Elem 33:10 - Quiché Bible

¹⁰ Aretak cäquil ri winak chi cäc'oji' ri jutac'aj sutz' chuchi' ri Lic'om, chquijujunal quexuqui' chuchi' ri kas qui cäbal ri lic'om, quek'ijilanic.

Elem 33:10 Referans Kwoze

Nabe Ajawinelab 8:22

Xutzalc'atij chi c'u rib ri Salomon chuwäch ri porobal rech ri Ajawaxel, chquiwäch conojel ri tinimit aj israelib, xulic' ri u k'ab chicaj,

Nabe Ajawinelab 8:14

Xutzalc'atij rib cuc' ri tinimit aj israelib, ri e tac'atoj xebutewichi'j c'ut

Elem 4:31

Ri winak xcu'bi qui c'u'x aretak xquetamaj chi ri Ajawaxel oquinak il chque, xukuje' rilom ri c'ax ri cätajin cäquiriko, xexuquic, xek'ijilanic.

Ri Lucax 18:13

Are c'u ri tok'il alcabal tac'al chi naj, mawi ne cäraj cäca'y chicaj, xane' cut'oc ri uwo u c'u'x, xubij: ‘Ay, Dios, chel ri c'u'x la chwe. In ajmac.’

Elem 13:21

Ri Ajawaxel xnabej chquiwäch pa k'ij pa jutac'aj sutz' che u c'amic qui be, chak'ab xnabej chquiwäch pa jutac'aj k'ak' che u c'utic ri qui be. Rumal c'u ri' xecuinic xebin chak'ab, xukuje' pa k'ij.

Elem 33:9

Xuwi c'u coc ri Moises chupam, ri jutac'aj sutz' cäkaj ulok chicaj cuya' rib chuchi' ri Lic'om cätzijon c'u ri Ajawaxel ruc' ri Moises.

Elem 33:11

Ri Dios cätzijon ruc' ri Moises chwinakil, jacha' ri cuban apachique winak ri cätzijon ruc' ri rachil cätzelej c'u ri Moises pa ri c'olbal ri e c'o wi ri aj israelib. Are c'u ri Josue ri u c'ojol ri Nun, ri c'o che to'l rech ri Moises, mawi jubik' quel pa ri Lic'om.