Filipenses 3:13 - Quiché Bible

¹³ Wachalal, man quinbij taj in chi kas nu rikom ta chic; are c'ut ri quinbano are ri man u nataxic ta chic ri canajinak canok, are c'u quincoj nu chuk'ab che u rikic ri ri c'o chnuwäch,

RI KꞌAKꞌ TESTAMENTO PA TZIJOBꞌAL KꞌICHEꞌ

¹³ Wachalal, wetaꞌm chi kꞌamajaꞌ kinopanik jawjeꞌ ri yaꞌtalik kinopan wi. Xwi ri kinbꞌano are chi kasachan kanoq chwe ri xikꞌow kanoq, are kinkoj nuchuqꞌabꞌ chubꞌanik ri kꞌo apanoq chinuwach.

K'iche'

¹³ Kachalal, man quinbij taj chi ya nu banom chic ronojel ri craj ri Dios chwe. Ri quinban cämic are ru sachic can ronojel wa' ri ya xoc'owic, quintij nu chuk'ab chubanic ri c'ä c'o na chnuwäch, ri mäja' quinbano.

K'iche' (New Orthography)

¹³ Qachalal, man kinb'ij taj chi ya nu b'anom chik ronojel ri kraj ri Dios chwe. Ri kinb'an kämik are ru sachik kan ronojel wa' ri ya xok'owik, kintij nu chuq'ab' chub'anik ri k'ä k'o na chnuwäch, ri mäja' kinb'ano.

Filipenses 3:13 Referans Kwoze

Ri Lucax 9:62

Ri Jesus xubij che: “Jun winak, aretak u cojom chic ri u k'ab che ri u tajibal, we cäca'y chrij, ri are' man takal ta che ri rajawibal ri Dios.”

Filipenses 3:12

Man cätajin ta quinbij chi nu rikom chi ronojel, mawi chi in tz'akatarinak chic; quintaken c'ut ruc' eyebal c'uxaj che u rikic are', are c'u ne ri Crist Jesus xinrikow nabe.

Salmib 27:4

Xa jun jasach nu tz'onon che ri Ajawaxel, xa jun jasach quinrayij: chi quinc'oji' chupam ri rachoch ri Ajawaxel conojel ri k'ij ri quinc'asi' na, che u k'ijilaxic pa ri rachoch xukuje' che rilic ri u je'lical.

Filipenses 3:8

C'o chi c'u na jubik', in nu ch'obom chi conojel we jastak ri' man c'o ta chi qui patan chwe, aretak quinchomaj chi sibalaj nim u banic ri retamaxic u wäch ri Crist Jesus ri Wajaw. Rumal rech ri Crist nu tzakom can ronojel, ronojel c'ut xa' mes chic chnuwäch che u q'uexwäch ri nu ch'äcom ri are' ri Crist.

Hebreos 6:1

Katakej ba' takenic c'ä catz'akat na ri ka junab, c'o na ri chketamaj chquiwäch ri nabe tak etamanic aj Crist. Makatakej quetamaxic ri nabe tak jastak ri e ketamam nabe jacha' ri q'uexoj c'uxaj che qui takexic ri qui banic ri chac ri quec'aman bic pa ri cämical, ri cojonic che ri Dios,

Filipenses 2:12

Je c'u ri', lok'alaj tak wachalal, jas ri i nimanic amak'el aretak in c'o iwuc' nabe, camic xukuje' sibalaj chixniman na pune' man in c'o ta chi iwuc'. Chicojo' i chuk'ab chi utz ri i c'aslemal ix colotajinak chi c'u ne', nim chi wila' wi ri Dios, china' iwib chuwäch.

Ri Lucax 10:42

Xa' c'u jun jasach ri rajawaxic, are ri Mariy u cha'om ri utz na, ri man quesax ta che.”

2 Pedro 3:8

Mäsach ba' wa' pa i jolom, lok'alaj tak wachalal: chi ri jun k'ij chuwäch ri Ajawaxel je jas ri mil junab, xukuje' ri mil junab je jas ri jun k'ij.

2 Corintios 5:16

Rumal ri' man cäkachomaj ta chi uj camic, jas ri cäquichomaj ri winak aj uwächulew camic; pune' xkachomaj ri Crist jas ri qui chomanic ri winak aj uwächulew, man je ta chi c'u u chomaxic wa camic cäkabano.

Salmib 45:10

Chattatabenok, alaj nu mia'l; chacojo retal ri quinya' u bixic chawe: Menataj chi chawe ri awachalaxic xukuje' ri a winakil,