Elem 34:13 - Quiché Bible

¹³ Xane' chebiyojij ri qui porobal, chebic'äjij conojel tak ri abaj ri quequik'ijilaj xukuje' tak cuta'm ri e tastalic.

Elem 34:13 Referans Kwoze

Ucab Ajawinelab 18:4

Are' ri xebensan tak ri k'ijilabal ri quek'ijilax wi diosib, xebuc'äjij ri tastalic tak abaj, xebupaxij tak ri e u wächbal tak ri Asera xukuje' xumuch ri cumätz re k'an ch'ich' ri xuban ri Moises ri c'ä quitakem u poroxic c'oc' k'ol chuwäch Nehustan quecha' c'u che.

Elem 23:24

Matakej u banic awech ri caquiban we tinimit ri'. Matxuqui chquiwäch tak ri e qui diosib, mawi mebak'ijilaj; xane' chasacha' qui wäch ri qui diosib xukuje' tak ri tastalic tak abaj.

U Camulixic ri Pixab 16:21

C'o juwi' che' mitico che u ya'ic u k'ij jun dios, mawi miya' chunakaj ri porobal ri rech Ajawaxel ri i Dios.

U Camulixic ri Pixab 7:5

Ri rajawaxic ri quibano are ri quiwulixic tak ri qui porobal ri quek'ijilax wi diosib, quebic'äjij tak ri abaj, ri cuta'm ri quequik'ijilaj xukuje' chebiporoj tak ri e qui diosib.

Ucab Tzijobelil 31:1

Aretak xq'uis u tza'm ronojel wa', conojel ri aj Israelib ri e c'o chila' xebe chquipam tak ri tinimit ri e c'o pa Juda. Xequic'äjij ri tastalicalaj tak abaj, xebe qui paxij tak ri e u wächbal tak ri Asera xebequit'akij tak ri k'ijilabal ri quek'ijilax wi tak ri diosib, c'ä xquiq'uis na qui c'äjixic conojel tak we jastak ri' pa ronojel ri Juda, pa Benjamin, xukuje' c'u ne pa Eprain xukuje' Manases. Conojel c'ut ri aj israelib xetzelej pa tak ri e qui tinimit, chquijujunal pa tak ri e culew.

Ucab Ajawinelab 23:14

Xukuje' xebumuch tak ri abaj xukuje' tak ri tastalic tak cuta'm, xebubalij c'u qui bakil cäminakib chquipam tak ri c'olbal ri e c'olinak wi canok.

K'atal tak Tzij 6:25

Chupam ri roquibal ri ak'ab ri' ri Ajawaxel xubij che ri Jedeon: “Chac'ama' jun ama' u wacax ri a tat chquixo'l ri e u wacax, are' ri ucab ama' wacax ri c'o wukub u junab, chat'akij ri porobal aj Baal ri c'o pa ri rulew ri a tat xukuje' chat'akij ri che' ri tastalic ri c'o chuxcut ri porobal aj Baal,

K'atal tak Tzij 2:2

xuwi ta ne we man quiban jun c'ulwächinic cuc' ri e aj chila', xane' chebisacha' qui wäch tak ri e qui porobal ri quek'ijilan wi.’ Are c'u ri ix man xixniman ta chwe: ¿Jasche c'ut je xiban wa'?

K'atal tak Tzij 6:26

chayaca' c'u jun porobal puwi' we tanatic ri' che ri Ajawaxel ri a Dios. Chac'ama' c'u ri ama' wacax, ri u cab, chachi'j c'u chwe jacha' che tabal tok'ob ri cächajirisaxic, are cacoj ri si' ri xel che ri che' ri tastalic ri xat'akij.”

Nabe Ajawinelab 14:15

ri Ajawaxel cutota' na ri Israel jacha' cuban ri nima' quebutota' tak ri aj. Cubok c'u na chupam we utzalaj ulew ri' ri xuya' chque ri e qui mam, cuq'uiaka' c'u c'ä jela' che ri nima' Euprats, rumal rech chi xebuban qui wächbal tak ri Astarte, are c'u xbanow wa' chi xyactaj royowal ri Ajawaxel.

Ucab Tzijobelil 14:3

Xeresaj ri porobal ri quek'ijilax wi tak ri jalan tak diosib, xukuje' ri e k'ijilabal ri quek'ijilax wi ri diosib; xebumuch ri tastalicalaj tak abaj xebupaxij ri e u wächbal tak ri Asera.

Ucab Tzijobelil 15:16

Ri ajawinel As xukuje' xresaj ri u k'ij ri ajawinel ixok' nanaxel che ri Maac, ri rati't, rumal rech chi xutak u banic jun u wächbal ri Asera. Ri As xusachisaj u wäch we wächbal ri'; xuban ch'akatak che xuporoj c'u chuchi' ri alaj nima' Sedron.

Ucab Tzijobelil 17:6

Xuchajij anima' che qui takexic ri be ri e juch'um rumal ri Ajawaxel, xutakej chi c'ut quesaxic tak ri k'ijilabal ri quek'ijilax wi tak ri diosib ri e c'o pa Juda xukuje' tak ri e u wächbal tak ri Asera.

Ucab Tzijobelil 24:18

xquitzak c'u can ri rachoch ri Ajawaxel, ri qui Dios ri e qui mam, xequiya' c'u k'ijilanic chque tak ri e u wächbal ri Asera xukuje' chque jule' tak e diosib chic. Rumal we macaj ri' ri Ajawaxel xoyowar chrij ri Juda xukuje' chrij ri Jerusalen.

Ucab Tzijobelil 33:19

Ri u ch'awem ruc' Dios xukuje' ri tzelebal u wäch ri xuc'amo, ronojel ri u tzijoxic ri u mac xukuje' ri u jech'balil xukuje' tak ri c'olbal ri xebuyac wi tak ri porobal ri quek'ijilax wi diosib, xukuje' ri xebuya' wi tak ri e u wächbal ri Asera xukuje' tak ri diosib, c'ä majok chumach'irisaj rib chuwäch ri Dios, e tz'ibatal pa ri qui tzijobelil ri e k'axal u tzij.

Ri Isaiy 17:8

Man queril ta chi na ri e porobal mawi ri jastak ri e banom cumal ri winak ruc' ri qui k'ab. Man coc ta chi na il che quilic tak ri cuta'm ri nimak qui k'ij mawi tak ri porobal jawije' queporox wi c'oc' tak k'ol chquiwäch tak ri diosib.

Ri Isaiy 27:9

Cucuy c'u na ri u mac ri Jacob quebuchup na ri sachinak wi we je cubana' wa': we quebuc'äjij conojel tak ri e u porobal ri quebuk'ijilaj wi tak ri diosib jacha' ri cäban che u c'äjixic ri rabajil chun, mecanaj chi c'u tastalicalaj tak cuta'm, mawi e porobal c'oc' tak k'ol che u ya'ic qui k'ij ri diosib.

Ri Jeremiy 17:2

Ri e awalc'ual quenataj tak ri porobal chque xukuje' ri tastalicalaj tak cuta'm ri que k'ijilaxic ri e c'o chquinakaj ri juwi' tak che' ri k'eku'm tak qui xak xukuje' paquiwi' tak ri juyub ri naj e elinak tak chicaj

Ri Miquey 5:14

Quebenbok tak na ri e juwi' tak a che' ri e tastalic kas c'u quebensachisaj tak na qui wäch ri e a tinimit.

Ajilanic 33:52

chebiwesaj bic conojel ri winak ri e c'o chupam ri ulew, chebipaxij conojel tak ri wächbal ri e c'o cuc' re abaj re porom ch'ich', chebikasaj conojel tak ri e qui k'ijilabal ri e c'o paquiwi' tak ri juyub.

U Camulixic ri Pixab 16:22

Mebitac'aba' ri abaj ri xek'ijilan wi ri e k'ijilal tak diosib, sibalaj c'u itzel quil wa' rumal ri Ajawaxel ri i Dios.”

Ucab Ajawinelab 10:27

Xquic'äjij ri porobal xukuje' ri rachoch ri Baal, xquiban jun tixbal mes che, ri c'ä je u banom camic.