Elem 3:7 - Quiché Bible

⁷ xutakej c'u u bixic ri Ajawaxel: “Kas wilom ri c'ax ri curik ri nu tinimit ri c'o pa Ejipt. Nu tom ri qui rakoj tak chi'aj u mac rech ri c'ax ri cäban chque cumal ri takanelab ri e cojom paquiwi', kas weta'm ri c'ax ri cäquiriko.

Elem 3:7 Referans Kwoze

Salmib 145:19

Ri are' cutz'akatisaj ri qui rayibal ri q'ueyo'w u k'ij; aretak cäquitz'onoj ri u to'banic, quebuto', quebucolo.

Salmib 106:44

Pune' c'u je xquibano, aretak xrilo chi quebisonic, aretak xuta' ri qui juyuwem,

Salmib 34:6

We meba' ri' xurak u chi', xtataj c'u rumal ri Ajawaxel xresaj c'u chquipam conojel ri e u c'axc'olil.

Ri Nehemiy 9:9

Lal xil la ri rikoj c'ax ri xquirik ri e ka mam pa Ejipt, xtatabej c'u la ri qui juyuwem chuchi' ri Quiäk Plo.

Elem 22:23

we c'u caban c'ax chque, cäquita' c'u ri nu to'banic, quinbe c'u na che qui to'ic

Ri Isaiy 63:9

xeresaj pa conojel ri e qui rikoj tak c'ax. Man jun u tako'n ta ri xecolowic are ri Ajawaxel chwinakil. Are xetorowic rumal ri lok'ok'ebal u c'u'x xukuje' rumal ri relebal u c'u'x, xebuwalijisaj xebuloquej pa u k'ab. Je u banom wa' amak'el.

Salmib 34:4

Xintz'onon che ri Ajawaxel, ri are' xutzelej u wäch ri xintz'onoj che, xinresaj c'u pa conojel ri nu xibriquil.

Elem 1:11

Rumal ri' ri aj ejiptib xequicoj takanelab paquiwi' rech quequicoj ri aj israelib che qui banic c'axalaj tak chac. Xetak che qui yaquic ri tinimit Piton xukuje' ri Ramses ri xebucoj ri rajawinel re ri Ejipt, ri paraon, che c'olbal ri cätijic.

Chapletajic 29:32

Xcanaj c'u yawab winak ri Lea, xc'oji' jun ral ala ri xucoj Ruben che u bi', xubij c'ut: “Rilom ri Ajawaxel ri nu bis. Quinulok'ok'ej c'u na ri wachajil camic.”

Salmib 22:24

Ri are' ma ta coc il mawi xak ta caroc'owisaj ri qui rikoj c'ax ri mebayib, mawi cuc'u' ta rib chquiwäch. ¡Ri are' quebutatabej aretak caquitz'onoj ri u to'banic!

Nabe Samuel 9:16

“Je jok'otaj wa' chwek, quintak na ulok jun achi aj Benjamin awuc', ri catas na che u k'atal tzij ri nu tinimit Israel. Are' quesan na pa qui k'ab ri aj pilisteyib, elinak nu c'u'x che ri nu tinimit aretak e opaninak tak ri qui ch'abal chnuwäch.”

Hebreos 4:15

Ri qui nimal ri cojol tabal tok'ob ri c'o kuc', cäcuinic quil u c'u'x che ri ka tukaril, rumal rech chi xtakchi'x che ronojel u wäch c'ambejenic je jas ri uj, man xmacun ta c'ut.

Salmib 142:3

aretak kas in c'o chupam ri latz'obal. Ajawaxel, lal etamam la ri nu be: chupam ri be ri in benak wi, qui cojom jun c'amibal chwe.

Chapletajic 18:21

camic c'ut quinbe chila' che rilic we kastzij chi sibalaj nim ri quetzelal jas ri bim chwe. Kas c'u quinwetamaj na.”

Hechos 7:34

Kas wilom ri qui c'axc'olil ri winak re ri nu tinimit ri e c'o pa Ejipt. Nu tom chi quebok'ic. In kajinak ulok che qui tzokopixic. Camic c'ut tasaj, catintak bic pa Ejipt.’

Chapletajic 16:11

At yawab winak chic, cäc'oji' c'u na jun awal ala, Ismael cäcoj na che u bi', ri awok'ej xtataj rumal ri Ajawaxel.

Chapletajic 21:17

Ri Dios xuto chi cok' ri ala, kas c'u pa ri caj ri tako'n aj caj xusiq'uij ulok ri Agar, xubij c'u che: “¿Jas xac'ulmaj Agar? Maxe'j awib, ri Dios xuta' ri rok'ej ri ac'al chila' jawije' ri c'o wi.

Chapletajic 31:12

Ri tako'n aj caj xubij chwe: ‘Kas chawila', cawil c'ut na chi conojel ri ama'ib ri quebetz'en cuc' ri ati'tab, e juch'ujak, much'umul quij xukuje' e tz'ilitz'oj. Wilom c'u ronojel ri u banom ri Laban chawe.

Chapletajic 31:42

We ta c'u ma ta c'o ri u Dios ri Abraham wuc', ri Dios ri xuk'ijilaj ri nu tat Isaac, xak ta e nu k'alum ri' ri quieb nu k'ab xinesaj la ulok. Rilom c'u ri Dios ri nu bis, xukuje' rilom chi utz elinak ri nu chac, rumal ri' xyaj la rumal ri Dios chak'ab iwir.”

Elem 5:6

Pa ri k'ij ri' ri ajawinel xuya' takanic chque ri takanelab xukuje' chque ri quesolin ri chac, xubij chque:

Elem 5:10

Ri takanelab xukuje' ri quesolin ri chac, xebe che u bixic chque ri aj israelib, “ri ajawinel u yo'm takanic chi man cäya' ta chic pajo chiwe.

Elem 33:13

We c'u kastzij chi in lok' chwäch la, quintz'onoj tok'ob che la chi cac'ut la ri be la chnuwäch, rech cäcu'bi nu c'u'x chij la chi amak'el in lok' chwäch la. Mäsach ba' pa jolom la chi e ech la we winak ri'.

Ajilanic 20:16

xkata' c'ut to'banic che ri Ajawaxel, ri are' xutatabej c'ut ri ka rakoj tak chi'aj xutak c'ut jun tako'n ri xujresaj ulok pa Ejipt. Uj c'o c'u camic chupam ri tinimit re Cades, uj c'o c'ut chunakaj ri u c'ulbatil ri awulew.

Ucab Samuel 22:28

Lal quebeto'tajisaj la ri e mach'amoj, caya' c'u wäch la chque ri cäquiban nimal quemach'irisaj c'u la.

Ucab Ajawinelab 13:4

Ri Joacaz xuban ch'awem ruc' ri Ajawaxel xc'amowax c'ut ri u ch'awem ri xuban ruc' ri Ajawaxel, rilom c'ut ri c'ax ri cätajin cuban ri ajawinel re Siriy chque ri aj israelib.

Salmib 35:22

¡Kas chwäch la c'o wi Ajawaxel! ¡Xak mäcanaj la chi jeri'! ¡Mänajtin la chwe!

Elem 1:8

Q'ui junab e oc'owinak chic xoc chi c'u jun c'ac' ajawinel pa Ejipt ri man xretamaj ta u wäch ri Jose, ri xubij che ri u tinimit:

Ucab Ajawinelab 20:5

“Chattzelejok chabij che ri Ezequiy, ri c'amal u be ri nu tinimit: ‘Ri Ajawaxel, ri u Dios ri a mam David, cubij: In xintatabej ri a bochi'nic xukuje' xebenwil ri e u wa'l tak a wäch. Catinwutzirisaj na, pa oxib k'ij c'ut catcuinic catbe chupam ri rachoch ri Ajawaxel.

Salmib 9:14

Je c'u ri' chquichi' tak ri oquibal pa Jerusalen, quinbij na che ronojel winak chi ya'tal k'ijilaxic la, chi in tewichitalic rumal rech chi xinto'tajisaj la.

Salmib 12:6

Ri e u chi'nic ri Ajawaxel e ch'ajch'oj; ¡junam ruc' ri sak puak ri sibalaj ch'ajch'oj na ri porom wukub mul chupam ri jorno!