Elem 33:16 - Quiché Bible

¹⁶ We c'u ri lal, man cujachilaj ta la bic, ¿jas ta c'u ri cäban che retamaxic chi ri tinimit la xukuje' ri in uj lok' chwäch la? Xuwi c'u we lal c'o kuc', ri tinimit la xukuje' ri in, cujk'alajinic chi man uj ta junam cuc' conojel ri niq'uiaj tinimit chic ri e c'o cho ri uwächulew.”

Elem 33:16 Referans Kwoze

U Camulixic ri Pixab 4:7

¿Jachin ta c'ut ri nim tinimit ri c'olic ri nim u k'ij ri e c'o u diosib sibalaj ta nakaj che?, ¿jacha' ri u c'olem ri Ajawaxel ri ka Dios kuc' amak'el aretak cujtz'onon che?

Ajilanic 14:14

quequitzijoj na chque ri winak ri e c'o pa Canaan. Xukuje' ri e are' quitom u bixic chi ri lal, Ajawaxel, lal c'o pa u niq'uiajil we tinimit ri', cac'ut c'u ib la chwinakil chquiwäch are c'u ri sutz' la c'o paquiwi', are c'u ri pa k'ij canabej la chquiwäch pa jutac'aj sutz' xukuje' ri chak'ab pa jutac'aj k'ak'.

Nabe Ajawinelab 8:53

Rumal rech chi lal Ajawaxel, xtas la jacha' echbal la chquixo'l conojel tak ri tinimit cho ri uwächulew, je jas ri xbij la rumal ri pataninel ech la ri Moises, aretak xebesaj la ulok ri e ka mam pa Ejipt.”

Ri Matey 1:23

“Ri k'apoj ali cux na yawab winak. Cäril na u wäch jun ral ala. Cucoj na Emanuel che u bi'.” Ri tzij Emanuel je quel cubij wa': “Ri Dios c'o kuc'.”

Elem 34:10

Ri Ajawaxel xubij: “Chixtatabenok: In quinban camic jun c'ulwächinic ruc' ronojel ri a tinimit. Quebenban na mayibal tak jastak ri mawi jumul e banom pa jun nim tinimit chic ri c'o cho ri uwächulew, conojel c'u ri winak ri e c'o chquinakaj cäquil na ri cäcuin ri Ajawaxel che u banic, e mayibal tak c'ut ri quebenbana' na iwuc'.

2 Corintios 6:17

Rumal ri' xukuje' cubij ri Ajawaxel: “Chixel chquixo'l, chitasa' iwib chquij, minak jun jasach tz'il. Ri in c'ut quixinc'am na,

Ucab Samuel 7:23

Are c'u ri Israel, ri tinimit la, ¡man c'o ta chi jun jacha' ta ri are', xa c'u jun we nim tinimit ri' cho ri uwächulew! Lal, Oh Dios, xto'tajisaj la rech cux tinimit la, xban c'u la che chi xux nim u k'ij, xeban c'u la nimak xukuje' mayibalalaj tak jastak che u banic utzil che. Ri lal xeq'uiak la bic chuwäch ri tinimit la ri xtor la ulok pa Ejipt, ri niq'uiaj nimak tak tinimit chic e cachil tak ri e qui diosib,

Elem 8:22

Aretak c'u quepe ri amalo, man queboc ta pa ri ulew Gosen ri jekel wi ri nu tinimit. Mawi c'u jun amalo copan na chila'. Jeri' cawetamaj na chi in, ri Ajawaxel, in c'o chupam we ulew ri'.

Salmib 147:20

Man junam ta xuban cuc' jule' nimak tak tinimit chic ri mawi jubik' xquetamaj ri e u colomibal. ¡Chyo'k u k'ij ri Ajawaxel!

U Camulixic ri Pixab 4:34

¿La c'o lo jun dios ri u cha'om ta jun u tinimit chquixo'l ri niq'uiaj tak tinimit chic, cuc' tak c'ambejenic, etal, mayibal xukuje' tak ch'o'j, ri xuc'ut ta ri nimalaj u chuk'ab chuwäch, xebuban ta xibibalalaj tak jastak jas jacha' ri xebuban xukuje' chiwe ri Ajawaxel pa Ejipt?

Ajilanic 23:9

Kas paquiwi' we nimalaj tak abaj ri' quincuinic quinwilo, kas paquiwi' we u tza'm tak juyub ri' quinwil wi: are jun tinimit ri man u yujum ta rib, ri man cäjunamataj ta cuc' ri jule' tak tinimit chic.

Aj Levitib 20:24

Quinchi'j chiwe: Chi ix quixechben na ri culew we winak ri'; quinjach na pa i k'ab rech cäcanaj che iwechbal, ulew wa' ri cabelel wi leche xukuje' juyubal räx cab jacha' ri ja'. In ri' ri Ajawaxel ri i Dios, ri in banowinak chiwe chi man ix junam ta cuc' ri niq'uiaj chic tinimit.

Aj Levitib 20:26

Ri ix rajawaxic quixux tastalic chwe, in c'ut ri Ajawaxel, in tastalic, man quinban ta etzelal, in c'ut nu banom chiwe chi man ix ta junam cuc' ri niq'uiaj chic tinimit rech quixux wech.

Elem 34:9

“¡Ajawaxel! ¡Ajawaxel! We kastzij chi in lok' chwäch la, chujachilaj la bic. We winak ri' kastzij sibalaj e tac, xa ba' sacha' la ri ka mac, ri ketzelal, chujc'ama' che tinimit la.”