Elem 30:13 - Quiché Bible

¹³ Ronojel ri tz'ibam u bi' cuya' na che ri Ajawaxel jacha' che cuchuj che ri Ajawaxel pa niq'uiaj che ri niq'uiaj onz sak puak, ri pa niq'uiaj che ri niq'uiaj onz je jas ri pajbal ri cäcoj chupam ri k'ijilabal.

Elem 30:13 Referans Kwoze

Aj Levitib 27:25

Conojel ri alal rajawaxic e junam ruc' ri siclo re juwinak jera, are wa' ri alal ri cäcoj pa ri k'ijilabal.

Ajilanic 3:47

Chatz'onoj jun cuchuj re job rakan sak puak che qui q'uexwäch jujun winak, jas ri pajbalil ri cacoj chupam ri k'ijilabal, are c'u puak wa' re sak puak ri capajan jun niq'uiaj onz,

Ri Ezequiel 45:12

Xak junam cuc' tak ri pajbal tak alal: juwinak ‘jera’ xak junam ruc' jun ‘siclo’ ri junam ruc' niq'uiaj onz. Oxc'al (60) ‘siclo’ xak junam ruc' jun ‘mina’. (Ri ‘mina’ capajan jun libra ruc' job onz.)

Ri Matey 17:24

Aretak xebopan pa Capernaum, xepe ri tok'il tak alcabal re ri rachoch Dios, xebopan ruc' ri Lu', xquibij: “Ri iwajtij ¿la man cutoj ri alcabal che ri rachoch Dios?”

Elem 38:26

Conojel ri winak ri tz'ibam qui bi' ri tz'akatinak chic jutak winak (20) qui junab, e wakib sient oxib mil job sient ruc' cawinak lajuj (603,550) chquijujunal wa' xquiya' pa niq'uiaj che ri niq'uiaj onz sak puak qui cuchuj, pajom pa ri pajbal ri cäcoj chupam ri k'ijilabal.

Ri Matey 27:24

Ri Pilat aretak xrilo chi man c'o ta curechbej, xane' xban jun nimalaj tuquin ib. Xuc'am c'u ja', xuch'aj ri u k'ab chquiwäch ri winak, xubij: “Man quinweklej ta ri u quiq'uel we achi ri' ri man c'o ta u mac. Ix chixilowok.”

Ri Matey 21:12

Ri Jesus xoc chupam ri rachoch Dios, xeresaj bic conojel ri winak ri quec'ayinic xukuje' conojel ri quelok'omanic. Xebutzak ri qui mexa ri e q'uexel tak puak. Xebutzak ri qui tem ri ajc'ay tak palomax.

Chapletajic 23:15

“Kaschintatabej la, nu tat: ri rajil ri ulew quiejeb sient (400) sak puak. ¿La nim ta c'u wa' we puak ri' chwäch la xukuje' chnuwäch in? Jemuku' ri ixokil la,” xcha' che.

Elem 30:14

Conojel ri eboquinak pa ajilabal ri oc'owinak chi jutak juwinak (20) qui junab, rajawaxic cäquiya' we torobal ri chech ri Ajawaxel,

Elem 38:24

Ronojel ri k'an puak ri xcoj che u banic ri xajwataj che ri k'ijilabal, are xcoj ri k'an puak ri xya' che sipanic chuwäch ri Ajawaxel, juwinak jun (21) quintal ruc' jun arob pajom pa ri pajbal ri cäcoj pa ri k'ijilabal.

Aj Levitib 5:15

“Ri winak ri camacunic ri man ruc' taj ri u rayibal cux c'u ajchak'mac re ri quit'orixic ri tastalic tak jastak rech ri Ajawaxel, rajawaxic cäresaj chquixo'l ri u tzobaj jun ama' chij ri man c'o ta jun u yab, jacha' tabal tok'ob u mac rech ri macaj, cuc'am c'u bic che ri Ajawaxel. Ri rajil ri ama' chij rajawaxic u chomaxic joropa' sak puak cäreklej je jacha' ri pajbal ri c'o chupam ri k'ijilabal.

Aj Levitib 27:3

che jun achi ri juwinak (20) u junab c'ä oxc'al (60), cäk'at cawinak lajuj (50) rakan sak puak che ri rajil, je jas ri pajbal ri cäcoj chupam ri k'ijilabal.

Ajilanic 7:86

E c'o xukuje' cablajuj paq'uebal re k'an puak ri e nojisam ulok k'ol chquipam, ri quepajan quiejeb (4) onz chquijujunal, je jas ri pajbal aj k'ijilabal. Ri k'an puak ri xcoj che qui banic ri paq'uebal chnimalaj ronojel oxib (3) libra quiejeb (4) onz.

Ucab Ajawinelab 12:4

C'o jun k'ij, xubij ri Joas chque ri e cojol tabal tok'ob: “Chimulij ix ronojel ri puak que ri sipanic ri quec'am ulok pa ri rachoch ri Ajawaxel, ri puak ri caquitoj ri winak chquijujunal xukuje' ronojel ri cuchuj ri caquic'am ulok ri winak xak pa quech wi chquijujunal chupam ri rachoch ri Ajawaxel. Chitaka' c'u u c'ojoxic ri e u rikom wi tak c'ax ri rachoch ri Ajawaxel.”

Ajilanic 18:16

Ri torobal rajawaxic cätojic jun ic' bantajinak chic ri alanic, job rakan sak puak cätojic je jas ri puak ri cäcoj chupam ri k'ijilabal, ri capajan niq'uiaj onz.