Elem 3:16 - Quiché Bible

¹⁶ Jät chebamulij ri nimak tak tatayib re Israel, chabij chque: ‘Ri Ajawaxel ri qui Dios ri e i mam; ri u Dios ri Abraham, ri Isaac, xukuje' ri Jacob, xuc'ut rib chnuwäch xubij c'u chwe chi oquinak il chiwe xukuje' rilom ri c'ax ri cäban chiwe pa Ejipt.

Elem 3:16 Referans Kwoze

Salmib 8:4

quinchomaj: ¿Jas cux ri winak? ¿Jas cux ri rija'l ri winak? ¿Jas che cänataj che la, xukuje' coc c'u la il che?

Elem 4:31

Ri winak xcu'bi qui c'u'x aretak xquetamaj chi ri Ajawaxel oquinak il chque, xukuje' rilom ri c'ax ri cätajin cäquiriko, xexuquic, xek'ijilanic.

Elem 4:29

E quieb c'ut xebe che quimulixic ri nimak tak tatayib aj israelib,

Chapletajic 50:24

Xpe c'u jun k'ij aretak xubij ri Jose chque ri rachalal: “Xa quieb oxib k'ij chic in c'aslic, cäpe c'u na ri Dios che i to'ic, quixresaj c'u na bic chupam we ulew ri', che i c'amic bic chupam ri ulew ri xuchi'j chque ri Abraham, ri Isaac xukuje' ri Jacob.”

Hechos 15:14

Ri Simon Lu' u bim chke jas ri xuban ri Dios che u tok'obisaxic qui wäch ri man aj judeyib taj nabe mul rech cäresaj jun tinimit chquixo'l ri e rech ri are'.

1 Pedro 5:1

Quebenpixbej ri tatayib ri e c'o chixo'l ri quetakan chque ri comon cojonelab. In c'u cach tata', in xinwil ri c'ax ri xurik ri Crist, xukuje' junam cuc' ri e are' quinc'am na we ri juluwem ri quilitaj na.

1 Pedro 2:12

Ronojel utz chibana' chquixo'l ri man cojonelab taj. Jeri', pune' cäquiyac tzij chiwij je jas chquij banal tak etzelal, cäquil ri utzalaj tak chac ri quibano, cäquinimarisaj c'u u k'ij ri Dios pa ri k'ij aretak chuta' chke jas ri ka banom.

Hechos 20:17

Aretak c'o pa Milet, xtakan che qui siq'uixic tak ri tatayib ri quetakan ri comon cojonelab pa Epes.

Hechos 11:30

Je c'u xquibano, xquitak c'u bic jun to'banic pa u k'ab ri Bernabe xukuje' ri Sawl rech quequiya' chque tak ri tatayib ri quetakan pa ri comon cojonelab pa Judey.

Ri Lucax 19:44

Catquiwulij na can cho ulew, quequiq'uiak na can ri winak cho ulew ri e c'o awuc'. Man cäquiya' ta na can jun abaj puwi' jun abaj. Rumal rech chi man xach'ob taj ri rulem ri Dios awuc'.”

Ri Lucax 1:68

“Chnimarisax u k'ij ri Ajawaxel ri qui Dios ri aj Israel, rumal rech chi xebulusolij ri u winak, xebucolo.

Ri Matey 26:3

Xepe c'u ri qui nimakil ri cojol tak tabal tok'ob e cachil ri nimak tak tatayib re ri tinimit. Xquimulij quib pa ri rachoch ri qui nimal ri cojol tak tabal tok'ob, ri Caipas.

Ri Rut 1:6

C'o jun k'ij xopan u bixic ruc' ri Noemi pa Moab chi ri Ajawaxel xel u c'u'x che ri u tinimit, xusachisaj c'ut u tza'm ri k'ijol re ri wi'jal.

Elem 13:19

Ri Moises xebuc'am bic ri u bakil ri Jose, u banom c'u can ri Jose chi ri e ralc'ual ri Israel caquich'ij chi je caquibano. U bim c'u can chque: “Kastzij, ri Dios cäpe na che i to'ic; aretak c'u cäc'ulmataj wa', ri ix quiwesaj bic ri nu bakil waral.”

Elem 4:5

Xubij c'u ri Ajawaxel che ri Moises: “Cac'ulmataj c'ut we mayibal ri' rech cäquicojo chi u c'utum rib ri Ajawaxel chawäch, ri qui Dios ri e a mam; u Dios ri Abraham, ri Isaac, xukuje' rech ri Jacob.”

Elem 2:25

Xeril ri Dios, xretamaj c'ut ri cätajin caquic'ulmaj.

Elem 24:11

Man c'u xuban ta c'ax ri Dios chque we aj israelib ri' ri nimak qui k'ij, ri xquil u wäch ri Dios, xewa'ic xukuje' xebuq'uianic.

Elem 18:12

Ri Jetro xuc'am jun awaj xuporoj che u ya'ic u k'ij ri Ajawaxel xukuje' niq'uiaj tabal tak tok'ob chic. Xopan c'u ri Aaron e rachilam conojel ri nimak tak tatayib aj israelib che wa'im ruc' ri u ji' ri Moises chuwäch ri Dios.

Elem 15:14

Ri nimak tak tinimit quebirbob na aretak cäquetamaj, ri aj pilisteyib cäquibak'atij na quib rumal k'oxom,

Elem 3:2

Chila' c'u xuc'ut wi rib ri tako'n aj chicaj rech ri Ajawaxel chuwäch ri Moises pa u niq'uiajil jun k'ak' ri cänicow, chupam juwi' q'uix. Ri Moises kas utz rilic xubano, kas xrilo chi ri q'uix cänicow rumal ri k'ak' man c'u cäja'r taj ri q'uix.

Chapletajic 21:1

Jas ri u bim ulok ri Ajawaxel, kas je xuban che ri Sara,

Chapletajic 1:7

Ri Dios xuban quieb che ri ja': niq'uiaj xcanaj cho ri ulew, niq'uiaj chic xcanaj cho ri caj,

Chapletajic 28:13

Xukuje' cärilo chi tac'al ri Ajawaxel pa u xc'ut, xubij c'u che: “In ri' ri Ajawaxel ri u Dios ri a mam Abraham xukuje' ri a tat Isaac. Chawe at xukuje' chque ri e awija'lil quinya' wi na ri ulew ri at k'oyol wi.

Chapletajic 48:15

Je c'u u tewichi'xic ri Jose wa' xubano: “Are' ri Dios ri xquinimaj ri Abraham, xukuje' ri Isaac ri e nu mam; ri Dios ri in chajininak ulok kas pa ri k'ij ri xinalaxic,

Elem 3:6

Xutakej u bixic xubij che: “In ri' ri qui Dios ri e a mam; ri u Dios ri Abraham, ri Isaac, xukuje' ri Jacob.” Ri Moises xuch'uk ri u palaj, xuxe'j c'u rib che u ca'yexic ri Dios,

Elem 4:1

“Ri e are' man quecojon ta na ri' chwe, mawi caquiya' ta na qui xiquin ri',” xcha' ri Moises. “Xane' caquibij na chwe: ‘Ri Ajawaxel man u c'utum ta rib ri' chawäch.’ ”

Elem 17:5

Ri Ajawaxel xubij che ri Moises: “Chatnabej chquiwäch ri winak, cheteren bic jujun chque ri nimak tak tatayib aj israelib chawij. Chac'ama' bic ri ch'ämiy ri xach'ayibej re ri nima', chatakej c'ut ri a be.

Salmib 33:18

Ri Ajawaxel amak'el quebuchajij ri nim quil wi cumal xukuje' ri cu'l qui c'u'x chrij ri lok'ok'ebal u c'u'x,

Elem 1:8

Q'ui junab e oc'owinak chic xoc chi c'u jun c'ac' ajawinel pa Ejipt ri man xretamaj ta u wäch ri Jose, ri xubij che ri u tinimit:

Salmib 102:21

rech pa Sion xukuje' pa Jerusalen, quesax u tzijol xukuje' cak'ijilax ri u bi' ri Ajawaxel