Elem 7:23 - Quiché Bible

²³ Ri ajawinel xtzelej chupam ri nimalaj rachoch, man xoc ta il che ri mayibal ri xban chuwäch,

Elem 7:23 Referans Kwoze

Ri Malaquiy 2:2

Ri ix quixniman na chwe rajawaxic c'ut chi quixoc na il chi nim quiniwil wi na, we man quibano, in quixinc'okoj na. U mac c'u rech chi man ix oquinak ta il chi man nim ta quiniwil wi in quinban na chiwe chi quixux c'okobal xukuje' ne ri utzil ri quiriko chi ix cojol tabal tok'ob.” Are' cäbin ri Ajawaxel ri c'o ronojel u cuinem.

Ri Habacuc 1:5

“Chebica'yej tak ix ri nimak tak tinimit ri e c'o tak chinakaj; chebica'yej chixnoj c'u che xe'n ib. In c'o che qui banic jastak ri e je tak wa' ri man quebicoj ta ri' we ta c'o jachin cätzijon chiwe.

Ri Ezequiel 40:4

We achi ri' xubij chwe: “Utz rilic chabana', utz u tatabexic chabana'; kas chatoc il che ronojel ri quenc'utu' chawäch, are' ri Dios xatc'amow ulok waral rech quinc'ut chawäch. Chaya' c'u u bixic che ri tinimit Israel ronojel ri cawilo.”

Ri Jeremiy 36:24

Mawi ri ajawinel mawi ri e rach k'atal tak tzij ri nimak qui k'ij ri xquitatabej ronojel ri xya' u siq'uixic, xquixe'j ta quib mawi xquic'utula' chi c'ax ta xbe chque.

Ri Jeremiy 5:3

Ajawaxel, ri catzucuj la are ri winak ri jic ranima'. Xc'äjisaj la qui wäch man c'ax ta c'ut xquina'; xebeyojyobisaj la man xcaj ta c'ut xquesaj ta qui no'j. E täc, e co c'u na chuwäch ri abaj, man xcaj taj xetzelej chupam ri utzalaj be.

Ri Isaiy 26:11

Ajawaxel, suc'umam chi la ri c'äjisabal wächaj, ri e are' c'ut man cäcaj ta cäquetamaj aretak c'ut cäquil ri lok'ok'ebal c'u'x la che ri tinimit la, man cäquirik ta chi na jas cäquibano. ¡C'o ta banom wi chi are' ta ri u k'ak'al ri oyowal la quebik'owic!

E C'ambal tak Tzij 29:1

Ri cuban rib chi tacaticalaj con aretak cäk'ilic, chanim cäsachisax na u wäch man c'o ta u to'tajic.

E C'ambal tak Tzij 24:32

Aretak xinwil wa' xintz'ibaj chupam ri nu chomabal; xinwilo xinwetamaj c'ut we tijonic ri'.

E C'ambal tak Tzij 22:17

Chaya' a xiquin che qui tatabexic ri qui tijonic ri ajno'jab; chatoc il che u chomaxic ri catintijoj wi.

Salmib 62:10

Micu'ba' i c'u'x chrij ri tokinic; ¡mawi misipojisaj iwib rumal ri eläk'! We quixk'inomaric, micu'ba' i c'u'x chrij ri puak.

Ri Job 7:17

¿Jas u banic ri winak chi caya' la u k'ij? ¿Jasche coc la il che?

Nabe Samuel 4:20

Aretak c'u xquil ri ilol tak rech chi cäcämic, xquibij che: “Maxe'j awib, awalam c'ut jun ala.” Ri ixok man c'o ta jas xubij chque mawi xoc ta il che ri xquibij che:

U Camulixic ri Pixab 32:46

Xubij c'u chque ri aj israelib: “Kas ronojel ri nu bim chiwe camic, chiya' c'u takanic chque ri e iwalc'ual chi cäquinimaj ronojel ri cubij we pixab ri'.

Elem 9:21

e c'o c'u jujun ri man xeboc ta il che ri xbix chque, xequiya' can ri cajchaquib xukuje' ri cawaj pa ri juyub man c'o ta qui cäbal.

Elem 7:22

E are' tak c'ut ri ajk'ijab aj ejiptib junam xquiban rumal ri qui nawinic che qui banic tak itzinic, ri ajawinel co xutacaba' rib man xuya' ta u xiquin che ri xubij ri Moises xukuje' ri Aaron, je jas u bim ri Ajawaxel.

Elem 7:24

conojel ri aj ejiptib xequic'otola' c'ua' chuchi' tak ri nima' Nil che resaxic sakalaj ja', man cuya' ta c'ut cuq'uiax ri nima'.

Elem 9:20

E c'o c'u jujun aj ejiptib ri xquixe'j quib chuwäch ri xubij ri Ajawaxel, xequicoj ri cajchaquib xukuje' ri cawaj pa tak cäbal;

E C'ambal tak Tzij 28:14

Utz re ri winak ri amak'el cuya' u k'ij ri Ajawaxel; are' c'u ri cuban co che ri ranima' cäkaj na pa ri quiäkasakil.

Ri Isaiy 47:7

Xabij: ‘Man c'o ta jun quinesan che ajawinel ixok;’ man xul ta c'u wa' we jastak ri' pa jolom, mawi xachomaj apan ri qui q'uisbal.