ri pariseyib che u banic ri takaninak wi ri Dios, mawi jubik' quixoc na chupam ri rajawibal ri Dios.”

1 Timoteo 1:13

Nabe in xinwetz'bej u wäch ri Dios, xinyok'o, xukuje' xinban c'ax chque ri e rech. Ri Dios c'ut xel u c'u'x chwe, rumal rech chi majok quincojonic, rumal ri' man xinch'ob taj jas ri xinbano.

Filipenses 3:9

Xukuje' rech quinriktaj pa ri are'. Jeri' in suc' chic man rumal ta ri u nimaxic ri pixab, xane' rumal rech chi xincojon che ri Crist. Are suq'uil wa' cuya' ri Dios rumal ri cojonic.

1 Corintios 15:9

Ri in c'ut man c'o ta nu banic chquixo'l ri takomxenlab. Man takal taj cäbix takom chwe, rumal rech chi xinban na c'ax chque ri e rech ri u comon cojonelab ri Dios.

Romanos 7:9

Nabe, xinc'asi' canok man ruc' ta ri pixab. Aretak c'u xpe ri takanic rumal ri pixab, xc'astaj ri mac,

Hechos 26:5

Queta'm c'u wa', we cäcaj cäquik'alajisaj, chi in parisey ulok are c'u juk'at wa' ri sibalaj coc il che u nimaxic ri ka cojonic.

Hechos 21:20

Aretak xquito, xquinimarisaj u k'ij ri Dios. Xquibij che ri Pawl: “Cawilo, kachalal, joropa' mil aj judeyib e cojoninak. Conojel c'ut cäquibij chi rajawaxic u nimaxic ri u pixab ri Moises.

Ri Lucax 1:6

Ri Zacariy ruc' ri Elisabet e suc' chuwäch ri Dios. Cäquinimaj ronojel ri u takanic ri Ajawaxel. Cäquinimaj ronojel ri pixab. Man c'o ta etzelal xriktaj chquij.

Ri Matey 23:25

¡Tok'ob i wäch, ajtijab re ri pixab xukuje' pariseyib! ¡Xa' quieb i wäch! Quich'aj ri rij ri mulul, quich'aj ri rij ri lak. Ri qui pam c'ut e nojinak che eläk'anic, xukuje' che ri itzel rayinic.

Ucab Ajawinelab 10:16

xubij c'u che: “Chinawachilaj cawil na ri nu rayinic che u patanixic ri Ajawaxel.” Xuc'am c'u bic chupam ri u carwaj.

Ucab Samuel 21:2

Ri David xebusiq'uij ri aj gabaonib xtzijon c'u cuc'. (Ri aj gabaonib man aj israelib taj, e jumulaj qui tz'akatil ri amoreyib ri c'a e canajinak canok ri qui banom jun chi'nic ri kas cäban na ri aj israelib chque ri rumal ri achixomal ri xuna' ri Saul chque ri winak aj Israel xukuje' ri aj juda, xutzucuj u sachisaxic qui wäch.)

Ri Tzijonel 7:16

Matux sibalaj at utz, mawi ta sibalaj at ta nawinel. ¿Jas ta che xak ta cäretzelaj rib jun pa rech wi?

Hechos 22:5

Xukuje' ne ri c'amal qui be ri e cojol tabal tok'ob xukuje' ri e nimak tak tatayib xquilo jas ri xinbano, cuya' cäquik'alajisaj chiwäch. Ri e are' xeyo'w bic wuj pa nu k'ab chque ri kachil aj judeyib pa Damasc. Xinbe c'ut rech quebenyut ulok ri cojonelab ri e c'o chila', quebenc'am ulok pa Jerusalen rech cäc'äjisax qui wäch.”

1 Corintios 10:32

Mixux ya'l tzakibal chque ri aj judeyib, mawi chque ri man aj judeyib taj, mawi che ri comon cojonelab aj Dios.

Filipenses 2:15

Rech jeri' man c'o ta etzelal cäriktaj chiwij, ix ralc'ual ri Dios, man c'o ta mac pa ri i c'aslemal, ix je ta ne chäj quixjuluw chquixo'l ri itzel tak winak ri e c'o cho ri uwächulew camic, ri man e suc' taj,

Aj Levitib 13:16

We c'u ne cuq'uex rib ri quiäk ti'j, cäsakar chi jumul, ri yawab rajawaxic cuc'utu chi na rib chuwäch ri cojol tabal tok'ob

K'atal tak Tzij 6:30

“Chawesaj ulok ri a c'ojol, cäkacämisaj c'u na. U t'akim c'u ri porobal aj Baal xukuje' xut'akij ri che' ri tastalic ri c'o chuxcut ri porobal.”