Elem 3:8 - Quiché Bible

⁸ Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.

Elem 3:8 Referans Kwoze

Chapletajic 50:24

Xpe c'u jun k'ij aretak xubij ri Jose chque ri rachalal: “Xa quieb oxib k'ij chic in c'aslic, cäpe c'u na ri Dios che i to'ic, quixresaj c'u na bic chupam we ulew ri', che i c'amic bic chupam ri ulew ri xuchi'j chque ri Abraham, ri Isaac xukuje' ri Jacob.”

Elem 3:17

Xukuje' xubij chwe chi quixresaj bic pa ri rikoj tak c'ax ri ix c'o wi pa Ejipt, quixuc'am bic pa ri culew ri aj cananeyib, ri aj hititib, ri aj amoreyib ri aj perezeyib, ri aj hebeyib, ri aj jebuseyib, ulew wa' ri cabelel wi leche xukuje' ri juyubal räx cab jacha' ri ja'.’

U Camulixic ri Pixab 1:25

Xequic'am c'ut ri e qui wächinic we ulew ri', xequic'am c'u ulok chke, je c'u xquibij wa' chke: ‘Ri ulew ri cuya' ri Ajawaxel ri ka Dios chke sibalaj utz.’

Elem 13:5

chupam c'u we ic' ri' rajawaxic coc'owisax ri nimak'ij re ri Oc'owem, aretak ix u cojom chic ri Ajawaxel pa ri ulew ri cabelel wi ri leche xukuje' juyubal räx cab jacha' ri ja', are wa' ri culew ri aj cananeyib, ri aj hititib, ri aj amoreyib, ri aj hebeyib, ri aj jebuseyib, ri xuchi'j chque ri e i mam chi cuya' chiwe.

Ri Jeremiy 11:5

We ri ix quibano ri quinbij chiwe, ri in quintz'akatisaj na ri chi'nic ri kas cäban na, ri xincha' chque ri e i mam, chi quinya' jun ulew chque, ri ulew ri c'o pa i k'ab camic, jawije' ri cabin wi ri leche xukuje' ri juyubal räx cab jacha' ri ja'.” Are c'u ri in xintzelej u bixic: “Je' Ajawaxel.”

Ajilanic 13:27

Xquibij che ri Moises: “Xujbe pa ri ulew ri xujatak wi bic. Kastzij are jun ulew jawije' ri cäbelel wi ri leche xukuje' juyubal räx cab jacha' ri ja', e are tak wächinic wa' ri cuya'.

Ri Xuan 6:38

In kajinak c'u ulok pa ri caj, man che ta u banic ri nu rayibal, xane' che u banic ri u rayibal ri nu Tat ri xinutak ulok.

Ri Ezequiel 20:6

Pa ri k'ij ri' xinya' nu tzij che quesaxic ulok pa Ejipt quebenc'am c'u bic pa jun ulew jawije' ri cabelel wi ri leche xukuje' ri u juyubal räx cab jacha' ri ja', ¡ri ulew sibalaj je'l na chquiwäch conojel!

Salmib 91:15

Aretak quinusiq'uij, quintzelej na u wäch ri u tzij; ¡in quinc'oji' na ruc'! Quinwesaj na chupam ri c'ax quinya' na u k'ij;

Salmib 34:8

Chixtijtobenok, chiwila' c'ut chi utz ri Ajawaxel. ¡Utz re ri winak ri cucu'ba' u c'u'x chrij ri are'!

Elem 12:51

Kas pa ri k'ij ri' ri Ajawaxel xeresaj ulok pa Ejipt ri aj israelib pa tak amak'.

Ri Jeremiy 32:22

Xya' la che ri Israel we ulew ri' ri cabelel wi ri leche xukuje' ri juyubal räx cab jacha' ri ja', je jas ri xchi'j la chque ri e qui mam.

Salmib 12:5

Are wa' u bim ri Ajawaxel: “Chque ri mebayib xukuje' ri man c'o ta qui chuk'ab cäban pak'alenic chque xukuje' caban chque chi caquirik c'axc'olil. Rumal ri' camic quinwalijic camic, quebenya' c'u chque ri sibalaj qui rayim ulok.”

U Camulixic ri Pixab 27:3

quebitz'ibaj c'u ri pixab chquij ri e nu yo'm chiwe. Quichaplej qui banic xak xuwi quixoc pa ri ulew ri' ri cätixin wi leche xukuje' juyubal räx cab jacha' ri ja', ri cuya' ri Ajawaxel chiwe jas ri xuchi'j chque ri e i mam.

U Camulixic ri Pixab 7:1

“Ri Ajawaxel, ri i Dios, quixroquisaj na pa ri ulew ri quic'am che iwechbal, queresaj c'u na bic chiwäch wukub nimak tak tinimit ri e nimak na xukuje' c'o na qui chuk'ab chiwäch ix, e are wa' ri aj hititib, ri aj jerjeseyib, ri aj amoreyib, ri aj cananeyib, ri aj perezeyib, ri aj hebeyib xukuje' ri aj jebuseyib.

Chapletajic 11:5

Xkaj c'u ulok ri Ajawaxel che rilic ri tinimit xukuje' ri nimalaj tz'ak ri cätajin cäquiyac ri winak.

Ri Xuan 3:13

Man c'o ta jun benak chicaj, xuwi ri jun ri xkaj ulok pa ri caj, ri Rija'l Winak.

Ri Isaiy 64:1

C'o ta banom wi cätek' ta la ri caj cakaj ta c'u la ulok, queyicopisaj ta c'u la, ri juyub ruc' ri wächbal la,

Elem 34:11

Chebitz'akatisaj ba' qui banic ri ix nu takom wi camic, are c'u ri in quebenwesaj bic chiwäch ri aj amoreyib, ri aj cananeyib, ri aj hititib, ri aj perezeyib, ri aj hebeyib, ri aj jebuseyib.

Chapletajic 18:21

camic c'ut quinbe chila' che rilic we kastzij chi sibalaj nim ri quetzelal jas ri bim chwe. Kas c'u quinwetamaj na.”

Chapletajic 15:14

Quinc'äjisaj c'u na u wäch ri nim tinimit ri quecojow na che lok'om tak pataninelab, c'ä matam quebel na ulok ri e awija'lil, e nimak tak k'inomab chi c'ut aretak quebel ulok.

Ri Nehemiy 9:8

Xil la chi u jiquibam u c'u'x chij la, xban la jun c'ulwächinic ruc': chi cäya' la chque ri rija'lil ri culew ri aj cananeyib, ri aj hititib, ri aj amoreyib, ri aj perezeyib, ri aj jebuseyib xukuje' ri aj jerjeseyib; ¡Tz'akatisam ri tzij la, amak'el c'ut cätz'akatisaj la!

U Camulixic ri Pixab 28:11

Ri Ajawaxel cuc'ut na ri rutzil chawäch quebuya' na q'ui awalc'ual, q'ui cal ri awawaj xukuje' q'ui qui wächinic pa ri ulew ri xcha' chque ri e a mam chi cuya' na chawe aretak xuban ri chi'nic ri kas cäban na.

Chapletajic 11:7

Chujkaj bic kaya' jalajoj tak qui ch'abal chquijujunal, rech man cäquich'ob ta chic jas ri cäquibij chquibil tak quib.”

Ri Jeremiy 2:7

Ri in xixinc'am ulok pa we ulew ri' ri wächinel, rech quebitij tak ri e u wächinic xukuje' ri utzalaj tak jastak ri quequiyao. Xixpe c'ut ix xiwawasij ri wulew, xiban chwe chi xmuluw nu c'u'x che we ulew ri', ri wech.

Ri Josue 9:1

Ri cajawinelab ri hititib, ri amoreyib, ri cananeyib, ri perezeyib, ri hebeyib xukuje' ri jebuseyib xquinabej ri c'ulmatajinak. (We ajawinelab tak ri' e jekel pa ri u kajebal k'ij che ri u chi' ri nima' Jordan, pa tak ri c'ache'laj, pa tak ri lianic xukuje' pa ronojel ri tak'aj chuchi' ri Plo Mediteran quetakal c'ä ruc' ri rulewal ri Libano).

U Camulixic ri Pixab 1:7

Chebimolo ba ri jastak iwech, jix pa tak ri qui juyub ri aj amoreyib xukuje' pa conojel tak ri ulew ri e c'o chquinakaj: ri Araba, ri ulew ri nojinak che c'ache'laj, ri lianic, ri Negueb, ri tak'aj, ri culew ri aj cananeyib xukuje' ri Libano, c'ä chuchi' ri nimalaj nima' Euprats.

Ajilanic 13:19

Chebiwila' we tak ri qui tinimit xa e cäbal ri lic'om o e co e tiq'uibam, xukuje' we utz ri ulew ri e jekel wi o man utz taj,

Chapletajic 15:13

Xubij c'u ri Ajawaxel che: “Rajawaxic cawetamaj chi ri e awija'lil quequirika' na c'ax pa jun ulew chic, queboc na che lok'om tak pataninelab, quiejeb sient (400) junab cäban na c'ax chque.

Chapletajic 46:4

Ri in quinbe na awuc' pa Ejipt, kas c'u in quebenwesaj na ulok ri e awija'lil chila'. Aretak c'u catcämic cäc'oji' na ri Jose chaxcut.”

Elem 5:23

Kas aretak xinpe che u tzijobexic ri ajawinel pa ri bi' la', u nimatajisam u banic c'ax che ri tinimit la, are c'u ri lal man c'o ta jas banom la che u to'ic.”

Elem 12:41

kas c'u pa ri k'ij aretak xtz'akat ri quiejeb sient ruc' juwinak lajuj (430) junab, conojel ri e c'o chuxe' ri u takanic ri Ajawaxel xebel ulok pa ri rulew ri Ejipt.

U Camulixic ri Pixab 6:3

Aj israelib, chixoc ba che qui nimaxic we pixab ri'. Utz c'u quixel na, quixux na jun tinimit re e q'uia winak pa we ulew ri' ri cätixin wi leche xukuje' juyubal räx cab jacha' ri ja', jas ri u bim ri Ajawaxel ri qui Dios ri e i mam.

Ri Amos 2:10

Are c'u ri ix xixinwesaj ulok pa Ejipt, cawinak junab c'ut xinc'am i be pa ri chaki'j uwo sak che u ya'ic ri culew chiwe.

Chapletajic 43:11

Ri qui tat xubij chque: “We are wa' ri rajawaxic u banic, chibana' ba' ri quinbij chiwe: chic'ama' bic ri utzalaj u wächinic ri ka tico'n pa tak ri i coxtar che jun sipanic che ri tata'; jubik' c'oc'alaj k'ol, jubik' juyubal räx cab, jubik' balsamo, jubik' mir, jubik' nuez, xukuje' jubik' almendr.

Aj Levitib 20:24

Quinchi'j chiwe: Chi ix quixechben na ri culew we winak ri'; quinjach na pa i k'ab rech cäcanaj che iwechbal, ulew wa' ri cabelel wi leche xukuje' juyubal räx cab jacha' ri ja'. In ri' ri Ajawaxel ri i Dios, ri in banowinak chiwe chi man ix junam ta cuc' ri niq'uiaj chic tinimit.

Ajilanic 13:18

Chica'yej c'ut jas u bantajic ri ulew, we e co ri winak ri e jekel chupam o e tukarib we xa e quieb oxib o e q'ui.

Ri Josue 5:6

Rumal c'u rech chi cawinak junab xebin ri aj israelib pa ri chaki'j uwo sak, e cäminak chi c'u conojel ri achijab ri xebel ulok pa Ejipt ri c'o chi qui junab che u banic ch'o'j. We achijab ri' man xeniman ta che ri Ajawaxel rumal ri' ri are' xcha' chque ruc' chi'nic ri kas cäban na chi man caquil ta na ri ulew ri xuchi'j u ya'ic chque ri e qui mam, ulew ri cabelel wi ri leche xukuje' ri juyubal räx cab jacha' ri ja'.

Ri Josue 9:7

Ri aj israelib xquitzelej u bixic chque ri aj hebeyib: “Ix cäraj ne xa jewa' quixel wi, nakaj chke; ¿jas ta che cakaban jun c'ulwächinic iwuc'?”

Nabe Tzijobelil 1:15

aj hebeyib, aj araseyib, aj sineyib,

Salmib 12:6

Ri e u chi'nic ri Ajawaxel e ch'ajch'oj; ¡junam ruc' ri sak puak ri sibalaj ch'ajch'oj na ri porom wukub mul chupam ri jorno!

Ri Isaiy 36:17

Quixuc'am c'u na bic pa jun ulew ri cäjunamataj ruc' ri iwech, jun ulew ri cäwächin wi trico xukuje' uva, che u banic wa xukuje' u wa'l uva.