Elem 23:23 - Quiché Bible

²³ Ri nu tako'n aj caj canabej na chawäch, catuc'am bic pa ri culew ri aj amoreyib, ri aj hititib, ri aj perezeyib, ri aj cananeyib, ri aj hebeyib, ri aj jebuseyib, ri quebenbok na c'ä chquixe'.

Elem 23:23 Referans Kwoze

Elem 23:20

“Chawilampe', quintak bic ri nu tako'n aj caj rech cänabej chawäch, rech catuchajij pa ri be, catuc'am bic pa ri c'olbal ri nu suc'umam chawe.

Ri Isaiy 5:13

Rumal c'u rech chi man quiwaj taj quixch'obonic, ri nu tinimit quesax na bic pa ri rulew, conojel ri aj Israel xukuje' ri e c'amal tak qui be, quecäm na rumal wi'jal xukuje' chakij chi'.

Elem 32:2

Ri Aaron xubij chque: “Chebiwesaj ba ri e u wi' tak xiquinaj re k'an puak ri e c'o che tak ri qui xiquin ri e iwixokil, ri e i c'ojol, ri e i mia'l, chebic'ama' ulok chwe waral.”

Chapletajic 34:2

xilitaj c'u rumal ri Siquem u c'ojol ri Hamor ri aj hebey ri c'amal be pa ri c'olbal ri', ruc' c'u chuk'ab xk'oyi' ruc', xresaj c'u u q'uixbal.

Elem 3:17

Xukuje' xubij chwe chi quixresaj bic pa ri rikoj tak c'ax ri ix c'o wi pa Ejipt, quixuc'am bic pa ri culew ri aj cananeyib, ri aj hititib, ri aj amoreyib ri aj perezeyib, ri aj hebeyib, ri aj jebuseyib, ulew wa' ri cabelel wi leche xukuje' ri juyubal räx cab jacha' ri ja'.’

Chapletajic 24:7

Ri Ajawaxel ri ajchak'e ri caj, ri xinesan ulok cho rachoch ri nu tat pa ri qui culew ri wachalaxic, ri xukuje' xubij chi cuya' we ulew ri' chque ri e wija'lil, cutak na ulok ri u tako'n aj caj rech cänabej bic chawäch, cäc'am c'u ulok jun rixokil ri nu c'ojol.

Ri Josue 9:1

Ri cajawinelab ri hititib, ri amoreyib, ri cananeyib, ri perezeyib, ri hebeyib xukuje' ri jebuseyib xquinabej ri c'ulmatajinak. (We ajawinelab tak ri' e jekel pa ri u kajebal k'ij che ri u chi' ri nima' Jordan, pa tak ri c'ache'laj, pa tak ri lianic xukuje' pa ronojel ri tak'aj chuchi' ri Plo Mediteran quetakal c'ä ruc' ri rulewal ri Libano).

Ri Josue 23:9

Ri Ajawaxel e u q'uiakom bic chiwäch, cowilaj tak tinimit ri jawije' e c'o wi q'uialaj winak, c'ä je c'u ne camic man c'o ta jun ri cuininaktaj ri u tac'abam ta rib chiwäch.

Elem 18:8

Ri Moises xutzijoj che ri u ji' ronojel ri u banom ri Ajawaxel che ri ajawinel xukuje' chque ri aj ejiptib che qui to'ic ri aj israelib xukuje' xutzijoj ronojel ri c'ax ri xquic'ulmaj pa tak ri be xukuje' ri xuban ri Dios che qui to'ic.

U Camulixic ri Pixab 9:3

Are c'u ri camic rajawaxic quiwetamaj chi ri Ajawaxel ri i Dios are ri cänabej na chiwäch ix, ri xak junam ruc' jun k'ak' jarisanel, quebusachisaj na qui wäch xukuje' quebumach'irisaj na we nimak tak tinimit ri'. Ri ix quebiwesaj na bic, xukuje' qui sachisaj na qui wäch pa jun u jakic xukuje' pa jun u tz'apixic bak'wächaj, jacha' ri chi'nic ri u banom ri Ajawaxel chiwe.

Ri Josue 5:13

Jun k'ij, c'o apan ri Josue chunakaj ri Jerico, xrilo chi c'o jun achi' chuwäch ri c'o jun ch'ich' re ch'o'j pa u k'ab. Ri Josue xkeb ruc' xuc'ot c'u u chi': “¿La at kachil o at cachil ri ka c'ulel?”