Elem 34:15 - Quiché Bible

¹⁵ Miban jun c'ulwächinic cuc' ri winak ri e jekel chupam we ulew ri', mäc'ulmataj ne chi aretak cäquimej quib che qui k'ijilaxic ri e qui diosib, aretak quequiya' tabal tok'ob chquiwäch, quixcula'j ta c'ut, quitij ta c'u iwech we tabal tak tok'ob ri',

Elem 34:15 Referans Kwoze

K'atal tak Tzij 2:17

Are c'u ri aj israelib man xeniman ta chque we c'amal tak be ri', man xquitakej ta u k'ijilaxic ri Ajawaxel, niq'uiaj diosib chic xequik'ijilaj. Ri e qui mam xequinimaj tak ri e u takanic ri Ajawaxel, ri e are' c'ut man je ta xquibano.

1 Corintios 8:4

Chrij c'u ri wa ri cojom chquiwäch tak ri diosib, keta'm ri' chi jun dios man c'o ta u banic cho ri uwächulew, keta'm c'ut chi xuwi jun Dios c'olic.

Salmib 106:28

Xebux c'u tak u lok'om pataninelab ri Baal-peor, xquitij quech ri tabal tak tok'ob ri xecoj chquiwäch tak ri diosib ri man c'o ta qui c'aslemal.

U Camulixic ri Pixab 31:16

Xubij c'u ri Ajawaxel che ri Moises: “Xa' pa quieb oxib k'ij catcäm na, we tinimit ri' cuchuwirisaj na rib cuc' ri qui diosib ri ulew ri man queta'm ta u wäch ri queboc na che rechbexic; quinquixutuj na canok, quinpaxij c'u na ri c'ulwächinic ri nu banom ruc'.

Ajilanic 25:2

ri quecula'j aretak caquiya' tabal tak tok'ob chque tak ri e qui diosib. Ri aj israelib e are' juch'ob che u tijic tak we wa ri' xek'ijilan chque ri e qui diosib ri aj moabib,

1 Corintios 10:27

We c'o jun ri man cojonel taj quixusiq'uij che jun wa'im, we c'u quiwaj quixbec, ronojel ri cäya' chiwäch chitija'. Mixc'otow chi'aj rumal rech ri etamabal c'uxaj.

1 Corintios 8:10

We c'u ri at ri e aweta'm we jastak ri', catt'uyi' che wa'im pa jun c'olbal ri tasom chque ri diosib, we c'u ne c'o jun achalaxic ri c'ä maja' co pa ri u cojonic catrilo, we c'u ne cac'ulmatajic chi ri are' cuchajij anima' che u tijic rech we sipanic ri' ri cojom chquiwäch ri diosib.

1 Corintios 8:7

Man conojel ta c'ut queta'm wa'. Jujun ri e nak'atal can che qui k'ijilaxic ri diosib, c'ä caquitij we tzukbal ib ri' c'o c'u pa qui jolom chi xchi'x chque ri diosib; tukar c'u ne ri retamabal qui c'u'x, cuban c'u chque chi quech'äctaj cumal ri dios.

Ri Jeremiy 3:9

Man c'o ta c'u k'atibal xurik che ri u banic, chi xuxok'olij ri ulew. Man jic taj xbin chnuwäch xebuk'ijilaj tak ri abaj xukuje' ri juwi' tak che'.

Aj Levitib 17:7

Mawi c'u jumul chquiya' ta chic tabal tak tok'ob chquiwäch tak ri itzelab, ri e qui k'ijila'm, ri qui mac quech e etzelatajinak. Jun pixab wa' ri cacanaj can chiwe, ri coc'ow cuc' ri tataxelab cak'ax c'u cuc' ri alc'ualaxelab.

Elem 34:12

Miban jun c'ulwächinic cuc' ri winak ri e jekel chupam ri ulew ri quixoc wi na, rech mequiban chiwe chi quixkaj chupam ri qui c'amibal.

Apocalipsis 2:20

Quinna' c'u wa' chawij: a yo'm c'u che ri ixok Jezabel, ri cubij rib chi k'axal tzij, chi quebutijoj ri nu pataninelab xukuje' chi quebusub che u banic macunic cuc' ixokib, xukuje' che u tijic jastak ri e cojom chquiwäch tak diosib.

Ri Osey 9:1

Mat quicotic Israel; mat ch'oplinic chi utz at c'olic jacha' ri jule' tak tinimit chic, at uxinak c'u junam cuc' ri quech ri nim ch'utin aretak xaxutuj can ri a Dios. Pa tak ri era ri cayak' wi ri trico, cäkaj c'u chawäch quebac'am tak ri tojbal re ri e a mac jacha ri cuban ri quech ri nim ch'utin.

Ri Osey 4:12

Ri nu tinimit cutz'onoj u no'j chque tak ri e diosib ri e re che'; cumal c'u tak ri ch'imiy quequiban tak ri ch'obonic. E ch'äctajinak rumal ri qui mac ri nim ch'utin, ri nu tinimit e u takem sachinak tak be: cux je ta ne ri quech ri jun nim ch'utin cutas c'u rib, cuyacan ri u Dios.

Salmib 73:27

Ri cäquinajtajisaj quib che la quecäm na; cäsach na la u wäch ri man jic ta cäbin chwäch la.

Ri Esdras 6:9

K'ij chi k'ij mak'il u jachic chque ri e cojol tabal tok'ob ri e c'o pa Jerusalen, jas ri caquibij chi cajwatajic, ronojel ri cajwataj chque, we alaj ama'ib tak wacax, we ama'ib tak chij, we alaj ama'ib tak chij ri quebajwataj che qui ya'ic tabal tok'ob ri quechajirisax che ri Dios aj caj; we ne trico ne, we ne atz'am, we ne u wa'l uva, we aseit,

U Camulixic ri Pixab 7:2

Aretak ri Ajawaxel ri i Dios e u jachom chi we nimak tak tinimit ri' pa i k'ab xukuje' e ch'äctajinak chic iwumal, rajawaxic quisach qui wäch, c'o c'u jun c'ulwächinic miban cuc' mawi mitok'obisaj qui wäch.

Ajilanic 15:39

Jeri' aretak ri ix quebiwil ri t'orot'ak, quenataj na chiwe conojel tak ri takomal ri e nu yo'm chiwe quebitz'akatisaj c'u na, man quixc'am ta c'u na bic cumal tak ri kas e i chomanic xukuje' tak i rayinic, ri qui mac quech tak wa' ix jech'obinak chnuwäch.

Elem 34:10

Ri Ajawaxel xubij: “Chixtatabenok: In quinban camic jun c'ulwächinic ruc' ronojel ri a tinimit. Quebenban na mayibal tak jastak ri mawi jumul e banom pa jun nim tinimit chic ri c'o cho ri uwächulew, conojel c'u ri winak ri e c'o chquinakaj cäquil na ri cäcuin ri Ajawaxel che u banic, e mayibal tak c'ut ri quebenbana' na iwuc'.

Elem 23:32

Muc'ulaj rib a tzij cuc' mawi cuc' ri e qui diosib,

Hechos 15:20

Cubana' chi ka tz'ibaj bic chque chi chquitasa' quib maquinak apachique jasach awasim cumal ri diosib, chi man cäquiban ta macunic cuc' achijab ixokib, mequitij qui ti'jal awaj ri e jitz'itajinak, o ri e jik'inak, mawi quic'.

Elem 22:20

Ri quebuya' tabal tak tok'ob chquiwäch jule' diosib chic ri xuwi ya'tal qui ya'ic chuwäch ri Ajawaxel, cäcämisaxic.

Elem 32:8

Chanim c'ut xquitas quib che ri be ri xebentak che u ternexic. Xquija'risaj k'an puak, xquiban jun alaj ama' wacax, cätajin cäquik'ijilaj, xukuje' cätajin cäquiya' tabal tok'ob chuwäch, cäquibij c'ut: ‘Israel, are a dios wa' ri xatesan ulok pa Ejipt.’”

Ajilanic 25:1

Aretak ri aj israelib xquijekeba' quib pa Sitim, ri cachijab xquichaplej u tz'iloxic quib cuc' tak ri ixokib aj moabib,

U Camulixic ri Pixab 7:3

Mixux achalib cuc', mawi mebic'uluba' ri e i c'ojol xukuje' ri e i mia'l cuc' tak ri alitomab xukuje' cuc' tak ri calabom we winak ri',

U Camulixic ri Pixab 32:37

Cubij c'u na chque: ‘¿Jawije' e c'o wi tak ri e i diosib, ri to'banelab tak ri' ri i cuban i c'u'x chquij,

U Camulixic ri Pixab 32:38

ri quetijow tak ri qui xepoyil ri e i tabal tak tok'ob, quecuq'uiaj c'u ri u wa'l uva ri quichi'j chque? Chewalij che i to'ic. Chepet che iwesaxic pa qui k'ab ri i c'ulel.

Ri Josue 23:12

Rumal rech chi quinwaj quiwetamaj wa': chi we quixutuj can ri Dios quiyuj c'u iwib cuc' tak we winak ri' ri e canajinak chixo'l, ri Ajawaxel ri i Dios man quebuq'uiak ta na bic tak we tinimit ri' chiwäch, xane' quebucoj na jacha' c'at xukuje' jacha' c'amibal rech quixtzakic, e jacha' rapubal cho tak iwachak xukuje' e jacha' q'uix chquipam tak ri i bak'wäch, c'ä man c'o ta jun chiwe cacanaj ta na pa we ulew ri' ri sibalaj utz ri u yo'm ri Ajawaxel ri i Dios chiwe.

K'atal tak Tzij 3:6

ri e qui c'ojol xukuje' ri e qui mia'l ri aj israelib xec'uli' cuc' ri qui c'ojol xukuje' ri qui mia'l we winak ri', xequik'ijilaj c'u ri e qui diosib.

Nabe Tzijobelil 5:25

Xquic'ulelaj c'ut ri u Dios ri e qui mam man c'u ruc' ta jiquil xebin chuwäch xequik'ijilaj tak ri e qui diosib tak ri tinimit ri xsachisax qui wäch rumal ri Dios xebesax c'u bic chquiwäch.

Ri Esdras 9:12

Xukuje' xbij la chke chi mekac'uluba' ri e ka mia'l cuc' tak ri qui c'ojol, mawi mekac'am tak ri qui mia'l rech quec'uli' cuc' tak ri ka c'ojol, mawi jubik' makatzucuj ri jamaril chque mawi ri utzil chque, rech amak'el c'o ka chuk'ab, cäkatij c'ut ri u wächinic ri ulew ri', kaya' c'u can ronojel chque tak ri kija'lil jacha' che quechbal re chbe k'ij sak.

Elem 22:19

Apachin ri cupal ruc' jun awaj, cäcämisaxic.

U Camulixic ri Pixab 31:18

Aretak c'ut copan we jok'otaj ri', sibalaj quinnajtajisaj wi na wib chquij, rumal rech ri etzelal ri qui banom xukuje' rumal rech chi e qui k'ijilam niq'uiaj diosib chic.