Filipenses 3:19 - Quiché Bible

¹⁹ Cäpe c'u na jun k'ij aretak cäsach na qui wäch ri winak ri'. Ri are' qui dios ri itzel tak u rayinic ri qui ti'jal, cäquinimarisaj qui k'ij chrij q'uixbalalaj tak jastak. Cäquichomaj xuwi ri jastak aj uwächulew.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Kakꞌis na tzij pa kiwiꞌ we winaq riꞌ, rumal che ri are kakiqꞌijilaꞌj ri urayibꞌal taq kikꞌuꞌx xuqujeꞌ nimal kakinaꞌo are kakibꞌano ri kꞌixibꞌal ubꞌanik, xaq xwi kakichomaj rij ri jastaq rech uwachulew.

K'iche'

¹⁹ Chuq'uisbal ronojel cäsach na qui wäch wa' we winak ri'. Nim c'u cäquil wi ri itzel qui rayinic, cäquicoj wa' che ri qui dios. Cäquinimarisaj quib rumal ri q'uixbal ri qui banom, je'l c'u cäquilo. Cäquichomaj xak xuwi ri ajuwächulew.

K'iche' (New Orthography)

¹⁹ Chuk'isb'al ronojel käsach na ki wäch wa' we winaq ri'. Nim k'u käkil wi ri itzel ki rayinik, käkikoj wa' che ri ki dios. Käkinimarisaj kib' rumal ri k'ixb'al ri ki b'anom, je'l k'u käkilo. Käkichomaj xaq xuwi ri ajuwächulew.

Filipenses 3:19 Referans Kwoze

Romanos 16:18

Ri e je tak wa' man cäquipatanij ta ri Crist Ajawaxel, xane' cäquibano jas ri cäcaj ri e are'. Ruc' ch'uch'ujalaj tak tzij xukuje' je'lalaj tak tzij quequisub ri winak ri man c'o ta quetamabal.

2 Pedro 2:3

Ri e are' rumal ri u rayixic ri jastak que ri winak, cäquitzucuj na jas cäquiban che resaxic puak chiwij cuc' ri qui banoj tzij. Cäc'äjisax c'u na qui wäch jas ri bim ulok ojer, man cäbeytaj ta ri c'äjisabal qui wäch. Man c'o ta quelic chuwäch ri c'ax ri cäpe na chquij.

Colosenses 3:2

Chebichomaj ba' ri jastak ri e aj chicaj, man are ta ri e re ri uwächulew.

2 Pedro 2:1

Xukuje' xec'oji' can chquixo'l ri winak ojer jujun ri xak xquijaluj quib chi e k'axal tak u tzij ri Dios. Xukuje' chixo'l ix quec'oji' na jujun ri cäquijaluj na quib chi e ajtijab. Ri e are' chi c'uyal cäquic'am ulok tijonic ri quec'amow bic ri winak pa ri c'ax. Man caquik'alajisaj taj ri Ajawaxel ri xecolowic. Rumal ri' chanim cäsach na qui wäch rumal rech ri cäquibano.

2 Corintios 11:15

Je ba' ri', chi man mayijibal taj we xukuje' ri e pataninel tak rech ri Satanas caquijaluj quib chi e jacha' pataninel tak rech ri suq'uilal; ri q'uisbal c'u u tza'm je cux na e jacha' ri e qui chac.

2 Corintios 11:12

E c'o c'u jujun ri cäquibij chi utz ri qui chac je jas ri ka banom uj. Ri in c'ut are quinbano jas ri nu banom ulok, rech man quinya' ta chque chi je cäquibij.

Ri Osey 4:7

Joropa' ri qui q'uiyal ri e cojol tabal tok'ob, jeri' xukuje' ri qui mac chnuwäch; rumal c'u ri' quinq'uex na ri u nimarisaxic qui k'ij pa yok'ical.

2 Pedro 2:13

Ri e are' caquirik c'ax rumal ri c'ax ri qui banom chque jule' chic. Caquichomaj chi sibalaj utz que aretak e c'o pa tak ri quicotemal ri xa' e re jok'otaj. E jun tz'ilol xukuje' jun q'uixbal aretak quixcachilaj pa tak ri e i wa'im re xk'ekal, quequicot c'ut pa tak ri e qui banoj ri xa' e subunelab.

Gálatas 6:13

Mawi ne ri qui cojom ri u kopixic ri u wi' ri qui tz'umal ri e achijab wi che quetal, mawi cäquinimaj ronojel ri pixab. Are c'u cäcaj chi cäcoj ri etal re kopinic che ri i cuerp, rech cäquinimarisaj c'u quib.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

1 Corintios 3:3

rumal rech chi c'ä are quiban na ri u rayibal ri winak re mac! Itzel quiwil wi we jun chic curik utzil, quiyac ch'o'j, ¿la ma ta are quiban ri u rayibal ri winak re mac? ¿La ma ta c'ä quiban iwe ri cäquiban ri niq'uiaj winak chic?

Salmib 17:14

ruc' ri cuinem la, Ajawaxel, chinto' la rech man quinkaj ta pa qui k'ab, ¡chebesaj la bic cho we uwächulew ri', ri are quechbal pa we c'aslemal ri'! Chya' la be chque chi quenoj chque tak k'inomal, chi chewok tak ri calc'ual c'ä chepok' na, xukuje' c'ä chto'taj na can chque tak ri qui' tak qui mam.

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.

Ri Juds 1:16

E are tak wa' ri xak quech'ach'atic, queyok'onic, xuwi cäquilij u banic ri itzel tak qui rayinic, cäquitzijoj nimak tak tzij, xukuje' cäquibij utzalaj tak tzij chque ri winak xa rumal rech chi c'o cäcaj chque.

2 Timoteo 3:4

cäquijach tak cachil pa qui k'ab ri qui c'ulel, man cäquichomaj ta ri cäquibano, cäquichomaj chi nim qui banic, je'l caquina' u banic ri qui rayibal; are c'u ri u rayibal ri Dios, man cäcaj taj.

1 Timoteo 6:5

amak'el cäquic'ulelaj quib rumal rech chi sachinak qui no'j xukuje' man c'o ta ri kastzij cuc', pa qui c'u'x chi cäquich'äc puak chrij ri nimanic che ri Dios.

2 Tesalonicenses 2:12

rech cäc'äjisax qui wäch conojel ri man cäquicoj ta ri kastzij, ri xkaj chquiwäch ri u banic ri etzelal.

Filipenses 2:21

Conojel c'ut cäquitzucuj ri xa' quech ri e are', man are ta c'u ri rech ri Crist Jesus cäquitzucuj.

1 Corintios 5:6

Man utz ta ri u nimarisaxic iwib. ¿La ma ta iweta'm chi ri jubik' ch'am cuch'amarisaj ronojel ri k'or?

1 Corintios 5:2

Ri ix c'ut i nimarisam iwib. Ri are ta ne quixbisonic, iwesam ta c'u ne chixo'l ri xbanow we etzelal ri' chixo'l.

Ri Malaquiy 1:12

Are' c'u ri ix, quinic'axc'obisaj, are c'u pa i c'u'x chi ri nu porobal, ri are nu mexa, cuya' man nim ta quil wi, xukuje' chi man nim ta quil wi ri wa ri c'o puwi'.

Apocalipsis 19:20

Xchap c'u ri awaj, xukuje' xchap ri jun ri u jalum rib chi k'axal tzij, ri e u banom mayibal chuwäch ri itzel awaj, ri xukuje' rumal ri mayibal e u subum ri xec'amow ri retal ri itzel awaj xukuje' ri xek'ijilan ri u wächbal. We quieb ri' e c'asc'oj xeq'uiak bic pa ri cho re k'ak' ri cänicow ruc' asubre.

Santiago 4:16

Camic c'ut quichomaj chi nim i banic, quinimarisaj iwib. Ronojel nimarisan k'ij jewa' rech ri itzel.

2 Tesalonicenses 2:8

cuc'utunisaj c'u na rib ri itzel ri', ri cäsachisax na u wäch rumal ri Ajaw Jesus rumal ri ruxlab ri u chi', cuyojyobisaj c'u na rumal ri u ruc'upinic ri rulem.

Ri Lucax 18:4

Quieb oxib k'ij ri k'atal tzij man xraj taj. Te c'u ri' xuchomaj: ‘Pune' man quinxe'j ta wib chuwäch ri Dios, mawi quinya' qui k'ij ri winak,

Ri Lucax 16:19

“C'o c'u jun k'inomalaj achi ri cucoj je'licalaj morato atz'iak sibalaj pakal rajil, cucoj ch'uch'ujalaj atz'iak re lino. Ronojel c'u k'ij cäjajat chubanic nimak'ij.

Ri Lucax 12:19

Quinbij c'u na che ri wanima': Wanima', q'ui jastak awe a c'olom re q'ui junab. Chatuxlanok, chatwok, chatuq'uianok, chatquicotok.’

Ri Matey 25:41

Ri Ajawinel cubij c'u na chque ri e c'o pa ri u mox k'ab: ‘Chixel chnuwäch, ix c'okom. Jix pa ri k'ak' ri man cächup taj ri suc'umam che ri itzel xukuje' ri e u tako'nib.

Ri Matey 16:23

Ri Jesus xutzolk'omij rib, xubij che ri Lu': “Chatel chnuwäch, Satanas. Quinaya' pa takchibal mac. Are c'u ri at man cachomaj ta ri e jastak re ri Dios, xane' ri jastak que ri winak.”

Ri Miquey 3:11

Ri k'atal tak tzij rech ri tinimit caquiya' quib cäban u pa qui k'ab, ri e cojol tabal tok'ob xuwi quetijonic we quetojic are c'u ri e k'axal tzij quequic'ayij tak ri quequiya' u bixic caquicoj c'u pa qui tzij chi e takom rumal ri Ajawaxel, je c'u caquibij wa': “Ri Ajawaxel c'o kuc'; man c'o ta lawaloyil cakataklebej ta na.”

Ri Miquey 3:5

Ri nu tinimit e u takem tak ri be ri man e are taj qui mac quech tak ri e k'axal tak tzij ri quesubuwic, ri caquibij chque ri quetzukuwic chi c'o jamaril jachin tak c'ut ri man cäcaj taj quequitzuku caquibij chque chi cäpe ri ch'o'j paquiwi'. Ri Ajawaxel cubij chque tak we e k'axal tak tzij ri':

Ri Ezequiel 34:3

Ri ix quikumuj ri leche, quicoj ri rismal ri chij che iwatz'iak quebipil tak c'ut ri chij ri e chomak na, man quiwilij ta c'ut ri jumulaj chij.

Salmib 52:1

¿Jasche caban nimal chupam ri awetzelal at ri c'o a chuk'ab? ¡Ri u lok'ok'ebal c'u'x ri Dios xak jewi'!

Apocalipsis 18:7

jacha' ri nimal ri xc'amowic, sibalaj xoc'ow u wi' ri u k'inomal, xa junam chibana' ba c'ax che, chiya' pa bis, rumal rech chi cubij pa ranima': ‘In t'uyul che chuchu' ajawinel, man in malca'n taj, man quinwil ta na bis.’

Ri Juds 1:4

E c'o jujun winak ri e oquinak chixo'l chi c'uyal. E are wa' ri e bim ulok ojer rumal ri Tz'ibatalic, chi cäc'äjisax na qui wäch, man cäquiya' ta u k'ij ri Dios, xak cäquicoj ri u tok'ob ri Dios che u banic ronojel itzel rayinic, ri cäquic'u' ri Dios ri xa jun Kajchak'e xukuje' ri Kajaw Jesucrist.

Romanos 6:21

¿Jas c'u ri xiwechbej can chquij ri jastak ri cäquiya' chi q'uixbal chiwe camic? Cämical c'u ri quec'aman wi bic.

Ri Ezequiel 13:19

Ri ix rumal jutak muk' sebad xukuje' jutak ba' wa', qui wesaj nu q'uixbal chuwäch ri nu tinimit; qui cämisaj winak ri man ya'tal ta che cacämic, qui c'asba' c'u winak ri man ya'tal ta che cäc'asi'c. Je u subic wa' ri nu tinimit qui bano, ri cuya' u xiquin chque tak ri banoj tzij.

Nabe Samuel 2:29

¿Jas che man nim ta quebiwil wi ri tabal tak tok'ob xukuje' tak ri sipanic ri nu yo'm takanic chi quebanic? ¿Jasche are nim quebawil ri a c'ojol chnuwäch in, cätajin quebak'obisaj ruc' ri quitijic conojel ri qui sipanic ri e utz na ri quequiya' ri aj israelib ri nu tinimit?

Ri Jeremiy 44:17

Je c'u ri', cäkatakej na u banic ri chomatajinak u banic kumal. Cäkatakej na u chi'xic c'oc' k'ol xukuje' tak sipanic re u wa'l uva che ri Ajawinel Ixok dios re ri Caj, jacha' ri ka takem ulok u banic c'ä camic xukuje' jacha' ri xequiban ri e ka mam xukuje' tak ri e ka ajawinelab xukuje' xquiban ri e c'amal tak be chquipam ri tinimit tak re Juda xukuje' pa tak ri u xo'l tak ri ja pa Jerusalen. Are c'u ri nabe canok tz'ebetal ri cäkatijo, utz c'u quel ronojel chkawäch man xpe ta c'u jun quiäkasakil pakawi';

2 Tesalonicenses 1:9

Ri e are' cäquirik na ri u tojbalil ri qui mac. Cäsach na qui wäch chbe k'ij sak, quetastaj na chuwäch ri Ajawaxel, naj queya' wi na che ri u juluwem xukuje' ri u chuk'ab.

Ri Juds 1:10

E are c'u wa' cäquiyok' ronojel ri man cäquich'ob ta u wäch; ronojel c'ut ri cäquich'ob pa quech wi jacha' ri awaj ri man c'o ta qui no'j, chupam wa' cäsach wi qui wäch.