Elem 34:16 - Quiché Bible

¹⁶ o quequic'ulba' ta ne ri qui mia'l cuc' tak ri i c'ojol, aretak c'ut quequik'ijilaj tak ri e qui diosib, quequitakchi'j ta c'u ne tak ri e i c'ojol che u mejic quib chquiwäch che qui k'ijilaxic.

Elem 34:16 Referans Kwoze

Ri Esdras 9:2

Ri e are' xukuje' tak ri e qui c'ojol xec'uli' cuc' tak ri qui mia'l tak we winak ri'; rumal c'u rech wa', ri u tinimit ri Dios u quichon rib cuc' ri winak ri e re jun tinimit chic. Ri xenabej che u banic we mac ri' e are' ri c'amal tak be xukuje' ri k'atal tak tzij.”

Ri Nehemiy 13:25

Xinc'anan c'u chque xeben c'okoj c'ut. Jujun chque xebench'ayo xebenmich' che ri qui wi', xebench'ay c'ut chi quibana' ri chi'nic ri kas cäban na, pa u bi' ri Dios chi maquiya' chi c'olbal chi ri e qui mia'l xukuje' ri e qui c'ojol quec'uli' ta cuc' winak ri man e qui winakil taj, mawi quequic'am ta che quixokil ri e qui c'ojol mawi kas chque tak ri e are' ri e quixokib tak wa'. Xinbij chi c'u ne na chque:

Ri Nehemiy 13:23

Xinwil xukuje' pa tak ri k'ij ri' chi e c'o jujun aj judeyib e c'ulan cuc' ixokib aj Asdod, aj Amon xukuje' aj Moab;

Ri Josue 23:12

Rumal rech chi quinwaj quiwetamaj wa': chi we quixutuj can ri Dios quiyuj c'u iwib cuc' tak we winak ri' ri e canajinak chixo'l, ri Ajawaxel ri i Dios man quebuq'uiak ta na bic tak we tinimit ri' chiwäch, xane' quebucoj na jacha' c'at xukuje' jacha' c'amibal rech quixtzakic, e jacha' rapubal cho tak iwachak xukuje' e jacha' q'uix chquipam tak ri i bak'wäch, c'ä man c'o ta jun chiwe cacanaj ta na pa we ulew ri' ri sibalaj utz ri u yo'm ri Ajawaxel ri i Dios chiwe.

K'atal tak Tzij 3:6

ri e qui c'ojol xukuje' ri e qui mia'l ri aj israelib xec'uli' cuc' ri qui c'ojol xukuje' ri qui mia'l we winak ri', xequik'ijilaj c'u ri e qui diosib.

K'atal tak Tzij 14:3

Are c'u ri u nan u tat xquibij che: “¿Jasche catbe che u tzucuxic awixokil chquixo'l ri aj pilisteyib ri man queta'm ta u wäch ri Dios? ¿La xa pu man c'o ta chi ixokib chquixo'l ri kachalaxic o chquixo'l conojel ri aj israelib?” Ri Sanson xubij: “Are ali wa' ri cäkaj chnuwäch, are wa' ri quinwaj quinc'ama' che wixokil.”

Nabe Ajawinelab 11:1

Ri Salomon man xuwi ta xulok'ok'ej ri u mia'l ri paraon, xane' xukuje' niq'uiaj ixokib chic ri man e u winakil taj: aj moabib, aj amonib, aj edomib, aj sidonib xukuje' aj hititib;

Ri Esdras 9:12

Xukuje' xbij la chke chi mekac'uluba' ri e ka mia'l cuc' tak ri qui c'ojol, mawi mekac'am tak ri qui mia'l rech quec'uli' cuc' tak ri ka c'ojol, mawi jubik' makatzucuj ri jamaril chque mawi ri utzil chque, rech amak'el c'o ka chuk'ab, cäkatij c'ut ri u wächinic ri ulew ri', kaya' c'u can ronojel chque tak ri kija'lil jacha' che quechbal re chbe k'ij sak.

Ri Nehemiy 10:30

Rumal ri', man quekaya' ta na ri e ka mia'l chque ri winak ri e re jalan tak winak chic, mawi quekanimaj chi ri e qui mia'l quec'uli' ta cuc' tak ri e ka c'ojol.

Chapletajic 24:3

chabana' ri chi'nic ri kas cäban na pa ri u bi' ri Ajawaxel, ri Dios ri ajchak'e ri caj ulew, chi mac'uluba' ri nu c'ojol Isaac ruc' jun ali ri quel waral pa Canaan jawije' ri in c'o wi,

Aj Levitib 21:15

rech muyuj ri u quiq'uel cuc' apachique winak pa ri u tinimit; in c'ut ri Ajawaxel nu tasom che nu patanixic.”

K'atal tak Tzij 3:5

Jeri' ri aj israelib xquichaplej ri qui c'aslemal chquixo'l ri aj cananeyib, ri aj hititib, ri aj amoreyib, ri aj perezeyib ri aj hebeyib xukuje' ri aj jebuseyib,

K'atal tak Tzij 8:27

Ruc' we k'an puak ri', ri Jedeon xuban jun atz'iak nim u k'ij, ri xucoj pa Opra ri u tinimit, conojel c'u ri aj israelib xejech'ob chuwäch ri Ajawaxel u mac rech ri atz'iak nim u k'ij, xux c'u jun c'amibal wa' che ri Jedeon xukuje' chque ri ralc'ual.

Nabe Ajawinelab 21:25

(Man c'o ta chi jun jacha' ri Acab, ri xtakchi'x rumal ri rixokil Jezabel, xuwi xebuban itzel tak banoj chuwäch ri Ajawaxel.

Ucab Tzijobelil 21:11

Xebuyac c'u ne k'ijilabal ri quek'ijilax wi diosib pa tak ri juyub re Juda, are c'u xbanow wa' chi ri aj Jerusalen xemacun chuwäch ri Ajawaxel, xuban c'ut chi xjech'ob ri Juda.

Ri Nehemiy 10:31

Aretak c'u chepe ri winak ri e re jun ulew chic pa ri k'ij re uxlanem che qui c'ayixic ri jastak ri tijic quij xukuje' niq'uiaj c'ayij chic, man c'o ta jas ri cakalok' ta na chque, mawi pa ri k'ij re uxlanem mawi pa apachique chi k'ij re nimak'ij; xukuje' ne, pa ri uwuk junab quekak'ila' kib che u tiquic ri ulew xukuje' quekasach tak ri c'asaj.

Salmib 106:39

xequitz'iloj c'u tak quib cumal tak ri e qui banoj xca'n ri cäcan ri quech ri nim ch'utin.

Ri Osey 1:2

Ri Ajawaxel je u chaplexic u ya'ic wa' ri xraj xuya' u bixic ruc' ri u to'banic ri Osey: “Ri winak ri e c'o pa rulew ri Israel quibanom ri qui mac ri e quech ri nim ch'utin, qui tasom quib chwij, in quiyo'm canok. Je c'u chabana' at, jät chac'ama' jun ixok quech nim ch'utin che awixokil, chec'ol c'u a c'ojol ruc'; jeri' we alabom ri' quebux na ral jun ixok quech nim ch'utin.”