Elem 33:12 - Quiché Bible

¹² Ri Moises xubij che ri Ajawaxel: “Chilampe' la, ri lal catz'onoj la chwe chi quinc'am qui be we winak ri', man c'u bim ta la chwe jachin ri cätak la bic wuc'. Bim la chi sibalaj cu'l c'u'x la chwij, xukuje' chi in lok' chwäch la.

Elem 33:12 Referans Kwoze

Elem 33:17

Xubij ri Ajawaxel che ri Moises: “Ri a bim chwe, xukuje' quinbana' wa', rumal rech chi nu jiquibam nu c'u'x chawij, at lok' chnuwäch, a ch'äcom c'ut ri nu tok'ob,” xujiquiba' u bixic ri Ajawaxel che.

Ri Jeremiy 1:5

“C'ä majok chyok ri a c'aslemal, at nu cha'om chi ulok; c'ä majok chatalaxok, at nu tasom chic; nu q'uiakom chic chawij chi catux k'axal nu tzij chque ri nimak tak tinimit.”

Elem 32:34

Jät ba', chebac'ama' bic we winak ri' pa ri c'olbal ri nu bim chawe. Cäc'am c'u na a be rumal ri nu tako'n aj caj. Aretak c'u copan ri k'ij re ri c'äjisan wächaj, quinc'äjisaj na qui wäch rumal ri qui mac.”

2 Timoteo 2:19

Pune' ba jewa' tajin caquibano, are c'u ri u tac'alibal ri Dios co tac'alic, keta'm chi kastzij rumal we tzij ri': “Ri Ajawaxel cuch'ob qui wäch ri e rech”, xukuje' ri jun tzij chic: “Ronojel winak ri cubij chi cojoninak che ri Ajawaxel, chutasa' rib chrij ri etzelal.”

Ri Isaiy 43:1

Are c'u ri camic, Israel, u tinimit ri Jacob, ri Ajawaxel ri xatwinakirisanic cubij chawe: “Maxe'j awib, at nu torom chic in xatinsiq'uij pa ri a bi', at, at wech.

Chapletajic 18:19

Nu cha'om rech quebutak ri e u c'ojol xukuje' ri e rija'lil che qui nimaxic ri e nu tijonic, rech cäquiban ronojel ri utz, ri suc', quinban c'u na in ronojel ri nu bim.”

Elem 33:1

Ri Ajawaxel xubij che ri Moises: “Jät, chatel bic waral, chebac'ama' bic ri winak ri xebawesaj ulok pa Ejipt. Jix pa ri ulew ri xinbij chi quinya' che ri Abraham, ri Isaac, ri Jacob, xukuje' chque ri qui' tak qui mam.

Elem 3:10

Chatakej ba' ri a be, catintak na bic ruc' ri ajawinel che resaxic ulok ri nu tinimit Israel ri c'o pa Ejipt.”

Salmib 1:6

Ri Ajawaxel cuchajij ri qui be ri suc'ab, are c'u ri qui be ri e banal tak etzelal cäc'aman bic pa ri sachbal wächaj.

Elem 33:2

Quintak na bic ri nu tako'n aj caj rech cuc'am a be, quebenwesaj c'u na bic ri aj cananeyib, ri aj amoreyib, ri aj hititib, ri aj perezeyib, ri aj hebeyib, ri aj jebuseyib.

Ri Isaiy 45:3

In quebenjach na k'an puak, sak puak pa a k'ab ri e c'u'talic, k'inomal ri e c'olom pa tak c'olbal ri man e k'alaj taj, rech cawetamaj chi in ri' ri Ajawaxel, ri u Dios ri Israel, ri cucoj ri a bi' che a siq'uixic.

Ri Hajey 2:5

Je jacha' ri xinchi'j che aretak xel ulok pa Ejipt, ri wuxlabal are quixachilanic. Mixe'j iwib.

Elem 3:4

Aretak xril ri Ajawaxel chi xkeb ri Moises che rilic ri k'ak', xuch'abej ulok chupam ri k'ak', xubij che: “¡Moises! ¡Moises!” “In c'olic ri',” xcha' ri Moises.

Elem 34:9

“¡Ajawaxel! ¡Ajawaxel! We kastzij chi in lok' chwäch la, chujachilaj la bic. We winak ri' kastzij sibalaj e tac, xa ba' sacha' la ri ka mac, ri ketzelal, chujc'ama' che tinimit la.”

Ucab Samuel 15:25

Xubij c'ut ri ajawinel che ri Sadoc: “Chac'ama' bic ri u caxa ri Dios chatzelej pa ri tinimit, we c'u catok'obisax nu wäch rumal ri Ajawaxel, cuban na ri' chi quintzelej ulok quinwil c'u na u wäch ri caxa jawije' ri cäriktaj wi.