Elem 3:15 - Quiché Bible

¹⁵ Xubij chi c'u na ri Dios che ri Moises: “Xukuje' chabij chque ri aj israelib: ‘Ri Ajawaxel ri qui Dios ri e i mam; ri u Dios ri Abraham, ri Isaac, xukuje' ri Jacob in u takom ulok iwuc'.’ Are nu bi' wa' chbe k'ij sak, are nu bi' wa' pa conojel ri k'ij junab.

Elem 3:15 Referans Kwoze

Hebreos 13:8

Ri Jesucrist kas xak jewi iwir, camic, xukuje' amak'el chbe k'ij sak.

Ri Malaquiy 3:6

“In ri' ri Ajawaxel. Man nu q'uexom ta wib. Rumal c'u ri' ri ix ri ix rija'lil ri Jacob, man chupisam ta i wäch.

Ri Osey 12:5

Ri Ajawaxel, ri Dios ri c'o ronojel u cuinem: ¡Ajawaxel ri u bi'!

Ri Miquey 4:5

Ri e jule' tak tinimit chic e are quequinimaj ri banom tak qui diosib, are c'u ri uj amak'el are cakanimaj na ri Ajawaxel ri ka Dios.

Elem 3:6

Xutakej u bixic xubij che: “In ri' ri qui Dios ri e a mam; ri u Dios ri Abraham, ri Isaac, xukuje' ri Jacob.” Ri Moises xuch'uk ri u palaj, xuxe'j c'u rib che u ca'yexic ri Dios,

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

Salmib 102:12

Are c'u ri lal, Ajawaxel, cajawin la chbe k'ij sak; ¡ri bi' la amak'el cänatax na!

Salmib 135:13

Ajawaxel, ri bi' la re chbe k'ij sak; amak'el cänataxic.

Hechos 7:32

Ri Ajawaxel xubij: ‘In ri' ri qui Dios ri a mam, ri qui Dios ri Abraham, ri Isaac, xukuje' ri Jacob.’ Are c'u ri Moises xbirbitic, man cucoch' ta chic cärilo.

U Camulixic ri Pixab 1:11

¡Chi ri Ajawaxel ri qui Dios ri e i mam chixuq'uiyirisaj ta na jun mil mul china' jas ri i q'uial camic, chixutewichi'j ta na jas ri chi'nic ri xuban chiwe!

Elem 4:5

Xubij c'u ri Ajawaxel che ri Moises: “Cac'ulmataj c'ut we mayibal ri' rech cäquicojo chi u c'utum rib ri Ajawaxel chawäch, ri qui Dios ri e a mam; u Dios ri Abraham, ri Isaac, xukuje' rech ri Jacob.”

Ri Isaiy 63:12

ri xbanowic chi ri juluwemalaj u cuinem xrachilaj ri Moises, ri xbanow quieb che ri plo chuwäch ri u tinimit, rech cänimar u k'ij chbe k'ij sak,

Salmib 72:19

tewichital ri u bi' ri nim u k'ij. ¡Ronojel ri uwächulew chnoj che ri u juluwem! ¡Je che'lok!

Salmib 72:17

¡Chjekel ri u bi' ri ajawinel amak'el; chbeytaj ri utzalaj u tzijol jacha' ri u beytajic ri k'ij! ¡Conojel ri nimak tak tinimit ri e c'o cho ri uwächulew, chquirika' tewichibal rumal are'! ¡Chi conojel ri nimak tak tinimit chquibij chi tewichitalic!

Ucab Tzijobelil 28:9

C'o jun k'axal u tzij ri Ajawaxel chi', Obed u bi', ri xel ulok che qui c'ulaxic ri ajch'ojab ri cätajin queboc pa Samar, xubij c'u chque: “Ri Ajawaxel, ri qui Dios ri e i mam ix, xoyowar ruc' ri Juda, rumal ri' u jachom pa i k'ab ix. Are c'u ri ix man xel ta jubik' i c'u'x che qui cämisaxic opaninak c'u wa' c'ä cho ri caj.

Ri Matey 22:32

‘In ri' ri u Dios ri Abraham, ri u Dios ri Isaac, xukuje' ri u Dios ri Jacob.’ Ri Dios c'ut man are ta qui Dios ri cäminakib, xane' are ri qui Dios ri e c'aslic.”

U Camulixic ri Pixab 4:1

“Camic c'ut aj israelib, chitatabej ri pixab, ri takanic, ri e nu c'utum chic chiwäch, chebinimaj rech quixc'asi'c quixoc c'u che rechbexic ri ulew ri cuya' ri Ajawaxel chiwe ri qui Dios ri e i mam.

U Camulixic ri Pixab 1:35

‘Mawi jun chque we itzel tak winak ri' cäquil na u wäch ri utzalaj ulew ri xinbij chi quinya' chque ri e qui mam.

Hechos 3:13

Ri u Dios ri Abraham, ri Isaac xukuje' rech ri Jacob, ri qui Dios tak ri e ka mam u yo'm u k'ij ri Jesus ri pataninel rech. Ri xwalijisaj alak tzijtal chrij chuwäch ri Pilat. Aretak ri Pilat are ta xraj xutzokopij ta ri Jesus, ri alak man xaj ta alak.

Hebreos 11:16

Ri e are' c'ut sibalaj cäcaj jun c'olbal ri utz na, are wa' ri aj chicaj. Rumal ri' ri Dios man cäq'uix taj chi cäbinax qui Dios. U suc'umam chi c'u jun tinimit chque.

Chapletajic 24:12

Xuchaplej c'u u banic ch'awem ruc' ri Dios, xubij: “Ajawaxel u Dios ri wajaw Abraham, bana' la chi utz quinel camic, c'utu' ri utzil la ruc' ri wajaw Abraham.

Elem 3:13

Are c'u ri Moises xubij che ri Dios: “Ri c'ax ri quinwilo we quinopan cuc' ri aj israelib chubixic chque: ‘Ri qui Dios ri e i mam xinutak ulok iwuc',’ we c'u ne cäquita' ri bi' la chwe: ¿Jas c'ut ri quinbij na chque?”

Elem 4:1

“Ri e are' man quecojon ta na ri' chwe, mawi caquiya' ta na qui xiquin ri',” xcha' ri Moises. “Xane' caquibij na chwe: ‘Ri Ajawaxel man u c'utum ta rib ri' chawäch.’ ”

Elem 6:2

Xtzijon chi jumul ri Dios ruc' ri Moises, xubij che: “IN RI' RI AJAWAXEL.

Elem 15:2

“Ri nu bix quinya' che ri Ajawaxel, are nu chuk'ab xukuje' nu colotajic. Ri are' are nu Dios, ya'tal u k'ijilaxic wumal; are u Dios ri nu tat, ya'tal u ya'ic u k'ij wumal.

Elem 15:3

Ri Ajawaxel are jun nimalaj ch'ojinel, Ajawaxel ¡are u bi' wa'!

Salmib 30:4

Ix ri ix jic chuwäch ri Ajawaxel, ¡chebibixoj bix che, chi k'ijilaj ri tastalicalaj u bi'!

E C'ambal tak Tzij 18:10

Ri u bi' ri Ajawaxel are' jun tac'atic ja ri sibalaj nim u cuinem, ruc' c'u quebopan wi ri e suc'ab che u tzucuxic to'bal ib.

Ri Isaiy 26:8

Ri uj xukuje' cäkana' kib chi co uj c'olic pa ri be ri u c'utum ri pixab la, Ajawaxel. Ri u rayinic ri kanima' are ri chomaxic la.

Ri Isaiy 42:8

In ri' ri Ajawaxel, are nu bi' wa', man quinya' ta c'olbal chi cäya' ri nu juluwem che ta jachin chi jun mawi chi are ta nim quebil wi ri diosib che nu q'uexwäch in.

Ri Jeremiy 33:2

“In, ri Ajawaxel, ri xinban ri ulew, ri xinya' u ca'yebal co c'ut xintiq'uiba' pa ri u c'olbal, quinbij chawe:

Ri Daniel 2:23

Che la, qui Dios ri e nu mam, quinya' maltioxinic che la xukuje' quink'ijilan che la, rumal rech chi banom la aj no'j chwe xukuje' aj chuk'ab; camic yo'm la retamaxic ri ka tz'onon che la: c'utum la chkawäch ri oquinak wi il ri ajawinel.”

Nabe Tzijobelil 16:16

Che ri c'ulwächinic ri xuban ruc' ri Abraham, che ri chi'nic ri kas cäban na xcha' che ri Isaac

Nabe Tzijobelil 29:18

Ajawaxel, u Dios ri Abraham, ri Isaac xukuje' rech ri Israel, ri e ka mam, bana' la chi chjekel amak'el we chajin animaaj ri' chupam ri ranima' ri tinimit la, chc'ama' c'u la u be ri ranima' uc' la.

Salmib 30:5

Xa c'u jubik' cäbeytaj ri royowal, are c'u ri rutzil man c'o ta u q'uisic. We cujok' chak'ab, ak'abil c'o chic ka quicotemal.

Salmib 68:5

Ri Dios, ri jekel pa ri tastalicalaj rachoch, are' qui tat ri minorib xukuje' are' to'l quech ri malca'nib;

Salmib 102:13

Walija la chel c'u'x la che ri Sion, xtz'akat ya' ri k'ijol; ¡xurik ri rajilabal u pam ri k'ij rech cacuy la ri u mac!

Ri Osey 12:6

Je ba' ri', Israel, chattzelej ruc' ri a Dios; are' chabana' ri jicomal xukuje' ri suq'uilal; chajiquiba' c'u a cux amak'el chrij ri a Dios.