Elem 37:9 - Quiché Bible

⁹ xuc'ulaj rib qui wäch, benak c'u ri qui palaj che u ca'yexic ri tz'apibal, qui lic'om ri qui xic' puwi' jacha' muj che to'bal ib.

Elem 37:9 Referans Kwoze

1 Pedro 1:12

Xk'alajisax c'u chquiwäch ri k'axal tak tzij, chi aretak cäquibij we jastak ri', man chquetaj e are quebajwataj wi, xane' chiwe ix. Are we jastak ri' quetzijox chiwe camic cumal ri winak ri cäquitzijoj ri tzij re colobal ib chiwe rumal ri Ruxlabal ri Dios ri takom ulok chicaj. E jastak wa' ri xcajtaj ri e tako'nib aj caj chi e are' taj xeilowic.

Hebreos 1:14

Conojel c'ut ri tako'nib aj caj, e uxlabal ri e c'o pa ri patanijic cho ri Dios e takom ulok che qui patanixic ri winak ri caquechbej ri colotajic.

1 Timoteo 3:16

K'alaj chquiwäch conojel chi nim qui banic ri jastak re ri ka k'ijilanic che ri Dios: Ri Dios xc'utun chupam jun cuerp aj winak, xk'alajisaxic chi suc' rumal ri Uxlabaxel, xilitaj cumal ri tako'n aj caj, xtzijox chque tak ri tinimit, xecojon ri winak che ri e c'o cho ri uwächulew, c'ulam pa ri juluwem.

Filipenses 3:8

C'o chi c'u na jubik', in nu ch'obom chi conojel we jastak ri' man c'o ta chi qui patan chwe, aretak quinchomaj chi sibalaj nim u banic ri retamaxic u wäch ri Crist Jesus ri Wajaw. Rumal rech ri Crist nu tzakom can ronojel, ronojel c'ut xa' mes chic chnuwäch che u q'uexwäch ri nu ch'äcom ri are' ri Crist.

Efesios 3:10

Xbantaj wa' rech camic ri c'o qui takanic xukuje' ri c'o qui cuinem pa ri caj cäquetamaj rumal ri comon cojonelab ri q'ui u wäch tak u no'j ri Dios.

2 Corintios 3:18

Ri uj c'ut konojel man ch'ukutal ta chic ri ka palaj. Cäkak'alajisaj ri u juluwem ri Ajawaxel jas jun ilbal ib. Je c'u ri' cujq'uextajic, ronojel k'ij nim na ri u juluwem c'o kuc', rech cujux na jacha' ri Crist. Are ri Uxlabaxel re ri Ajawaxel cäbanow wa'.

Ri Xuan 1:51

Ri Jesus xubij c'u che: “Kastzij, kastzij quinbij chiwe: Quiwil na ri caj jakalic, xukuje' ri e tako'n aj caj re ri Dios quexuli ulok, quepaki' bic puwi' ri Rija'l Winak.”

Ri Isaiy 6:2

Jujun chajinelab aj caj ri quejuluwic e c'o puwi' ri are. Chquijujunal c'o wakitak qui xic'. Ruc' quieb qui xic' caquich'uk ri qui palaj, ruc' quieb chic caquich'uk quib, ruc' quieb chic querapapic.

Elem 25:20

cuc'ulaj rib qui wäch, are c'u ri qui palaj are caquica'yej ri tz'apibal, cäliq'ue ri qui xic' puwi' ri tz'apibal e jacha' jun mu'j.

Chapletajic 28:12

Xuban jun ichic' chila', xril jun k'a'm ri tac'al cho ri ulew ri copan c'ä chicaj, ri quepaki' wi xukuje' quexuli' wi ri u tako'nib aj caj ri Dios.

Chapletajic 3:24

Aretak resam chi bic ri achi, xebucoj jujun aj cajalaj tak tobanelab ri e c'o qui xic', pa elebal k'ij che ri ticonijibal xukuje' jun ch'ich' re ch'o'j ri sibalaj cäjuluwic ri cäsutin pa ronojel c'olbal, rech mawi jun cäkeb chuxcut ri che' re c'aslemal.

Elem 37:8

Ri tz'apibal xukuje' ri quieb wächbal ri aj cajalaj tak tobanelab ri e c'o qui xic', xa jun xcuc'aj wi quib; ri jun c'o che ri jun u tza'm, ri jun chic c'o chi che ri jun chi u tza'm,

Elem 37:10

Ri Bezaleel xukuje' xuban jun mexa re q'uisis ri quetan jun bara' u rabic, niq'uiaj bara' u wäch, oxib k'abaj rak'anibal.

Nabe Ajawinelab 6:27

Ri Salomon xebuya' chupam ri Sibalaj Tastalicalaj C'olbal. We e wächbal ri aj cajalaj tak to'banelab ri' ri e c'o qui xic' qui lic'om ri qui xic', jeri' chi ri u xic' ri jun curik ri jun tapia ri u xic' ri jun chic curik ri jun chi tapia are chi c'u ri quieb xic'aj cäquirik quib pa u niq'uiajil ri Sibalaj Tastalicalaj C'olbal.