Filipenses 2:7 - Quiché Bible

⁷ Xuya' c'u can ri u c'olbal ri nim u k'ij ruc' ri Dios, are' xuc'am ri u wächbal jun lok'om pataninel, xalaxic jacha' winak.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Xane xubꞌan nitzꞌ chibꞌil ribꞌ jeꞌ jas jun ajchak, xalax pa ri uwachulew jetaq jun winaq, xuqujeꞌ xubꞌan achi chibꞌil ribꞌ.

K'iche'

⁷ Xane xuya can ri kas u banic, xil u wäch junam jas jun winak ajwaral, xoc che patänil que ri winak ajuwächulew.

K'iche' (New Orthography)

⁷ Xane xuya kan ri qas u b'anik, xil u wäch junam jas jun winaq ajwaral, xok che patänil ke ri winaq ajuwächulew.

Filipenses 2:7 Referans Kwoze

2 Corintios 8:9

Iweta'm c'ut ri u tok'ob ri Kajaw Jesucrist. Ri are' k'inom, xux c'u meba' rumal iwech, rech quixux k'inom rumal ri u mebayil.

Ri Matey 20:28

Je jas ri Rija'l winak man xpe taj rech cäpatanixic, xane' rech quebupatanij niq'uiaj chic. Xpetic rech cuya' ri u c'aslemal che qui toric q'uialaj winak.”

Ri Xuan 1:14

Ri Tzij xuc'am ri qui banic winak, xc'oji' chkaxo'l. Xkil ri u juluwem, jacha' ri u juluwem ri xa jun chi C'ojolaxel ri elinak ulok ruc' ri Tataxel, nojinak che tok'ob xukuje' kastzij.

Romanos 8:3

U banom c'u ri Dios ri man xcuin ta ri u pixab ri Moises che u banic, man ticarel ta c'u che u banic u mac rech ri u tukaril ri aj macalaj winak: ri Dios xutak c'u ulok ri kas u C'ojol pa ri u junamil ri aj macalaj winak jacha' che tabal tok'ob rech cacuyutaj ri macaj, je c'u wa' ri u c'okotajic ri macaj chupam ri kas u tukaril ri winak.

Gálatas 4:4

C'ä pa ri k'ij aretak xesuc'umataj ronojel, ri Dios xutak ulok ri u C'ojol, ri xalax rumal jun ixok, xc'oji' chuxe' ri u pixab ri Moises,

Hebreos 4:15

Ri qui nimal ri cojol tabal tok'ob ri c'o kuc', cäcuinic quil u c'u'x che ri ka tukaril, rumal rech chi xtakchi'x che ronojel u wäch c'ambejenic je jas ri uj, man xmacun ta c'ut.

Romanos 15:3

Mawi ne ri Crist xuban ri xkaj chuwäch ri are' chbil rib. Xane' jas ri tz'ibatalic: “Ri quiyok'onic ri xatyok'owic, xkaj panuwi'.”

Ri Isaiy 53:11

Aretak oc'owinak chic ri nimalaj c'axc'ol cäril na ri chäj, cäquicot c'u na aretak caretamaj, ri suc'alaj u pataninel ri Ajawaxel q'ui quebuk'alajisaj na chi e suc'urisan chic chuwäch ri Dios, cärekaj c'u na ri quetzelal wa'.

Hebreos 12:2

Xuwi chkila' ri Jesus, ri xutiquirisaj xukuje' cutz'akatisaj na ri ka cojonic. Are xuch'ij ri ripibal man xuya' ta c'u u wäch che ri u q'uixbal ri xelic, rumal rech chi reta'm chi curik na quicotemal. Xt'uyi' c'u pa ri u wiquiak'ab ri u tem ri Dios re ajawibal.

Ri Lucax 22:27

¿Jachin c'u ri nim na u banic, a are' ri cät'uyi' pa ri mexa, o are ri cäpataninic? ¿La ma ta are' ri cät'uyi' pa ri mexa? Are c'u ri in chixo'l, in je jas ri cäpataninic.

Romanos 15:8

Quinbij c'ut chi ri Crist Jesus xpe che qui patanixic ri aj judeyib che ri u chi'nic ri Dios, rech quebantaj ri jastak ri xubij ulok ri Dios chque ri e ka mam chi cuya' na ruc' ri jiquil.

Filipenses 2:6

Ri pune' junam u wächbal ruc' ri Dios man xuna' ta rib chi junam ta ruc' ri Dios ri xucoj ta pa u tzij.

Ri Isaiy 42:1

“Waral c'o wi ri nu pataninel, ri quinya' ri nu to'banic che ri nu cha'om, ri quinquicot ruc'. Nu yo'm ri wuxlabal pa ranima' rech cuc'am ulok ri suq'uil chque conojel ri nimak tak tinimit.

Salmib 22:6

Ri in man in ta jun achi, xane xa in jun xjut; ¡xa in yacal qui tze' ri winak!

Ri Zacariy 9:9

¡Sibalaj chatquicotok tinimit Sion! ¡Chatbixon rumal quicotemal, tinimit re Jerusalen! Ri awajawinel cäpe na awuc', suc' xukuje' ch'äcanel, mach'al c'ut, quiejeninak chrij jun bur, chrij jun alaj bur, ral jun ati't bur.

Ri Matey 12:18

“Chiwilampe' ri pataninel we ri nu cha'om, ri lok' chnuwäch, sibalaj cäquicot ri wanima' ruc'. Quinya' na ri Wuxlabal che. Cuya' na u bixic ri takal chque tak ri nimak tak tinimit.

Hebreos 13:3

Chenataj ri e c'o pa che' chiwe, je ta ne ri ix jun cuc'. Chenataj chiwe ri winak ri cäban c'ax chque, je ta ne ri quina' pa ri i cuerp ix ri c'ax ri qui rikom.

Romanos 1:3

Ri utzalaj tak tzij are caquitzijoj ri u C'ojol ri Dios, ri xpe pa ri rija'l ri David.

Marcos 9:12

Ri Jesus xubij chque: “Ri Eliy kastzij cäpe na nabe, cusuc'umaj na ronojel. ¿Jas c'u ri tz'ibatal chrij ri Rija'l Winak, chi sibalaj curik na c'ax, quetzelax na u wäch?

Ri Zacariy 3:8

Kas utz u tatabexic chabana', Jexu, at ri at quinimal ri e cojol tabal tok'ob, xukuje' chi chquitatabej ri e awachil ri e a wäch tak cojol tabal tok'ob, iwonojel c'ut ix ix jacha' jun etal ix k'axal tak tzij: Quinc'am na ulok ri Nu Pataninel, ri Tuxaj.

Ri Daniel 9:26

Aretak oc'owinak chi oxc'al quieb (62) wukutak k'ij quesax na ri u c'aslemal ri ajawinel ri cha'om. Ri Jerusalen xukuje' ri rachoch Dios cäsachisax na qui wäch cumal ri u winak jun ajawinel ri cäpe na. Ri q'uisbalil cäpe na jacha' jun bik'tajic, c'ä chuq'uisbalil c'ut cätaken na ri ch'o'j xukuje' ri sachoj tak wächaj ri e yo'm qui bixic chi quebanic.

Ri Isaiy 49:3

Xubij chwe: “Israel, at at pataninel wech, awumal at quinc'ut ri nu juluwem.

2 Corintios 13:4

Kastzij xrip ri are' cho jun ripibal ruc' tukaril. C'asal c'ut rumal ri u chuk'ab ri Dios. Jeri' ri uj, uj tukar ruc' are'. Cujc'asi' c'u na junam ruc' chiwe rumal ri u chuk'ab ri Dios.