Elem 34:7 - Quiché Bible

⁷ Ri cäcanaj jic pa ri lok'ok'ebal u c'u'x paquiwi' q'ui mil tak ija'lil, xukuje' cusach mac che ri banoj etzelal, ri c'ulelanic xukuje' ri macaj; mawi c'u jubik' ma ta cuc'äjisaj u wäch ri ajchak'mac, xane' cuc'äjisaj qui wäch ri quetzelal ri tataxelab paquiwi' ri alc'ualxelab, paquiwi' ri e i tak mam, paquiwi' ri e xiquin tak mam, xukuje' paquiwi' ri e calc'ual ri e xiquin tak mam.”

Elem 34:7 Referans Kwoze

Salmib 103:3

Are' ri quecuyuw conojel tak ri wetzelal; are' ri quecunan conojel tak ri e nu yabilal;

Efesios 1:7

Chupam c'ut ri nimalaj u lok'ok'ebal c'uxaj uj u torom ri Dios rumal ri quic' ri xutix ri u C'ojol, e sachtajinak c'ut ri e ka mac.

Ri Jeremiy 32:18

Ri lal cac'ut la ri lok'ok'ebal c'u'x la c'ä chi jun mil (1,000) ija'lil, xukuje' c'ut cäc'äjisaj la qui wäch ri winak rumal rech ri qui mac tak ri qui tat. ¡Oh nimalaj Dios xukuje' c'o cuinem la, ri bi' la Ajawaxel c'o ronojel u cuinem!

1 Juan 1:9

We c'u quekak'alajisaj ri e ka mac, cuya' cakacuba' ka c'u'x chi ri Dios cuban na jachique ri suq'uilal: quebucuy c'u na tak ri e ka mac, queresaj c'u na conojel ri ketzelal.

Ri Daniel 9:9

Lal c'ut, cäban ech la ka Dios, pa k'ab la c'o wi ri elebal c'uxaj xukuje' ri sachoj macaj. Ri uj ka walijisam kib che c'ulelaxic la

Salmib 130:4

Uc' c'u la cäkarik wi cuyubal macaj, rech cäkaya' k'ij la.

Ri Job 10:14

Cätajin qui nu yuxlej che rilic we quinmacunic, je c'u ri' cäcuin la quinc'okoj la rumal ri nu macunic.

Elem 23:7

chanajtajisaj awib chquique ri tzujunic ri xa e banoj tak tzij, mawi mak'at tzij chi cäcämisax ri winak ri man c'o ta jubik' u mac, man quink'alajisaj ta c'ut chi ma ta c'o u mac ri c'o u mac.

Ri Nahum 1:6

¿Jachin ta lo ri cacuinic cätaq'ui' ta chuwäch ri royowal? ¿Jachin ta lo ri cach'ijow ri royowal? Ri u c'anal cätixtob na jacha' k'ak', quequiban c'u cacab ri nimak tak abaj.

Ri Daniel 9:4

Xinban ch'awem ruc' ri Ajawaxel ri nu Dios, xinban c'u we k'alajisanic ri' chuwäch: ‘Ajawaxel, nimalaj Dios ri xukuje' c'o u cuinem, ri amak'el quetz'akatisaj la ri cächi'j la cac'ut c'u la ri lok'ok'ebal c'u'x la chque ri quelok'ok'en che la ri xukuje' cäquitz'akatisaj qui banic ri e takomal la:

Hebreos 12:29

Rumal rech chi ri ka Dios are je ta ne jun k'ak' ri ronojel cuporoj canok.

Efesios 4:32

Xane' chibana' utzil xukuje' chel i c'u'x chbil tak iwib. Chisachala' i mac, jacha' ri Dios xusach i mac rumal ri Crist.

Salmib 86:15

Are' c'u ri lal, Ajawaxel, lal jun Dios ch'uch'uj ri quel c'u'x la, coch'onel, lal lok'ok'ebal c'uxaj ronojel xukuje' kastzij.

Ri Miquey 7:18

Man c'o ta chi c'u jun Dios jacha' ta ri lal, quecuy c'u la ri etzelal, quesach c'u pa jolom la ri qui walijisam tak quib ri ch'utinalaj u tz'akatil ri tinimit la. Lal cac'ut la ri lok'ok'ebal c'u'x la chkawäch man c'u cajekeba' ta la ri oyowal la chbe k'ij sak.

Ri Nehemiy 9:32

Are c'u ri camic, ka Dios, nimalaj Dios, cuinel xukuje' xibibal, jekebam c'u la ri c'ulwächinic xukuje' ri nimalaj lok'ok'ebal c'uxaj la, xak ba maca'y la chque tak ri c'axc'olil ri e kajinak pakawi' paquiwi' tak ri kajawinelab, ri e c'amal tak ka be, ri e ka cojol tabal tok'ob xukuje' tak ri e k'axal tak tzij la, xukuje' ri e ka mam, xukuje' che ronojel ri tinimit, kas pa tak ri qui k'ijol tak ri ajawinelab re Asiriy c'ä pa ri k'ij camic.

Ri Nehemiy 1:5

Xinbij c'u che': “Ajawaxel, Dios ri c'o la pa ri caj, nimalaj Dios xukuje' xibibal, ri catz'akatisaj la ri c'ulwächinic la, xukuje' ri jiquil la cuc' ri cälok'ok'ex la cumal ri caquitz'akatisaj c'ut qui banic tak ri takomal la;

Hechos 13:38

Chetamaj ba' alak, wachalal tak achijab, chi rumal ri Jesus xtzijox ri sachbal mac chech alak, xukuje' xsachtaj ronojel ri man xcuin ta wi alak chuk'alajisaxic chi alak suc' rumal ri u pixab ri Moises; rumal ri Jesus conojel ri quecojonic, quek'alajisaxic chi e suc' chic.

Hechos 5:31

Xnimarisax c'ut u k'ij we Jesus ri' rumal ri Dios, xut'uyuba' pa ri u wiquiak'ab, xucoj c'u che C'amal Be xukuje' Colonel. Jeri' xuya' chque ri aj Israel chi cäquiq'uex qui c'u'x, xuya' chque chi cäsachtaj qui mac.

Ri Josue 24:19

Xubij c'ut ri Josue chque: “Ri ix man quixecuin ta che u patanixic ri Ajawaxel, rumal rech chi are' jun Dios tastalic ri man cuban ta etzelal xukuje' achixomanel, ri man quebucoch'o ta ri e i c'ulelanic xukuje' tak ri e i mac.

U Camulixic ri Pixab 32:35

che ri k'ij ri quinya' na rajil u q'uexel chque, quinya' c'u ri takal chque, aretak copan ri k'ij re ri qui tzakic, nakaj chi c'u c'o wi ri k'ij re ri u sachic qui wäch, xa co'l man cänakajin ri k'ijol chque.

Elem 23:21

Matnajtin che; chanimaj maban awib chi ma ta mawaj ch'abexic che, are' c'o c'u che nu q'uexwäch, we quixmacunic man qui xucuy taj.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Apocalipsis 20:15

Ri man e tz'ibatal ta qui bi' pa ri wuj re ri c'aslemal, xeq'uiak pa ri cho re k'ak'.

Ri Lucax 7:48

Xubij c'u che ri ixok: “Ri a mac xesachtajic.”

Ri Lucax 7:42

Man c'o ta c'u qui rajil che u tojic ri qui c'as. Ri ya'l jolomal xubij c'u chque ri e quieb chi man rajawaxic ta chic cäquitoj ri qui c'as. ¿Jachin c'u chque ri quieb ajc'asib ri' sibalaj culok'ok'ej na ri ya'l jolomal?”

Ri Matey 12:31

Rumal ri' quinbij chiwe chi ri Dios cucuy na chque ri winak ronojel ri mac xukuje' ronojel ri etzelal ri caquibij, man quebucuy ta c'u na chi cuc' tak ri qui tzij queyok'on che ri Uxlabaxel.

Ri Miquey 6:11

¿La cuya' ta lo quinsach u mac ri quebucoj tak pajbal ri e jech'obisam xukuje' alal ri xa' quesubunic?

Ri Isaiy 45:21

Chixch'awok, chitzijoj ri i banic, we quiwaj chixchomalan chixo'l: ¿Jachin xeyo'w ulok qui bixic we jastak ri' kas pa ri tictajic? ¿Jachin xesan ulok qui tzijol ojer? ¿La ma ta pu in, ri Ajawaxel? Man c'o ta Dios we ta ma ta xuwi ri in. Man c'o ta chi jun Dios we man xuwi ri in, ch'äcanel xukuje' ri colonel.

Salmib 136:15

Che ri xbik'tajisan ri paraon chupam ri Quiäk Plo xukuje' ri e rajch'ojab. Junalic c'ut ri u lok'ok'ebal c'u'x.

Salmib 136:10

Che ri xecämisan conojel ri e qui nabeal ri aj ejiptib, junalic c'ut ri u lok'ok'ebal c'u'x.

Ri Matey 6:12

Checuyu' la ri e ketzelal jacha' xukuje' ri uj quekacuy ri etzelal ri e banom chke.

Chapletajic 19:16

Xbeytaj c'u ri Lot, ri quieb tako'nib aj caj xquiyukej bic che ri u k'ab, rumal rech chi xel u c'u'x ri Ajawaxel che. Xukuje' xquic'am bic ri rixokil, ri quieb u mia'l, naj xequic'am wi bic che ri tinimit rech queto'tajic.

Elem 33:19

Xutzelej c'u u bixic ri Ajawaxel: “Quinban c'ut chi coc'ow ronojel ri wutzil chawäch, chawäch c'ut at quinya' wi na u k'alajisaxic ri nu bi'. Quel na nu c'u'x che apachin ri quinwaj wi, quintok'obisaj u wäch apachin ri quinwaj wi.

Elem 34:9

“¡Ajawaxel! ¡Ajawaxel! We kastzij chi in lok' chwäch la, chujachilaj la bic. We winak ri' kastzij sibalaj e tac, xa ba' sacha' la ri ka mac, ri ketzelal, chujc'ama' che tinimit la.”

U Camulixic ri Pixab 7:9

Chiwetamaj ba', chi, ri Ajawaxel ri i Dios are' Dios ri jic, ri cutz'akatisaj ri u c'ulwächinic ija'lil chi ija'lil, chque ri quelok'ok'en che xukuje' quequitz'akatisaj ri e u takomal.

U Camulixic ri Pixab 7:10

Cusach c'u qui wäch ri quebetzelan u wäch, cuya' ri c'äjisabal qui wäch jas ri takal chque. Man cäbeytaj ta che u ya'ic ri c'äjisabal qui wäch ri quebetzelan u wäch.

Nabe Ajawinelab 8:30

Chtatabej la ri nu bochi'nic xukuje' ri e quech ri Israel ri tinimit la aretak cakaban ch'awem chusuq'uil we c'olbal ri'. Chtatabej la ulok chicaj, are c'u c'olbal wa' ri lal jekel wi, chäya' la ri sachbal mac chke.

Ucab Tzijobelil 30:9

We ri ix quixtzelej ruc' ri Ajawaxel, ri e c'ulel ri e c'o ri e iwachalal ri e c'o chuxe' ri qui takanic camic xukuje' tak ri e i c'ojol cätok'obisax na qui wäch cumal quequitzokopij na ulok rech quetzelej ulok pa we ulew ri', rumal rech chi ri Ajawaxel, ri i Dios, cätok'ok'obisan wächaj xukuje' quel u c'u'x man c'u quixuxutuj taj, we ri ix quixtzelej ruc'.”

Ri Jeremiy 9:24

We c'o jun caraj cunimarisaj u k'ij, chunimarisaj u k'ij che retamaxic nu wäch, che retamaxic chi in ri' ri Ajawaxel, ri quinpatanin cho ri uwächulew ruc' lok'ok'ebal c'uxaj suq'uilal xukuje' colomal, are c'u wa' ri cäkaj chnuwäch in. In, ri Ajawaxel, quinjiquiba' u bixic.”

Nabe Ajawinelab 8:32

chtatabej la ulok c'ä chicaj, chbana' c'u la ri takalic; chbana' la ri suq'uilal chque ri pataninel tak ech la. Chäc'okoj la ri ajchak'mac, chakasaj la ri c'äjisabal wächaj puwi' qui mac quech ri itzel tak u banoj, chbana' c'u la ri suq'uilal che ri man c'o ta u mac, jacha' ri takal che.

Salmib 25:11

Ajawaxel, sibalaj nim ri wetzelal; sacha' la nu mac, ya' la u k'ij ri bi' la.

Salmib 99:8

Ajawaxel, ka Dios, ¡lal xtzelej la u wäch qui tzij! Xux la jun Dios chque ri cucuy macaj, xc'äjisaj c'u la u wäch ri quetzelal.

Salmib 109:14

Chnataj che ri Ajawaxel ri retzelal ri u tat, mawi jubik' muchup ri u mac ri u nan;

Ri Jeremiy 30:11

In, ri Ajawaxel, quinjiquiba' u bixic chi in c'o awuc' che a to'tajisaxic. Quebensachisaj na qui wäch ri nimak tak tinimit ri xatinjabuj chquixo'l. Man c'u quinsachisaj ta na a wäch at; xuwi quinc'äjisaj a wäch jas ri takal chawe: man catinya' ta canok we ta mat quinc'äjisaj a wäch.”