Elem 26:33 - Quiché Bible

³³ Caxequeba' ri ch'ukubal cuc' ch'epebal re k'an puak, chila' c'ut, chrij ri ch'ukubal caya' wi ri caxa ri c'olbal re ri c'ulwächinic. We ch'ukubal ri' cajwataj na chiwe che tasbal u xo'l ri c'olbal tastalic ruc' ri c'olbal ri sibalaj tastalic.

Elem 26:33 Referans Kwoze

Aj Levitib 16:2

Ri Ajawaxel xubij che ri Moises: “Chabij che ri Aaron ri awachalal chi man xak ta apachique k'ijol coc chupam ri k'ijilabal ri c'o chrij ri ch'ukubal, mawi chuwäch ri tz'apibal ri c'o puwi' ri caxa', rech man cäcäm taj, quinc'ut c'u na wib pa jun sutz' puwi' ri tz'apibal.

Elem 40:21

xuc'am c'u bic, xuya' pa ri k'ijilabal; xulic' ri ch'ukubal xch'ukutaj c'u ri caxa, jacha' ri takanic ri xuya' ri Ajawaxel che.

Elem 25:16

chaya' c'u chupam ri caxa ri pixab ri quenya' chawe.

Nabe Ajawinelab 8:10

Aretak xebel ulok ri e cojol tabal tok'ob chupam ri Tastalicalaj C'olbal ri sutz' xunojisaj ri rachoch ri Ajawaxel,

Nabe Ajawinelab 8:6

C'äte c'u ri' ri e cojol tabal tok'ob xquic'am bic ri caxa ri c'o wi ri u c'ulwächinic ri Ajawaxel xequiya' chupam ri Rachoch ri Dios, c'ä chupam ri Sibalaj Tastalicalaj C'olbal, chquixe' ri qui xic' ri wächbal ri e aj cajalaj tak to'banelab,

Elem 36:36

Xebucoj jujun ch'epebal re k'an puak che, xuxequeba' chquij quiejeb akan re q'uisis ri cojom k'an puak chquij, e tiquibam paquiwi' quiejeb tac'alibal re sak puak.

Elem 27:10

Ri juwinak (20) rakanil xukuje' ri juwinak (20) u tac'alibal e re k'an ch'ich', ri e u ch'epebal xukuje' ri e u xiquin e re sak puak.

Elem 26:32

Cuc' jujun ch'epebal re k'an puak, caxequeba' chque quiejeb akan re q'uisis, ri ch'ukum quij ruc' k'an puak quec'oji' c'u paquiwi' quiejeb qui tac'alibal re sak puak.

Elem 27:21

Ri Aaron e rachilam ri e u c'ojol e are' quesuc'uman ri yabal k'ak' rech quenicow jun ak'ab chuwäch ri Ajawaxel chupam ri Lic'om Rachoch Dios re rikoj ib, chrij ri ch'ukubal ri c'o chunakaj ri caxa re ri c'ulwächinic. Jun pixab wa' ri cäcanaj chque ri aj israelib xukuje' chque ri e quija'lil.”

Elem 40:3

Chacojo' ri caxa ri c'o wi ri c'ulwächinic chupam, cach'uk c'u ruc' ri ch'ukubal.

Nabe Ajawinelab 6:16

Xuban chi c'ut jun ja re julajuj (11) bara' chuq'uisbalil ri rachoch Dios, ri xuch'uk ronojel ri u pam ruc' chacalte' iquim c'ä ajsic, xusuc'umaj rech are' wa' ri Sibalaj Tastalicalaj C'olbal.

Ucab Tzijobelil 3:8

Xuban xukuje' ri Sibalaj Tastalicalaj C'olbal. Julajuj (11) bara' u rabic junam ruc' ri u wäch ri rachoch Dios, ri xukuje' julajuj (11) bara' u wäch. Xuch'uk c'ut ri u pam ruc' coc'alaj k'an puak quiejeb sient cawinak (440) quintal c'ut xquicoj che wa'.

Ri Ezequiel 41:4

Xretaj c'ut ri nimalaj ja ri c'o c'ä chupam, cablajuj bara' ruc' jun k'abaj ri u rabic xukuje' ri u wäch. C'äte ri' xubij chwe: “Are C'olbal wa' ri Sibalaj Tastalic.”