Elem 4:21 - Quiché Bible

²¹ Ri Ajawaxel xubij che ri Moises: “Aretak catopan pa Ejipt, chacojo' a chuk'ab che qui banic ri mayibal chuwäch ri ajawinel ri nu yo'm a chuk'ab che qui banic. Ri in quinban na che ri ajawinel chi cuban co che ri ranima', rech man quebutzokopij taj ri aj israelib.

Elem 4:21 Referans Kwoze

Romanos 9:18

Jeri' ri Dios quel u c'u'x che apachin ri cäraj quel wi u c'u'x. Cucowirisaj c'u ri ranima' apachin ri cäraj cucowirisaj.

Ri Isaiy 63:17

¿Jasche cäban la Ajawaxel chi cäkajech'obisaj kib chque ri be la, cacowirisaj c'u la ri kanima' rech man nim ta cakil wi la? Q'uextaj la, rumal ri qui lok'ok'exic ri pataninel tak ech la, xukuje' ri tinimit ri echbem la.

Ri Josue 11:20

are' c'u ri Ajawaxel xbanowic chi ri e c'ulel xquicowirisaj ri canima' xquik'atij c'u qui wäch ri aj israelib rech man ruc' ta elebal c'uxaj, ri aj israelib caquiq'uis tzij paquiwi', je jacha' ri takanic ri u yo'm ri Ajawaxel che Moises.

Ri Xuan 12:40

“Ri Dios xumoyirisaj ri qui bak'wäch, xuban co che ri canima' rech man cäquil ta ruc' ri qui bak'wäch, rech man cäquich'ob ta pa ri canima', mawi quetzelej ta wuc', mebencunaj c'ut.”

Elem 14:8

Ri Ajawaxel xubano chi co xutac'aba' rib ri ajawinel quebuterenej c'ut ri aj israelib, pune' c'u e elinak ulok wa' ruc' nimalaj cuinem.

Elem 9:35

Ri ajawinel co xutacaba' rib, man xebutzokopij ta bic ri aj israelib, jas ri u bim ulok ri Ajawaxel nabe rumal ri Moises.

Elem 9:12

Ri Ajawaxel xubano chi ri ajawinel co xutac'aba' rib man xuya' ta c'u u xiquin che ri Moises xukuje' che ri Aaron, je jacha' ri u bim ulok ri Ajawaxel che ri Moises.

Elem 7:13

Pune' c'u jewa', ri ajawinel co xutac'aba' rib man xuya' ta u xiquin chque, jacha' ri xubij ri Ajawaxel.

Elem 3:20

Rumal ri', quinc'ut na ri nu cuinem quebensoc na ri aj ejiptib ruc' cämical cumal conojel ri mayibal ri quinbana' na pa ri culew; c'äte ri' quixutzokopij na ri ajawinel.

Elem 10:20

ri Ajawaxel xuban che ri ajawinel chi co xutac'aba' rib, man xraj ta chic xebe ri aj israelib.

Elem 7:3

Ri in quinban na che ri ajawinel chi co cutac'aba' rib, quebenban c'u na q'ui tak etal xukuje' jastak ri e mayibal pa Ejipt.

Ri Isaiy 6:10

Chatacarisaj ri u chomabal we tinimit ri' chach'uku' ri e qui xiquin, chatz'apij ri e qui bak'wäch, rech man quecuin ta queca'yic, mawi quech'obonic, rech man quetzelej ta wuc' quecunataj ta c'u ne.”

Elem 14:4

Quinban na co che ri ranima' ri ajawinel quixuterenej c'ut, quinc'ut c'u ri nu cuinem puwi' ri are xukuje' paquiwi' conojel ri rajch'ojab. Cäquetamaj na ri aj ejiptib chi in ri' ri Ajawaxel.” Je c'u xquiban ri aj israelib.

1 Pedro 2:8

xukuje' tz'ibatalic: “Are abaj cäquichak'ij quib ri winak chrij, are nimalaj abaj quetzak ri winak chrij.” Quetzak rumal ri tzij, rumal rech chi man cäquinimaj taj; che c'u wa' xecoj wi.

2 Corintios 2:16

Chque ri cäsach qui wäch, are ruxlab cämical ri quebucämisaj. Chque c'u ri quecolotajic, are ruxlab c'aslemal ri cuya' qui c'aslemal. Chque c'u we jastak ri', ¿jachin ta c'u lo ri ticarel?

Romanos 1:28

Aretak man xcaj ta chic xechoman chrij ri Dios, ri Dios xebuya' canok rech cäc'oji' qui no'j ri man c'o ta u patan, rech cäquiban jastak ri man e utz taj.

Salmib 105:25

Xuban c'ut chi ri aj ejiptib xquiyac quib chrij u tinimit, xequisub c'ut ri e pataninel tak rech ri Dios.

Nabe Ajawinelab 22:22

ri uxlabal xutzelej u bixic chi queruxlabaj banoj tzij pa qui chi' ri e k'axal u tzij ri ajawinel. Xubij c'u ri Ajawaxel che, chi kas catcuin na che u subic, jät ba' che u banic.

U Camulixic ri Pixab 2:36

Xkachaplej bic ruc' ri tinimit Aroer, ri c'o chuchi' ri nima' Arnon xukuje' ri tinimit ri c'o pa ri beya' xujopan c'ä pa Galaad, man c'o ta jun tinimit xcuinic xuto' ta rib pa ka k'ab; ri Ajawaxel ri ka Dios xubano chi conojel xekaj pa ka k'ab.

Chapletajic 6:3

Xubij c'u ri Ajawaxel: “Man quinya' ta be chque ri winak chi sibalaj naj cäc'asi'c, rumal rech chi ri are' xak ti'j. Xa jun sient ruc' juwinak (120) junab cäc'asi'c.”

Elem 8:32

Are c'u ri ajawinel co xutac'aba' rib, man xraj ta chic xebe ta ri aj israelib.

Elem 10:1

Ri Ajawaxel xubij che ri Moises: “Jät, jach'abej ri ajawinel ri paraon, nu banom chi c'u che ri are' xukuje' ri e rach k'atal tak tzij chi co caquitac'aba' quib, rech quebenc'ut ri nimak tak mayibal chquiwäch ri quincuin che qui banic,

Elem 10:27

Are' c'u ri Ajawaxel xubano chi ri ajawinel paraon co xutac'aba' rib. Man xraj taj xebe ri aj israelib.

Elem 11:9

Xubij chi c'u ri Ajawaxel che ri Moises: “Mawi ne camic cunimaj ri ajawinel ri quibij che rech jeri' queq'uiyir ri nu mayibal ri quinban na pa Ejipt.”

Elem 11:10

Ri Moises rachilam ri Aaron xequiban conojel we mayibal ri' chuwäch ri ajawinel, are c'u ri Ajawaxel xucowirisaj ri ranima' ri ajawinel, man xuya' ta chque ri aj israelib chi quebel bic pa Ejipt.

Salmib 78:43

aretak xebuban nimak tak jastak ri e mayibal pa ri ulew re Zoan, ri c'o pa Ejipt;

Elem 3:19

Kas c'u weta'm chi ri ajawinel re Ejipt man quixutzokopij taj, we ta ma ta rumal ri u chuk'ab ri nu cuinem.

Elem 8:11

Quebel na bic ri xtutz' chupam ri nimalaj achoch la xuwi quecanaj canok chupam ri nima', man cäquiya' ta chi latz' che la, mawi chque tak ri e ach tak k'atal tzij la, mawi chque ri e winakil la.”

Elem 8:15

Xuwi c'u xril ri ajawinel chi xel pa ri latz' ri c'o wi, co xutac'aba' rib, man xuya' ta u xiquin che ri Moises rachil ri Aaron, jacha' ri u bim ulok ri Ajawaxel chque.

Elem 14:17

In quinbana' na chi ri aj ejiptib co caquitac'aba' na quib rech quixquiterenej na; quinc'ut c'u ri nu cuinem puwi' ri ajawinel xukuje' paquiwi' conojel ri rajch'ojab, paquiwi' ri u carwaj xukuje' paquiwi' ri rajquiejab.