Elem 9:10 - Quiché Bible

¹⁰ Ri Moises rachilam ri Aaron xquic'am ri chaj pa jun jorno, xeboc chuwäch ri ajawinel. Chila' c'u xujopij wi ri Moises ri chaj pa ri quiakik', xepe c'u ch'a'c chquij ri winak xukuje' chquij ri awaj.

Elem 9:10 Referans Kwoze

U Camulixic ri Pixab 28:27

Ri Ajawaxel quebuq'uiyisaj na nimak tak ch'a'c chawij jacha' ri xpe chquij ri aj ejiptib, xukuje' sipoj, salc'am xukuje' quiäk chi'm, man c'u quebarik ta cunabal che qui cunaxic tak we yabil ri'.

Elem 9:8

Xubij c'u ri Ajawaxel che ri Moises rachilam ri Aaron: “Chebic'ama' jutak muk' chaj pa jun jorno, cujopij c'u na ri Moises pa ri quiakik' chuwäch ri ajawinel.

Elem 9:9

Ri chaj cäjabun na pa ronojel Ejipt, quebuq'uiyisaj ch'a'c chquij ri winak xukuje' chquij ri awaj pa ronojel Ejipt.”

Elem 9:11

Ri ajk'ijab man xecuin taj xquik'atij u wäch ri Moises, rumal rech chi ri e are' xukuje' conojel ri aj ejiptib e nojinak che ch'a'c.