Elem 33:1 - Quiché Bible

¹ Ri Ajawaxel xubij che ri Moises: “Jät, chatel bic waral, chebac'ama' bic ri winak ri xebawesaj ulok pa Ejipt. Jix pa ri ulew ri xinbij chi quinya' che ri Abraham, ri Isaac, ri Jacob, xukuje' chque ri qui' tak qui mam.

Elem 33:1 Referans Kwoze

Chapletajic 12:7

Chila' xuc'ut wi rib ri Ajawaxel chuwäch ri Abram, xubij che: “We ulew ri' quinya' na chque ri e awija'lil.” Ri Abram xuban jun porobal chila' ri xuk'ijilaj wi ri Ajawaxel, rumal rech chi chila' xuc'ut wi rib chuwäch.

Elem 32:13

Chenataj ri e pataninel tak ech la che la, ri Abraham, ri Isaac, xukuje' ri Israel, xcha' la chque ri chi'nic ri kas cäban na pa ri bi' la: ‘Quinbano chi ri e u wi' tak i mam sibalaj queq'uiyiric jacha' ri ch'imil ri e c'o pa ri caj, ronojel c'u we ulew ri' ri nu chi'm chiwe, quinya' che quechbal re chbe k'ij sak.’”

Elem 32:7

Ri Ajawaxel xubij che ri Moises: “Jät, chatkaj bic, ri awinakil ri xebawesaj ulok pa Ejipt, e kajinak pa mac.

Chapletajic 26:3

chatc'ol quieb oxib k'ij pa we c'olbal ri'. Quinc'oji' c'u awuc', catintewichi'j na, chawe c'u at xukuje' chque ri e awija'lil quinya' wi na conojel tak we ulew ri'. Je quintz'akatisaj ri chi'nic ri xinban che ri a tat Abraham.

Elem 32:34

Jät ba', chebac'ama' bic we winak ri' pa ri c'olbal ri nu bim chawe. Cäc'am c'u na a be rumal ri nu tako'n aj caj. Aretak c'u copan ri k'ij re ri c'äjisan wächaj, quinc'äjisaj na qui wäch rumal ri qui mac.”

Elem 32:1

Xquil c'u ri aj israelib chi, xbeytaj ri Moises che ri u kajic ulok puwi' ri juyub, xquimulij quib chrij ri Aaron, xquibij che: “Chatwalijok, chebabana' ka diosib ri cäc'amow ka be, ri Moises ri xujesan ulok pa Ejipt, man keta'm taj jas ri xuc'ulmaj.”

Elem 17:3

Quecäm c'u ri winak che chaki'j chi' rumal ri' xquic'ulelaj ri Moises, xquibij che: “¿Jasche xujawesaj ulok pa Ejipt, che ka cämisaxic che chaki'j chi' ri uj, ri kalc'ual xukuje' conojel ri kawaj?”

Chapletajic 15:18

Kas pa ri k'ij ri' ri Ajawaxel xuban jun c'ulwächinic ruc' ri Abram: “We ulew ri' quinya' na chque ri e awija'lil cächapletaj ulok chuchi' ri nima' re Ejipt copan c'ä chuchi' ri nimalaj nima' Euprats.

Hechos 7:36

Are Moises wa' ri xebesan ulok ri ka mam. Xebuban mayibal xukuje' etal pa ri ulew Ejipt. Je xuban pa ri Quiäk Plo. Cawinak junab je xuban pa tak ri chaki'j uwo sak.

Chapletajic 26:1

Pa tak ri k'ij ri' xpe jun nimalaj wi'jal pa ronojel ri c'olbal ri c'o wi ri Isaac, oc'owinak chi ri' ri wi'jal ri xuban can pa tak ri u k'ijol ri Abraham. Rumal ri' xbe ri Isaac pa Jerar ri c'o wi ri Abimelec cajawinel ri aj pilisteyib.

Chapletajic 28:10

Xel bic ri Jacob pa Beerseb, xumajij c'u ri be ri cäbe pa Aran.

Aj Levitib 20:24

Quinchi'j chiwe: Chi ix quixechben na ri culew we winak ri'; quinjach na pa i k'ab rech cäcanaj che iwechbal, ulew wa' ri cabelel wi leche xukuje' juyubal räx cab jacha' ri ja'. In ri' ri Ajawaxel ri i Dios, ri in banowinak chiwe chi man ix junam ta cuc' ri niq'uiaj chic tinimit.

Ajilanic 11:12

¿La xa ta pune' in ta u tat o u nan rech cätz'onoj la chwe chi queben k'alula' bic e jacha' ta ne ac'alab ri c'ä quetu'n cho u c'u'x ri qui nan, c'ä pa ri ulew ri xchi'j la chque ri e qui mam?

U Camulixic ri Pixab 1:8

Ri in nu jachom we ulew ri' pa i k'ab; chic'ama' xukuje' chiwechbej ri ulew, ri in, ri Ajawaxel xinban ri chi'nic ri kas cäban na che u ya'ic chque ri e i mam, e are wa' ri Abraham, ri Isaac xukuje' ri Jacob, xukuje' chque ri e quija'lil.’ ”

Chapletajic 50:24

Xpe c'u jun k'ij aretak xubij ri Jose chque ri rachalal: “Xa quieb oxib k'ij chic in c'aslic, cäpe c'u na ri Dios che i to'ic, quixresaj c'u na bic chupam we ulew ri', che i c'amic bic chupam ri ulew ri xuchi'j chque ri Abraham, ri Isaac xukuje' ri Jacob.”