Filipenses 2:1 - Quiché Bible

¹ We ri Crist cuya' i chuk'ab, we ri lok'ok'ebal u c'u'x cucu'bisaj i c'u'x, we c'o u comonixic ri Uxlabaxel iwuc', we c'o jun ja'laj c'uxaj iwuc' xukuje' we quel i c'u'x chque niq'uiaj chic,

RI KꞌAKꞌ TESTAMENTO PA TZIJOBꞌAL KꞌICHEꞌ

¹ We ri Cristo uyaꞌom ichuqꞌabꞌ rech kiꞌtaqchiꞌj nikꞌaj chik, xuqujeꞌ we ri iloqꞌanik kixutaqchiꞌj chukubꞌisaxik kikꞌuꞌx nikꞌaj chik, xuqujeꞌ we iwonojel xa jun Uxlabꞌal ixukꞌaꞌninaq xuqujeꞌ we kel ikꞌuꞌx chike nikꞌaj chik,

K'iche'

¹ Je c'u ri' iwetamam ba' jas ri cuban ri Cristo cuwalijisaj ri iwanima', cucu'bisaj i c'ux, rumal chi ix lok' chuwäch. Iwetam xukuje' chi ri Lok'alaj Espíritu rech ri Cristo c'o pi wi'. We kas iwetamam chi kas cäpax u c'ux ri Cristo chiwe, cutok'obisaj i wäch,

K'iche' (New Orthography)

¹ Je k'u ri' iwetamam b'a' jas ri kub'an ri Cristo kuwalijisaj ri iwanima', kuku'b'isaj i k'ux, rumal chi ix loq' chuwäch. Iwetam xuquje' chi ri Loq'alaj Espíritu rech ri Cristo k'o pi wi'. We qas iwetamam chi qas käpax u k'ux ri Cristo chiwe, kutoq'ob'isaj i wäch,

Filipenses 2:1 Referans Kwoze

Colosenses 3:12

Ri Dios quixulok'ok'ej, ix u cha'om, u banom tastalic tak winak chiwe. Chc'ol tok'obisan wächaj pa ri iwanima', chel i c'u'x chque niq'uiaj winak chic, minimarisaj iwib chquiwäch niq'uiaj chic, mibanala' c'ax chbil iwib, chc'ol i coch'onic,

1 Juan 4:12

Man c'o ta c'u jun ilowinak ta u wäch ri Dios. We c'u cäkalok'ok'ela' kib, jekel ba' ri' ri Dios chkaxo'l uj, c'utuninak c'ut ri lok'ok'ebal u c'u'x kuc'.

2 Corintios 13:14

Ri u tok'ob ri Ajawaxel Jesucrist, ri lok'ok'ebal u c'u'x ri Dios, xukuje' ri u wächbal ri Ruxlabal ri Dios cäc'oji' iwuc' chnimalaj iwonojel.

Colosenses 2:2

Quintij nu k'ij rech ri e are' caquic'am chajin anima' chupam ri canima', rech quejunataj chupam ri lok'ok'ebal c'uxaj quek'inomar c'ut ruc' jun tz'akatalaj etamanic ri cuya' chque chi cäquich'ob ri awatalic rech ri Dios, ri kas are' ri Crist,

1 Corintios 12:13

Xak c'u junam chke konojel, chi aj judeyib chi man aj judeyib taj, lok'om pataninelab o e torotalic, xujjunatajic rech cujux xa' jun cuerp rumal xa' jun Uxlabal; chke c'ut konojel xya' wi ruq'uiaxic ke che we kas Uxlabal ri'.

Salmib 133:1

¡Chiwila' chi sibalaj utz xukuje' je'lic chi ri achalaxic quejeki' junam!

Gálatas 5:22

Are c'u wa' ri u wächinic ri Uxlabaxel: c'o lok'ok'ebal qui c'u'x ri winak, quequicotic, c'o jamaril chquixo'l cuc' niq'uiaj chic, c'o qui coch'onic, ch'uch'uj ri canima', cäquibanala' tok'ob, e jic pa ri qui tzij,

Gálatas 4:6

Rumal rech chi ix alc'ualaxelab, ri Dios xutak ulok ri Ruxlabal re ri u C'ojol pa ri iwanima'. Ri Ruxlabal curak u chi', cubij: “¡Nu Tat!”

Hechos 4:32

Ri q'uialaj cojonelab xa jun qui chomanic, xa jun canima'. Man c'o ta jun cubij chi rech ri jastak re. Ri jastak que, e quech conojel.

1 Juan 3:24

Ri quequinimaj ri e qui banic ri e u takomal e jekel pa ri Dios, are c'u ri Dios jekel pa ri e are'. Rumal c'u wa' caketamaj chi ri Dios jekel pa ri uj: rumal ri Uxlabaxel ri u yo'm chke.

Ri Xuan 17:13

Chanim quinbe uc' la. Quintzijoj we jastak ri' cho ri uwächulew, rech cäc'oji' ri nu quicotemal cuc' ri e are', cätz'akatisax ri nu quicotemal pa ri canima'.

1 Juan 4:16

Xukuje' ri uj cäkach'ob u wäch ri u lok'ok'ebal c'u'x ri Dios chke, xukuje' uj cojoninak che. Ri Dios are lok'ok'ebal c'uxaj, apachin ri jekel pa ri lok'ok'ebal c'uxaj, jekel pa ri Dios, xukuje' ri Dios pa ri are'.

Filipenses 3:3

Uj c'u ri' ri kas cojom ketal re kopinic, ri uj ri cäkak'ijilaj ri Dios pa ri Uxlabal, ri cujquicotic rumal chi uj rech ri Crist Jesus, ri man cäkajiquiba' ta c'u ka c'u'x chrij ri cuerp.

1 Corintios 3:16

¿La ma ta iweta'm chi ix rachoch ri Dios, chi jekel ri Ruxlabal ri Dios pa ri iwanima'?

Romanos 8:26

Jewa' xukuje' ri Uxlabaxel cuya' ka chuk'ab pa ri ka tukaril. Man keta'm ta c'ut cäkaban ch'awem ruc' Dios jas ri kas rajawaxic u banic. Kas are c'u ri Uxlabaxel cubochi'j ri Dios ruc' ch'ikowem pakawi', ri man cujcuin ta che u bixic.

Romanos 5:5

Aretak cu'l ka c'u'x chrij ri Dios, man quel ta ka q'uixbal, rumal rech chi ri kanima' nojisam che ri lok'ok'ebal u c'u'x ri Dios rumal ri Ruxlabal ri Dios ri yo'm chke.

Hechos 2:46

Ronojel k'ij quequimulij quib pa ri rachoch Dios, xa' junam qui chomanic, cäquipirila' ri caxlanwa cho tak cachoch, junam cäquic'amala' quech ri wa ruc' quicotemal, ruc' ch'ajch'ojalaj canima'.

1 Pedro 1:2

ri e cha'tal jas ri xuchomaj ulok ojer ri Dios Tataxel. Ri are' u banom tastalic tak winak chiwe rumal ri Uxlabaxel, rech quixniman che xukuje' quixchiquichax ruc' ri u quiq'uel ri Crist: are ta ri Dios sibalaj cuban tok'ob chiwe xukuje' sibalaj cuya' jamaril chixo'l.

Hebreos 6:18

Ri Dios xuya' ri u tzij xukuje' ri jicalaj tzij ri man e q'uexel taj, ri Dios man cäcuin taj cuban tzij, rumal ri' sibalaj co cucu'bisaj ka c'u'x ri uj ri cäkatzucuj ri to'bal kib xukuje' ka chapom ri eyebal ka c'u'x ri yo'm chke.

Filipenses 1:8

Ri Dios reta'm, chi sibalaj quixinwaj iwonojel ruc' ri lok'ok'ebal u c'u'x ri Jesucrist.

Efesios 4:4

Xa' jun ri cuerp ri c'olic, xukuje' xa' jun ri Uxlabaxel. Jeri' xukuje' ri Dios xixusiq'uij che xa' jun cu'lbal c'uxaj.

2 Corintios 2:14

Maltiox ba' che ri Dios, chi amak'el cujuc'am bic pa ri ch'äcanic pa ri Crist Jesus chi rumal c'u kech cuya' retamaxic ri u tijonic ri cäjabun, pa conojel c'olbal jacha' jun c'oc'alaj uxlab.

1 Corintios 15:31

Quinjiquiba' chiwe, tak wachalal, rumal ri juluwem ri nu rikom rumal iwech pa ri Kajaw Jesucrist, chi k'ij chi k'ij quincämic.

Ri Xuan 14:27

Ri jamaril quinya' can chiwe. Ri nu jamaril quinya' chiwe. Man je ta c'u u ya'ic quinya' chiwe jacha' ri u ya'ic ri caquiya' ri e aj uwächulew. Mäk'oxow ri iwanima', mawi muxe'j rib.

Ri Xuan 14:18

Man quixinwonoba' ta canok; Quinpe chi na iwuc'.

Ri Lucax 2:25

C'o c'u jun achi pa Jerusalen, Simeon u bi'. We achi ri' suc', nimanel che ri Dios. Reyem c'ut ri u to'tajisaxic ri Israel. C'o c'ut ri Ruxlabal ri Dios ruc' ri Simeon.

Ri Isaiy 16:11

Cayicopitaj ri wanima' jacha' jun arp che u bisoxic ri Moab xukuje' ri Quir-areset.