Elem 29:9 - Quiché Bible

⁹ Utz u cojic ri u pas ri Aaron cabano xukuje' ri qui pas ri e u c'ojol, utz caban che u cojic ri pisbal jolomaj chqui jolom. Je caban wa' che u ya'ic ri takanic pa qui k'ab, xukuje' ri qui chac re cojol tabal tok'ob cäcanaj c'u can che jun pixab re chbe k'ij sak.

Elem 29:9 Referans Kwoze

Ajilanic 18:7

xak xuwi c'u ri at xukuje' tak ri e a c'ojol cuya' cäquiban ri chac re ri u cojic ri tabal tok'ob jas ri rajawaxic u banic puwi' ri porobal o ri queban chrij ri ch'ukubal. We patanijic ri' rajawaxic are wa' ri rajawaxic u banic iwumal, in c'ut in jachowinak ri chac pa i k'ab re ri u cojic ri tabal tok'ob we c'o jachin jun capatanijic jacha' cojol tabal tok'ob, ri man cojol tabal tok'ob taj, cac'okox na che cämical.”

U Camulixic ri Pixab 18:5

are c'u ri Ajawaxel ri i Dios e chowinak ri e are, chquixo'l conojel tak ri amak', cächaptaj c'u bic cuc' ri tataxelab cak'ax c'u cuc' ri c'ojolaxelab amak'el cäcanaj ri k'ijilanic pa qui k'ab che ri Ajawaxel.

Ajilanic 25:13

rumal c'u rech wa' quinjächo, che are' xukuje' pa qui k'ab ri e rija'lil, chi quebux cojol tak tabal tok'ob re amak'el, rumal rech chi xachixom chwe je c'u ri' xurik ri sachbal macaj chque ri aj israelib.”

Ajilanic 16:40

Jun c'utbal wa' chque ri aj israelib chi man c'o ta jun, ri ma ta e are' ri e rija'lil ri Aaron, cuya' cakeb ta ruc' ri porobal che u chi'xic c'oc' k'ol che ri Ajawaxel; we c'u man jewa' cubano, je cuc'ulmaj na jas ri xuc'ulmaj ri Core xukuje' tak ri xerachilaj. Ronojel c'ut xbanic je jas ri takanic ri xuya' ri Ajawaxel che ri Eleazar rumal ri Moises.

Ajilanic 16:35

Xutak c'u ne bic xukuje' ri Ajawaxel jun k'ak' ri xebucämisaj ri quieb sient cawinak lajuj achijab ri qui chi'm c'oc' k'ol.

Ajilanic 16:10

Ri Ajawaxel rajwam chi ri at xukuje' ri e niq'uiaj chic e u tz'akatil ri awamak', ri aj levitib quec'oji' chunakaj ri are', ¿La c'ä caquirayij c'ut camic ri u cojic ri tabal tok'ob?

Ajilanic 3:10

chajacha' can ri u cojic ri tabal tok'ob pa u k'ab ri Aaron xukuje' pa qui k'ab ri e rija'lil. We c'o jachin jun cäpatanijic jacha' jun cojol tabal tok'ob ri man are ta u chac, cac'okox na che cämical.”

Aj Levitib 8:33

Minajtajisaj c'u iwib wukub k'ij che ri u chi' ri Lic'om Rachoch Dios re rikoj ib, are c'u k'ijol wa' ri cäbeytaj che ri i tastajic.

Elem 40:15

chak'ija' c'u aseit paquiwi' jacha' ri xaban che ri Aaron, rech quecanaj che nu cojol tabal tok'ob. Ruc' we u k'ijic we aseit ri paquiwi' cäjekebax na ri u cojic ri junalic u cojic tabal tok'ob re chbe k'ij sak.”

Hebreos 5:10

Xcoj che qui nimal ri cojol tabal tok'ob rumal ri Dios, jas ri u banic ri Melquisedec.

Elem 32:29

Xubij c'u ri Moises chque: “Camic, quic'am ix tz'akatalaj takanic chuwäch ri Ajawaxel, rumal rech chi chijujunal xuc'ulelaj ri u c'ojol jujun chic ri e rachalal. Rumal c'u rech wa' ix u tewichi'm ri Ajawaxel camic.”

Elem 28:1

“Chasiq'uij ri Aaron ri awachalal e rachilam ri e u c'ojol ri Nadab, ri Abiu, ri Eleazar, xukuje' ri Itamar, chebawesaj ulok chquixo'l ri aj israelib, rech queboc che cojol tabal tok'ob chnuwäch.

Elem 27:21

Ri Aaron e rachilam ri e u c'ojol e are' quesuc'uman ri yabal k'ak' rech quenicow jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chunakaj ri caxa re ri c'ulwächinic. Jun pixab wa' ri cäcanaj chque ri aj israelib xukuje' chque ri e quija'lil.”

Aj Levitib 8:1

Ri Ajawaxel xutzijobej ri Moises, xubij che:

Aj Levitib 8:13

Xubij chi c'u chque ri e u c'ojol ri Aaron chi quekebic, xebucoj ri u pam atz'iak chquij, xuxim ri qui pam cuc' tak pas, xusuc'umaj ri pisbal qui jolom, jacha' ri takanic ri u yo'm ri Ajawaxel che ri Moises.

Nabe Samuel 2:30

Rumal c'u ri' ri Ajawaxel, ri u Dios ri Israel, ri u bim ulok chi ri at xukuje' conojel ri e awachalaxic quepatanin na chuwäch amak'el, camic cuk'alajisaj: Mawi jubik' xak quinwilo chi je caban wa', xane' quinya' qui k'ij ri queyo'w nu k'ij, are c'u ri cäquetzelaj nu wäch queq'uis na pa yok'ic. In, ri Ajawaxel quinjiquiba' u bixic.

K'atal tak Tzij 17:5

Ri Micaiy c'o jun c'olbal re k'ijilanic chupam ri rachoch, xuban jun atz'iak nim u k'ij xukuje' niq'uiaj diosib chic e aj ja jun chque ri e u c'ojol xucoj che cojol tabal tok'ob.