Elem 33:4 - Quiché Bible

⁴ Aretak ri aj israelib xquita' we xibibalalaj tak tzij ri', sibalaj xebisonic, man c'o ta chi jun xucoj ri wikbal rib,

Elem 33:4 Referans Kwoze

Ajilanic 14:39

Aretak ri Moises xuya' u bixic chque ri aj israelib ri u yo'm u bixic ri Ajawaxel, conojel sibalaj xebisonic.

Ri Ezequiel 26:16

Conojel tak ri ajawinelab ri e c'o pa ri plo quequijam can tak ri qui tem re ajawibal, quequesaj tak ri qui k'u' xukuje' tak ri catz'iak ri e tz'otim; e nojinak che xe'n ib quet'uyi' na cho ri ulew, ronojel ri jun k'ij quebirbitic e nojinak che xe'n ib aretak catquilo.

Ri Ezequiel 24:23

Man cuya' taj quich'anaba' bic ri i jolom mawi quebit'anaba' ri iwakan. Man quixjuyuw taj mawi quixok'ic. Quixtuktub na qui mac tak ri e iwetzelal, quixjuyuwilab tak chiwäch.

Ri Ezequiel 24:17

Chat coch'onok mac'utu chi catbisonic, macoj k'ek atz'iak che u c'utic chi c'o a cäminak. Mach'anaba' ri a jolom jawije' ri catbe wi mawi mebat'anaba' ri awakan jawije' ri catbe wi; mach'uk ri a palaj che u c'utic ri c'axc'obic mawi mebatij ri wa ri quetijic aretak c'o cämical.”

Ajilanic 14:1

Xquichaplej c'ut u rakic qui chi' ri aj israelib, xebok' c'ut pa ri chak'ab ri'.

Ri Zacariy 7:5

“Chabij che ronojel ri tinimit re ri ulew, xukuje' chque ri e cojol tabal tok'ob: ‘Quiya' i tzij chi man quixwa' taj, quebicoj c'u tak iwatz'iak re bis chupam ri uro' xukuje' ri uwuk ic' oxc'al lajuj (70) junab c'ut i chapom ulok u banic wa'. Man qui ban ta c'u wa' che ta u ya'ic nu k'ij,

Ri Zacariy 7:3

xukuje' che u c'otic qui chi' ri e k'axal tzij xukuje' chque ri e cojol tabal tok'ob ri e c'o chupam ri rachoch ri Ajawaxel ri c'o ronojel u cuinem: “¿La cakatakej na lo qui cojic tak atz'iak re bis xukuje' man cujwa' taj pa ri uro' ic' chujunab, jacha' ri ka takem ulok u banic c'ä camic?”

Ri Jonas 3:6

Aretak c'u xopan u tzijol ruc' ri ajawinel re Ninibe, xwalij pa ri u tem re ajawibal, xeresaj ri ratz'iak re ajawinel, xucoj wakwoj tak atz'iak, xt'uyi' c'u cho ri ulew.

Ri Osey 7:14

Pune' ta c'u ne caquirak qui chi' aretak e kajinak pa ch'at, man ruc' ta c'ut ri canima' quinquinataj. Che u tz'onoxic trico xukuje' u wa'l uva quequisocola' tak quib ¡Quiwalijisam quib chwij!

Ri Isaiy 32:11

Ix ri man c'o ta jas quixoc ta wi il, chixbirbitok ix ri quina' chi man c'o ta jas quibisoj, chixel ch'u'j, chebiwesaj tal we atz'iak ri', chebicojo' wakwoj tak atz'iak che u c'utic ri i bis.

Ri Job 2:12

Xquil apan ri Job chinaj, ruc' c'u c'ax xecuin che u ch'obic u wäch, xquichaplej u rakic qui chi' xquitakej c'u ok'ej, e nojinak c'u che k'oxomal xequijisila' tak ri catz'iak chquij xquiq'uiakila' ulew pa ri quiakik' pa tak ri qui jolom.

Ri Job 1:20

Xwalij c'u ri Job, nojinak che c'axc'ol xujis ri ratz'iak, xutolorisaj ri u jolom xumej rib che k'ijilanic.

Ri Esdras 9:3

Aretak xinta' we c'ulmatajic ri', xinjis ri watz'iak chwij, xebent'okopij tak ri nu wi' xukuje' ri wismachi' che u c'utic ri c'axc'obic, xint'uyuba' wib sibalaj xk'oxow ri wanima'.

Ucab Ajawinelab 19:1

Aretak ri ajawinel Ezequiy xuta' ri xbixic, xujis ri ratz'iak chrij, xebucoj wakwoj tak atz'iak chrij che u c'utic chi c'axc'obinak ri ranima' xbe c'ut pa ri rachoch ri Ajawaxel,

Nabe Ajawinelab 21:27

Aretak ri Acab xuta' ronojel ri xbixic, xujis ri ratz'iak chrij, xebucoj wakwoj tak atz'iak xukuje' man xwa' taj. Xwar chquipam tak we atz'iak ri' amak'el c'ut cäbisonic.

Ucab Samuel 19:24

Xukuje' xel ulok ri Mepi-boset, ri u c'ojol ri Saul che u c'ulaxic. Kas pa ri k'ij ri xel u bic ri ajawinel, c'a xtzelej c'u na ulok utz u wäch, man e u ch'ajom ta ri quieb rakan, mawi u socam ri rismachi', mawi u ch'ajom ri ratz'iak.

Aj Levitib 10:6

Xubij c'u ri Moises che ri Aaron, e rachil ri e u c'ojol ri Eleazar xukuje' ri Itamar: ri e u c'ojol ri Aaron: “Miquiyiba' ri i wi', mawi mebijis ri iwatz'iak che u c'utic ri i bis, mixecäm c'u ne, mäkaj ri royowal ri Ajawaxel paquiwi' ri aj israelib. Ri cuya' caquibisoj are ri cachalal ri cachalaxic quib, conojel ri aj israelib, chi ri Ajawaxel xuban na we c'atic ri'.

Elem 33:6

Je c'u ri' kas aretak e c'o pa ri juyub Horeb, ri aj israelib xquik'il tak quib che qui cojic ri wikbal tak quib.

Nabe Samuel 6:19

Ri Ajawaxel xebucämisaj jujun aj Bet-sems rumal rech chi xeca'y chupam ri caxa. Xebucämisaj oxc'al lajuj (70) achijab, ri aj tinimit sibalaj xcok'ej qui wäch ri xecäm rumal ri Ajawaxel.