Elem 33:21 - Quiché Bible

²¹ Xukuje' xubij ri Ajawaxel che ri Moises: “Chawilampe', waral chinunakaj, c'o jun c'olbal. Chattac'al puwi' we cowilaj abaj ri'.

Elem 33:21 Referans Kwoze

Ri Zacariy 3:7

“Are wa' ri cubij ri Ajawaxel ri c'o ronojel u cuinem: ‘Chatbin chquipam tak ri e nu be chebatz'akatisaj c'u conojel ri ya'tal qui banic awumal ri e nu yo'm qui bixic chawe. We je caban wa', quinjach na can ri wachoch pa a k'ab. Cachajij na xukuje' ri e uwo tak ja ri e c'o che, quinya' c'u na jun awekle'n chquixo'l tak ri e aj cajalaj tak tako'nib ri e c'o che nu patanixic.

Ri Isaiy 56:5

in, c'o jun jasach quinya' na chque ri nim na u k'ij chuwäch ri e qui c'ojol, xukuje' ri e qui mia'l quinya' na chque chi cäcanaj ri qui bi' chbe k'ij sak chupam ri wachoch, cätz'ibataj can chupam ri nu tapia quinya' na jun qui bi' junalic ri mawi jubik' cäsach u wäch.

Ri Josue 20:4

Jachin ri cutzucuj u to'ic rib pa jun chque we c'olbal tak ri' copan na chuchi' ri tinimit cuya' na ri u k'alajisanic chquiwäch ri e nimak tak tatayib re ri tinimit. Cacoquisaj c'u na caquiya' na jun u c'olbal ri cajeki' wi.

U Camulixic ri Pixab 5:31

are c'u ri at chatcanaj can wuc' waral, quinbij c'u na chawe conojel tak ri takomal, ri pixab tak ri colomibal tak ri quebatzijoj na chque, rech queboc che u banic pa ri ulew ri quinya' na chque che quechbal.’

Ri Lucax 15:1

Xebopan conojel ri e tok'il tak alcabal xukuje' ri ajmaquib ruc' ri Jesus che u tatabexic ri u tzij.

Nabe Ajawinelab 19:9

Aretak xopanic, xoc chupam jun pec, chila' xroc'owisaj wi ri chak'ab. Xch'abex c'u rumal ri Ajawaxel, xubij c'u che: “¿Jas caban waral Eliy?”

Salmib 18:2

Lal ri ch'ukubal wech, ri nu c'olbal che panem, lal torol wech, nu Dios, ri nimalaj abaj quinuch'uku, nu quetequic ch'ich', ri cuinem ri quinto'tajisanic, ri c'ubal wib ri sibalaj naj elinak chicaj.

Salmib 18:46

¡C'asal ri Ajawaxel!, ¡tewichital ri ch'ukul wech! ¡Chyok u k'ij ri Dios ri nu Colonel!

Salmib 27:5

Aretak chepe ri lawalolaj tak k'ij, ri Ajawaxel quinuch'uk ruc' ri u mu'jal, quinuto' pa ri rachoch; quinuya' puwi jun nimalaj abaj che u to'ic wib.

Salmib 61:2

Pa ri q'uisbal jutz' re ri uwächulew quintz'onon bic che la, are' c'u ri wanima' cätuktubic, chinto'tajisaj ba la puwi' jun nimalaj abaj.

Salmib 62:7

Pa u k'ab ri Dios c'o wi ri nu colotajic xukuje' ri u nimarisaxic nu k'ij; are' ch'ukul wech, xukuje' nu panibal.