Elem 32:5 - Quiché Bible

⁵ Aretak ri Aaron xril wa', xuwoc jun porobal chuwäch ri alaj ama' wacax, xuchap u rakic u chi', xubij: “Chwek cäkaban jun nimak'ij che u ya'ic u k'ij ri Ajawaxel.”

Elem 32:5 Referans Kwoze

Ucab Ajawinelab 10:20

rumal ri' xuya' takanic chi cäban jun nimalaj nimak'ij che ri Baal, je c'u xbanic.

Aj Levitib 23:37

Are tak nimak'ij wa' ri quiwoc'owisaj chuwäch ri Ajawaxel, ri quiban tastalicalaj tak mulin ib che u chi'xic sipanic ri cänicowisax chuwäch ri Ajawaxel, tabal tok'ob ri cächajirisaxic, sipanic, quech tak c'äj, tabal tak tok'ob xukuje' tak sipanic re ri u wa'l uva, pa ri k'ij ri ya'tal qui cojic,

Aj Levitib 23:2

“Chabij chque ri aj israelib, ri quinbij chawe: E are tak k'ijol wa' ri nimak qui k'ij ri quebiya' che ri Ajawaxel, ri quebicoj na tastalicalaj tak mulin ib che qui bi'.

1 Corintios 5:8

Je c'u ri', chkabana' ri nimak'ij re ri oc'owem, man ruc' ta ri ojer ch'am, mawi ruc' ri ch'am re etzelal, re u banic itzel tak jastak. Xane' chkabana' ruc' caxlanwa ri man c'o ta ch'am ruc'. Man ruc' ta quieb kanima', xane' ruc' kastzij.

Ri Osey 8:14

Ri Israel quebuyac nimak tak ja cäsach c'ut ri u winakirisanel pa u jolom. Ri Juda q'ui tak tinimit quebuyaco ri e c'o nimak tak tapia chrij, quinban c'u na in chque chi quenicow pa jun k'ak' ri quebuchajirisaj na ri nimak tak rachoch.”

Ri Osey 8:11

Are' c'u ri Eprain quebuwoc jumulaj tak porobal ri xuwi quebajwataj che u banic mac.

Ucab Tzijobelil 30:5

xquiya' c'u qui tzij chi chyok u bixic pa ronojel Israel, kas pa Beerseb c'ä pa Dan, xesiq'uixic rech quepe pa Jerusalen che roc'owisaxic ri nimak'ij re ri Roc'owem ri Ajawaxel, ri u Dios ri Israel. U mac rech chi ri nabe man e q'ui taj ri winak e xebopan che roc'owisaxic ri nimak'ij, jacha' ri tz'ibatalic ri cäban che roc'owisaxic ri nimak'ij.

Ucab Ajawinelab 16:11

xuban c'ut jun porobal ri Uriy are c'u xutakej ri u cholajil ri u banic ri xtak u bixic che rumal ri ajawinel Acaz aretak c'o pa Damasc, tz'akatinak chi c'ut aretak xtzelej ulok ri Acaz pa Damasc.

Nabe Ajawinelab 21:9

Ri wuj ri xetak bic je cubij wa': “Chiya' u bixic chi man quewa' taj, chi t'uyuba' c'ut ri Nabot chuwäch ri tinimit.

Nabe Samuel 14:35

Ri Saul, pa rech wi xuwoc jun porobal chila', che ri Ajawaxel, are c'u wa' ri nabe ri xutas che.

Aj Levitib 23:21

Quiban jun tastalicalaj mulin ib che roc'owisaxic we k'ij ri', man c'o ta jun chac re patanijic quibano. Jun pixab wa' ri caquitz'akatisaj ri tataxelab xukuje' ri c'ojolaxelab apawije' ta ne ri quixjeki' wi.

Aj Levitib 23:4

E are' tak rajilabal k'ij wa' ri nimak qui k'ij che coc'owisaxic ri tastalicalaj tak mulin ib che u ya'ic u k'ij ri Ajawaxel, e are c'u tak k'ij wa' ri rajawaxic qui mulij iwib:

Elem 32:4

xuc'am c'u chque, xuja'risaj ri k'an puak pa k'ak', xuban jun alaj ama' wacax, conojel c'ut je xquibij wa': “¡Israel, are a dios wa' ri xatesan ulok pa Ejipt!”

Elem 12:14

Are jun k'ij wa' ri takal u nataxic iwumal, quiban jun nimalaj nimak'ij che roc'owisaxic che u ya'ic u k'ij ri Ajawaxel. Pixab wa' ri cäcanaj chiwe amak'el, ri quecoc'owisaj ri e tat nan xukuje' ri alc'ualaxelab.

Elem 10:9

Ri Moises xubij che ri ajawinel: “Quebe na junam kuc' ri kalc'ual xukuje' ri e ka ri'jab, ri e ka c'ojol xukuje' tak ri e ka mia'l, quekac'am bic na ri ka chij, ri e ka wacax, jun nimalaj nimak'ij wa' chke chuwäch ri Ajawaxel.”

Elem 32:6

Ak'ab xewalij chucab k'ij, xequiya' tabal tak tok'ob ri quechajirisaxic, xukuje' tabal tak tok'ob che utzirisan ib. C'äte c'u ri xt'uyi c'u ri tinimit che wa'im, xuq'uianic, aretak xnojic xwalij che etz'enem.

Elem 17:15

Ri Moises xusuc'umaj jun porobal tabal tok'ob, ri u bi' ri xucojo “Ri Ajawaxel are wetal”,