Elem 4:22 - Quiché Bible

²² Cabij c'u che ri ajawinel: ‘Jewa' cubij ri Ajawaxel: Ri Israel are nabeal nu c'ojol.

Elem 4:22 Referans Kwoze

Ri Osey 11:1

“Aretak ri tinimit Israel c'ä ch'utin, in xinlok'ok'ej ri are'; ri are' nu c'ojol, xinsiq'uij rech quel ulok pa Ejipt.

Romanos 9:4

E are c'u wa' ri winak aj israelib, ri e u c'amom ri Dios che ralc'ual, u yo'm ri u juluwem ri Dios chquixo'l, u yo'm ri c'ulwächinic, u yo'm ri u pixab chque rumal ri Moises, ri k'ijilanic, xukuje' u bim chque jas ri cuya' na.

Hebreos 12:23

Ix opaninak cuc' ri nabeal tak winak re ri comon cojonelab, ri qui mulin quib, ri e tz'ibam qui bi' pa ri caj. Ix opaninak chunakaj ri Dios, ri qui K'atal Tzij conojel, chquiwäch ri cuxlabal ri suc'alaj tak winak ri e tz'akatisam chic.

Ri Jeremiy 31:9

Quepe na ruc' tz'ononic xukuje' ok'enic. In quebenc'am na bic jawije' e c'o wi binel tak ja', pa jun lianic be jawije' ri man caquichak'ij ta wi quib. In c'ut ri u tat ri Israel, are c'u ri Eprain are nabeal nu c'ojol.

Ri Isaiy 64:8

Pune' c'u jewa' banom la chke, lal ri lal ka tat, Ajawaxel; uj ri uj t'ac, lal, ri lal banal lak; konojel uj bantajinak umal la.

Ri Isaiy 63:16

Ri lal, lal ka tat. Pune' man cujuc'amowaj ri Abraham, mawi cujnataj ta che ri Israel, ri lal, Ajawaxel, lal ka tat kas ojer ulok lal torol kech.

U Camulixic ri Pixab 14:1

“Ix ri ix ralc'ual ri Ajawaxel ri i Dios. Misoc iwib, mawi miban tol che ri i jolom chiwäch aretak c'o jachin cäcämic.

Santiago 1:18

Ri are' xuchomaj jas cuban na, xuya' ka c'aslemal rumal ri tzij re kastzij, rech cujux jujun nabe tak qui wächinic ri jastak ri e banom rumal.

2 Corintios 6:18

quinux c'u na i Tat, ri ix quixux na nu c'ojol xukuje' nu mia'l, cächa' ri Ajawaxel ri c'o ronojel u cuinem.”

Ri Matey 2:15

Xec'oji' chila' c'ä xcäm na ri Herod. Jewa' xquibano rech catz'akatic jas ri u tzijom can ri Ajawaxel rumal ri k'axal tzij ri xubij: “Pa Ejipt xinsiq'uij wi ulok ri nu C'ojol.”

Elem 6:11

“Jät, jabij che ri ajawinel chi chuya' be chque ri aj israelib chi quebel bic pa Ejipt.”

Elem 7:16

Chila' cabij wi che: ‘Ri Ajawaxel ri qui Dios ri aj hebrey in u takom ulok che u bixic chech la: Chi catzokopij bic ri nu tinimit rech cäbe che nu k'ijilaxic pa ri chaki'j uwo sak. Man nimam ta c'u la c'ä camic ri nu bim chech la.

Salmib 89:27

Quinya' na takanic pa u k'ab jas ri ya'tal che jun nabeal ala, paquiwi' conojel tak ri ajawinelab ri e c'o cho ri uwächulew.

U Camulixic ri Pixab 32:6

¿La jewa' ri rajil q'uexel ri quiya' che ri Ajawaxel? Tinimit con, ri man c'o ta u no'j, ¿la ma ta are' a tat ri q'uiyisal awech? Are' xatq'uiyisanic xukuje' are' xattac'abanic.

Ri Jeremiy 2:14

“Ri Israel man jun lok'om pataninel taj; ri are' man xalax taj jacha' jun lok'om pataninel. ¿Jas c'u che catolobaxic?

Ri Malaquiy 1:6

Ri Ajawaxel ri c'o ronojel u cuinem cubij chque ri e cojol tabal tok'ob: “Ri alc'ualaxelab nim chequila' ri qui tat qui nan, e are' c'u ri pataninelab nim chequila' wi ri e cajaw. We c'u ri in in i Tat, ¿Jas che ri ix man nim ta quiniwilo? We in Iwajaw, ¿Jasche man nim ta quiniwil wi? Ix quiwetzelaj nu wäch, c'ä quibij c'ut: ‘¿Jas ri ketzelam wi wäch la?’