Elem 33:5 - Quiché Bible

⁵ u bim chi c'u ri Ajawaxel che ri Moises: “Chabij chque ri aj israelib: ‘Ix, ix winak ri sibalaj ix tac. Pune' ta xa jubik' quinc'oji' chixo'l, quinq'uis u sachisaxic i wäch ri'. Chebiwesaj ba' conojel ri wikbal tak iwib kas camic, quinwil c'u na jas ri quinban na chiwe.’ ”

Elem 33:5 Referans Kwoze

Ajilanic 16:21

“¡Chixel chuxo'l we tinimit ri', quebensachisaj c'u u wäch pa jok'otaj!”

Salmib 139:23

Nu Dios, chinnic'oj la chetamaj la u wäch ri wanima'; chinc'ambejej la, chetamaj la qui wäch ri e nu chomanic;

Juyuwem 4:6

Ri retzelal ri u chuch ri nu u tinimit c'o na chuwäch ri macaj ri xuban ri Sodom, ri xa' pa jok'otaj xsachisax u wäch man c'o ta c'u jun ri xelch'ojin ta ruc'.

Ri Isaiy 22:12

Pa ri k'ij ri' ri Ajawaxel ri c'o ronojel u cuinem, xixusiq'uij che ok'ej che juyuwem, che u banic tol che ri i jolom xukuje' che u cojic wakwoj tak atz'iak chiwij che u c'utic chi quixbisonic.

Salmib 73:19

¡Xa' pa jok'otaj cäsach qui wäch! ¡Ri xe'n ib caq'uisow na tzij paquiwi'!

Ri Job 34:20

Ri winak xa pa jok'otaj quecämic, pa u niq'uiajil ri k'ekumalaj chak'ab; ri winak caquituquij quib man cak'alajin ta c'ut jawije' tak ri quebe wi; ri e c'o qui cuinem man cajwataj ta qui chuk'ab winak che u sachisaxic qui wäch.

U Camulixic ri Pixab 8:2

Chnataj chiwe ronojel ri be ri xixuc'am wi ulok ri Ajawaxel ri i Dios pa ri chaki'j uwo sak ronojel ri cawinak junab, che i mach'irisaxic, xukuje' che i c'ambejexic, rech caretamaj tak ri e i chomanic, cäretamaj c'ut we quebitz'akatisaj, o we man quitz'akatisaj ta ri e u takomal.

Chapletajic 22:12

Ri tako'n aj caj xubij: “Maban jun c'ax che ri ala, xinwetamaj c'ut chi caxe'j awib chuwäch ri Dios, man xak'il ta c'u awib che u ya'ic ri a c'ojol chwe, ri xa jun.”

Chapletajic 18:21

camic c'ut quinbe chila' che rilic we kastzij chi sibalaj nim ri quetzelal jas ri bim chwe. Kas c'u quinwetamaj na.”

Hechos 7:51

Ri Estebn xutakej u bixic: “Ri alak amak'el uxinak alak tac, e c'o xiquin alak xukuje' anima' alak ri man quecojon taj. Amak'el cak'atij alak u wäch ri Ruxlabal ri Dios. Alak junam c'u cuc' tak ri e mam alak.

Elem 32:9

Xubij chi ri Ajawaxel che ri Moises: “E wilom we winak ri', kas c'u wilom chi sibalaj co caquitac'aba' quib.

Elem 33:6

Je c'u ri' kas aretak e c'o pa ri juyub Horeb, ri aj israelib xquik'il tak quib che qui cojic ri wikbal tak quib.

Ri Isaiy 48:4

Weta'm c'ut chi sibalaj at tac, chi sibalaj at co jacha' ri ch'ich', man catk'usk'ub ta jacha' ri kan ch'ich',

Ri Joel 2:12

Cujiquiba' u bixic ri Ajawaxel: “Are c'u ri camic chixtzelej ba' wuc' ruc' ronojel iwanima'. ¡Chiya' i tzij chi man quixwa' ta na, chiraka' i chi' xukuje' chixok'ok!”