Filipenses 1:6 - Quiché Bible

⁶ Cu'l nu c'u'x chi ri Dios, ri xuchaplej ri utzalaj chac pa ri i c'aslemal, cutz'akatisaj na c'ä pa ri k'ij aretak cätzelej na ulok ri Jesucrist.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Qas uchapom na kꞌuꞌx chi ri majininaq loq ri utz laj chak pa iwanimaꞌ, kutzꞌaqatisaj na kꞌa pa ri qꞌij rech ri upetibꞌal ri Jesucristo.

K'iche'

⁶ Kas wetam in chi ri Dios ri xuchap u banic we kas utzil ri' pa ri iwanima' cutakej na u banic wa' c'ä copan na ri k'ij ri cätzelej lok ri Kajaw Jesucristo.

K'iche' (New Orthography)

⁶ Qas wetam in chi ri Dios ri xuchap u b'anik we qas utzil ri' pa ri iwanima' kutaqej na u b'anik wa' k'ä kopan na ri q'ij ri kätzelej loq ri Qajaw Jesucristo.

Filipenses 1:6 Referans Kwoze

Filipenses 2:13

Are c'u ri Dios cayo'w pa ri iwanima' ri u rayixic u banic ri cakaj chuwäch.

Efesios 4:12

Jeri' xuya' chque ri cojonelab ronojel ri rajawaxic chque rech quechacunic xukuje' quepataninic, rech cäq'uiy ri u cuerp ri Crist.

1 Pedro 5:10

Are c'u ri Dios cuban na tz'akat chiwe, quixucowirisaj na, cuya' na i chuk'ab, xukuje' quixutac'aba' na. Are ri' ri Dios ri cäbanow ronojel u wäch tok'ob xukuje' ri xixsiq'uin che ri junalic u juluwem pa ri Crist.

Salmib 138:8

¡Ri Ajawaxel cuban na ronojel ri u chomam che nu to'ic! Ajawaxel, ri lok'ok'ebal c'u'x la junalic; ¡mäch'akapij la canok ri chaplem la u banic!

1 Corintios 1:8

Ri are' co quixutiquiba' na c'ä pa ri q'uisbal k'ij, rech man c'o ta etzelal cäriktaj na chiwij pa ri u k'ijol ri Kajaw Jesucrist.

2 Tesalonicenses 1:11

Rumal ri' amak'el cäkaban ch'awem ruc' Dios piwi', rech takal chiwe jas ri xixsiq'uix wi rumal ri ka Dios, rech quiban ronojel ri utz ri cäraj ri Dios chiwe, xukuje' quiban ruc' chuk'ab ronojel chac re ri i cojonic.

Hebreos 10:35

Mitzak ba' ri i jiquibam c'uxaj, we jiquibam c'uxaj ri' cuc'am na ulok jun nimalaj rajil c'axelal.

Ri Xuan 6:29

Ri Jesus xutzelej u bixic chque: “Are wa' ri u chac ri Dios, chi chixcojon che ri jun ri takom ulok rumal.”

Filipenses 1:10

Jeri' quixcuin che u ch'obic jas ri kas utz na u banic, rech man xa' ta quieb iwanima' xukuje' ma ta c'o k'atbal cäriktaj chiwij aretak cäpe ri Crist.

Hebreos 12:2

Xuwi chkila' ri Jesus, ri xutiquirisaj xukuje' cutz'akatisaj na ri ka cojonic. Are xuch'ij ri ripibal man xuya' ta c'u u wäch che ri u q'uixbal ri xelic, rumal rech chi reta'm chi curik na quicotemal. Xt'uyi' c'u pa ri u wiquiak'ab ri u tem ri Dios re ajawibal.

1 Tesalonicenses 1:3

Chuwäch ri Dios ka Tat, cänataj chke chi ix chacuninak ruc' cojonic, i banom c'axalaj chac ruc' lok'ok'ebal c'u'x. Cänataj chke chi man quiya' ta can ri cu'lbal i c'u'x chrij ri Kajaw Jesucrist, pune' quirik c'ax.

Filemón 1:21

Quinjiquiba' nu c'u'x chawij, chi canimaj ri nu tzij. Rumal ri' xintz'ibam bic awuc'. Weta'm c'ut chi coc'ow u wi' ri caban na chuwäch ri quintz'onoj chawe.

Filipenses 1:29

Rumal c'u rech ri Crist, man xuwi ta ya'tal chiwe chi quixcojon che, xane' xukuje' chi quirik c'ax rumal rech.

2 Tesalonicenses 3:4

Cu'l ka c'u'x chrij ri Ajawaxel chi ri ix quibano xukuje' quiban na jas ri xixkatak wi.

Colosenses 2:12

aretak xban ri i bautism, jun c'utbal chi xa ix jun chic ruc' ri Crist, ri ix xixmuk junam ruc' ri are', xukuje' xixc'astaj junam ruc' rumal rech chi xixcojon che ri u cuinem ri Dios, ri xc'astajisan ri Crist chquixo'l ri cäminakib.

2 Corintios 7:16

¡Quinquicotic, rumal rech chi nu cu'bisam nu c'u'x chiwij pa ronojel!

Hechos 11:18

Aretak ri kachalal xequita' we jastak ri', man xech'aw ta chic, xquinimarisaj u k'ij ri Dios, xquibij: “¡Xukuje' ri Dios u yo'm chque ri man aj judeyib taj chi cäquiq'uex qui c'u'x rech cäc'oji' junalic qui c'aslemal!”

Hechos 16:14

C'o jun chuchu' Lidiy u bi', are ajc'ay utzalaj tak atz'iak re morato re ri tinimit Tiatir, ri cuk'ijilaj ri Dios. Ri are' xutatabej ri tzij. Ri Ajawaxel xujak ri ranima' che u cojic ri tzij ri xubij ri Pawl.

Gálatas 5:10

Cu'l nu c'u'x chiwij pa ri Ajawaxel, chi man jun ta chi wi ri qui chomaj. Apachin c'u ri cäsachow ri i chomanic, cäc'äjisax na u wäch, apachin ta ne.

2 Pedro 3:10

Cäpe c'u na ri k'ij re ri Ajawaxel jas jun eläk'om. Pa ri k'ij ri', cäsach c'u na u wäch ri caj, cätataj c'u na ri jun nimalaj jininem. Ri jastak ri xebanbex re quenicow na, cäsach qui wäch. Ri uwächulew xukuje' ri chac ri e c'o chuwäch quechajirisax na.

2 Corintios 9:4

We ne e c'o jujun chque ri aj Masedon quebe wuc', quixelquirika' c'ut man i suc'umam ta iwib. We jeri', quel na ka q'uixbal, rumal rech chi ka jiquibam ka c'u'x chiwij, xukuje' ri ix quel na i q'uixbal.

2 Corintios 2:3

Are c'u xintz'ibaj bic wa' chiwe, rech aretak quinopanic, ma ta quinbison iwumal. Rajawaxic c'ut chi cäquicot ri wanima' rumal iwech. Cu'l c'u nu c'u'x chiwij iwonojel, chi iwonojel c'o quicotemal pa iwanima', jas ri quicotemal ri c'o pa ri wanima' in.

2 Corintios 1:15

Nu cuban nu c'u'x che wa', in nu chomam chi nabe quinbe che iwilic, quinban c'u ri tok'ob chiwe chi camul quixinsolij.

Filipenses 2:12

Je c'u ri', lok'alaj tak wachalal, jas ri i nimanic amak'el aretak in c'o iwuc' nabe, camic xukuje' sibalaj chixniman na pune' man in c'o ta chi iwuc'. Chicojo' i chuk'ab chi utz ri i c'aslemal ix colotajinak chi c'u ne', nim chi wila' wi ri Dios, china' iwib chuwäch.

Filipenses 2:16

pa ri u k'alajisaxic ri tzij re c'aslemal chquiwäch. Jeri' quinquicot na iwumal pa ri k'ij aretak cäpe ri Crist, weta'm chi man xak ta lok' xinc'am wanim pa ri binem, man xak ta lok' xintij nu chuk'ab pa ri nu chac.