Filipenses 1:10 - Quiché Bible

¹⁰ Jeri' quixcuin che u ch'obic jas ri kas utz na u banic, rech man xa' ta quieb iwanima' xukuje' ma ta c'o k'atbal cäriktaj chiwij aretak cäpe ri Crist.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Rech jeriꞌ are kichaꞌ ri sibꞌalaj utz ubꞌanik, xuqujeꞌ kixux chꞌajchꞌoj, man kꞌo ta imak pa ri upetibꞌal ri Cristo.

K'iche'

¹⁰ Je ri' ri quinta' che ri Dios rech quixcowin chucha'ic jachique ri utz na u banic cho ri Dios. We je ri' quibano, utz na ri i c'aslemal, ch'ajch'oj ri', man c'o tä etzelal chupam. Aretak c'ut cäpe ri Cristo, man c'o tä mac ri' cäriktaj na chiwij.

K'iche' (New Orthography)

¹⁰ Je ri' ri kinta' che ri Dios rech kixkowin chucha'ik jachike ri utz na u b'anik cho ri Dios. We je ri' kib'ano, utz na ri i k'aslemal, ch'ajch'oj ri', man k'o tä etzelal chupam. Aretaq k'ut käpe ri Cristo, man k'o tä mak ri' käriqtaj na chiwij.

Filipenses 1:10 Referans Kwoze

Romanos 12:2

Mitakej c'aslemal jas ri u cholajil tak ri e u chomanic tak ri k'ij junab ri uj c'olic; xane', chiq'uexa' ri chomanic ri i nak'atisam wi iwib rech jeri' quiq'uex ri ruc'axic ri i c'aslemal ri iwuc'am quixcuin c'u che retamaxic u wäch ri u rayibal ri Dios, ri u bixic, ri utz na, ri cakaj chuwäch, ri tz'akat.

1 Tesalonicenses 3:13

Jeri' sibalaj c'o u chuk'ab ri iwanima', man c'o ta etzelal cäriktaj chiwij, ix tastalic tak winak chuwäch ri Dios ka Tat, aretak cäpe ri Kajaw Jesus e rachilam conojel ri tastalic tak winak ri e rech.

1 Tesalonicenses 5:23

Are ri Dios ri cäyo'w jamaril chixo'l, cuban tastalic tak winak chiwe pa ronojel, cuchajij ri iwuxlabal, ri i c'aslibal, xukuje' ri i cuerp rech mata c'u jun quetzelal che ri u petibal ri Kajaw Jesucrist.

Romanos 2:18

Cach'obo jas ri u rayibal ri Dios, utz cawil wi ri utzalaj tak jastak, rumal rech chi at tijom rumal ri pixab.

Efesios 5:10

Chiwetamaj ba' jachique jastak ri quekaj chuwäch ri Ajawaxel.

1 Juan 4:1

Lok'alaj tak wachalal, micojo ix chi ronojel ri cabixic uxlabisam rumal ri Dios, xane' chebitijtobej quij, quiwil c'ut we ri uxlabal ri c'o pa ri canima' rech ri Dios o man rech taj. Nojisam c'ut ri uwächulew cumal ri e banal tak tzij ri caquibij chi are' ri Dios bininak chque.

Filipenses 1:6

Cu'l nu c'u'x chi ri Dios, ri xuchaplej ri utzalaj chac pa ri i c'aslemal, cutz'akatisaj na c'ä pa ri k'ij aretak cätzelej na ulok ri Jesucrist.

1 Tesalonicenses 5:21

Chitijtobej ronojel; chic'olo' ri utz.

1 Corintios 1:8

Ri are' co quixutiquiba' na c'ä pa ri q'uisbal k'ij, rech man c'o ta etzelal cäriktaj na chiwij pa ri u k'ijol ri Kajaw Jesucrist.

Apocalipsis 2:2

E weta'm ri e a chac, ri e c'axalaj a chac, xukuje' ri a ch'ijonic, weta'm chi man quebak'i taj ri itzel tak winak. Weta'm chi xebanic'oj ri cäquibij quib chi e takom, man e je ta c'ut. Xebanic'oj c'ut chi e banal tak tzij.

Efesios 5:27

rech cutac'aba' ri comon cojonelab chuwäch are', jun comon cojonelab ri nim u k'ij, man tz'ajtajinak taj, mawi c'o bach'uy che, mawi jun jasach jewa' xane' jun tastalic comon cojonelab, utz ronojel.

Ri Xuan 1:47

Aretak ri Jesus xril ri Natanael cätajin copan ruc', jewa' xubij chrij: “Chiwilampe' jun kas aj israel, ri man c'o ta wi subunic.”

Ri Matey 16:23

Ri Jesus xutzolk'omij rib, xubij che ri Lu': “Chatel chnuwäch, Satanas. Quinaya' pa takchibal mac. Are c'u ri at man cachomaj ta ri e jastak re ri Dios, xane' ri jastak que ri winak.”

Ri Josue 24:14

“Rumal rech wa', nim chiwila' wi ri Ajawaxel chipatanij ruc' jiquil man ruc' ta cawachil. Chebitzaka' can tak ri diosib ri xequik'ijilaj tak ri nabe tak i man chuchi' tak ri nima' Euprats xukuje' pa Ejipt, chipatanij ri Ajawaxel.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

Romanos 12:9

Kas chi lok'ok'ela' iwib, man ruc' ta quieb c'uxaj. Chiwetzelaj u wäch ri lawaloyil chitakej c'u u banic ri utzilal.

Romanos 8:7

Ri caquichomaj ri jastak aj winak re mac, cuban u c'ulel che ri Dios. Rumal ri' man cuya' ta rib chuxe' ri u pixab ri Dios, mawi cäcuinic.

Ri Matey 26:33

Ri Lu' xubij che: “Pune' ta conojel cuban quieb qui c'u'x che la, ri in mawi ta jubik' cuban ta na quieb nu c'u'x che la.”

Ri Miquey 3:2

Man je ta c'u qui bano, quiwetzelaj u wäch ri utzil are c'u quilok'ok'ej ri lawaloyil; qui ch'ol ri u tz'umal ri nu tinimit kululem ri e u bakil quebiya' canok.

Ri Job 34:3

Ri xquinaj quebuch'ob ri qui jalbem tak quib ri tzij, junam ruc' ri u pa chi'aj ri quebuch'ob tak ri na'il.

Ri Job 12:11

Ri xquinaj cuch'ob ri quijalbem tak quib ri tzij, junam jas ri u pa chi'aj e quebuna' tak ri na'il.

Chapletajic 20:5

Kas c'u are ri Abraham xbin chwe chi rana'b we ixok ri', xukuje' we ixok ri xubij chwe chi u xibal we achi ri', ronojel ri xinbano xinban ruc' u ch'ajch'ojil wanima', quinch'obo chi man c'o ta etzelal nu banom.”

Filipenses 1:16

Ri jujun cäquitzijoj ri Crist ruc' lok'ok'ebal c'u'x. Queta'm c'ut chi in c'o waral che u to'ic u wi' ri u tzijoxic chi kastzij ri tzij re colobal ib.

Efesios 6:24

Tok'ob chque conojel ri quelok'ok'en ri Kajaw Jesucrist, ruc' jun lok'ok'ebal c'u'x ri man cajalc'at taj.

Efesios 4:15

Xane' chkabij ri kastzij ruc' lok'ok'ebal c'u'x, jeri' chujq'uiy ba pa ronojel, pa ri Crist, ri are' ri jolomaj.

Gálatas 5:11

Wachalalib, we ta quintakej u bixic chiwe ri cojonelab chi quekopix ri u wi' ri qui tz'umal ri achijab wi che retal ri qui cuerp, ri aj judeyib ma ta cäcan c'ax ri chwe. Jeri' ri u tzijoxic ri u ripibal ri Crist ma ta cuya' latz' ri' chque.

2 Corintios 8:8

Man quinbij ta wa' chiwe jas jun takanic chi je quibana'. Xak xuwi quinwaj chi quiwetamaj jas cäquiban ri niq'uiaj chic, cäquicoj qui chuk'ab, rech ri ix quic'utu we kastzij c'o lok'ok'ebal i c'u'x.

2 Corintios 6:3

Man c'o ta ri cäkaya' ta wi itzel c'utbal che jachin jun, rech man cäyok' ta ri ka chac ri cätajin cäkabano.

2 Corintios 2:17

Uj man uj ta junam cuc' e q'ui ri cäquesaj qui ch'äcoj che ri tijonic ri cuya' ri Dios, xane' ruc' ronojel kanima', uj takom rumal ri Dios, xukuje' chuwäch ri Dios cujtzijon pa ri Crist.

1 Corintios 10:32

Mixux ya'l tzakibal chque ri aj judeyib, mawi chque ri man aj judeyib taj, mawi che ri comon cojonelab aj Dios.

1 Corintios 8:13

Rumal ri', we ri quintijo cuban che ri wachalal chi cätzakic, mawi jumul quintij chi ti'j, rech man quinux ta jun tzakibal che ri wachalal.

Romanos 16:17

Quixinbochi'j, wachalal, chi chajij iwib chquiwäch ri winak ri quequitas jujun cojonelab chquij niq'uiaj chic, ri cäquiban chque chi cuban quieb canima' che ri tijonic ri xiwetamaj. Chitasa' iwib chquij wa'.

Romanos 7:22

Cäquicot ri wanima' rumal ri u pixab ri Dios.

Romanos 7:16

We c'u are quinban ri man quinwaj taj, rumal ri' quinch'obo chi utz ri pixab.

Hechos 24:16

Rumal c'u ri', quinoc il amak'el chi cac'oji' jun ch'ajch'ojalaj retamabal nu c'u'x chuwäch ri Dios xukuje' chquiwäch ri winak.

Ri Xuan 3:20

Conojel c'ut ri cäquiban etzelal, cäquetzelaj u wäch ri chäj. Xukuje' man quepe ta cho ri chäj, rech man cäk'alajisax ta ri cäquibano.

Filipenses 2:16

pa ri u k'alajisaxic ri tzij re c'aslemal chquiwäch. Jeri' quinquicot na iwumal pa ri k'ij aretak cäpe ri Crist, weta'm chi man xak ta lok' xinc'am wanim pa ri binem, man xak ta lok' xintij nu chuk'ab pa ri nu chac.