Elem 23:22 - Quiché Bible

²² We c'u kastzij catniman che, caban ronojel ri nu takom u banic, quinux qui c'ulel ri qui banom qui c'ulel chawe, quink'atij qui wäch ri quek'atin a wäch.

Elem 23:22 Referans Kwoze

Chapletajic 12:3

Quebentewichi'j na ri catquitewichi'j, quebenc'okoj na ri catquic'okoj; conojel ri winak cho ri uwächulew cäquirik na tewichibal rumal awech.”

U Camulixic ri Pixab 30:7

Ri Ajawaxel ri i Dios cukasaj na conojel we c'okonic ri' paquiwi' ri e i c'ulel xukuje' paquiwi' ri cäquiban c'ax chiwe, ri cäquetzelaj i wäch.

Ri Zacariy 2:8

Ri Ajawaxel ri c'o ronojel u cuinem in u takom che u ya'ic we tzijol ri' che u banic c'ax chque ri nimak tak tinimit ri xixquitoloba'. “Apachin ta ne ri cänakow ri nu tinimit cunak ri u c'u'x ri e nu bak'wäch. Rumal ri' kas in quintij na nu chuk'ab chquij tak we nimak tak tinimit ri', quinban c'u na chi kas e are' ri e qui lok'om pataninelab quetolobanic.” Je wa' cuban na ri Ajawaxel ri c'o ronojel u cuinem che u c'utic ri u juluwem, je c'u ri' qui ch'ob na ix chi are' xintakow ulok.

Ri Jeremiy 30:20

Ri aj israelib je quebux na e jacha' canok nabe; ri u tinimit co cac'oji' na chnuwäch, are c'u ri in quinc'äjisaj na qui wäch ri xebanow c'ax chque.

Ajilanic 24:9

Aretak cacoti' che uxlanem, jeri' cäbantaj jun coj: man c'o ta jachin jun cuchajij ta anima' cuc'asuj. ¡Chtewichitaj ri cattewichinic, xukuje' chc'okotaj ri catc'okonic!”

2 Tesalonicenses 1:6

Suc' chuwäch ri Dios chi cuya' c'axc'olil paquiwi' ri winak ri cäquiban c'ax chiwe.

U Camulixic ri Pixab 28:1

“We kas catniman che ri Ajawaxel ri a Dios, quebaban c'u conojel ri e u takomal ri catintak che qui banic camic, ri Ajawaxel cuya' na chawe chi cattakan paquiwi' tak ri tinimit cho ri uwächulew.

Elem 15:16

Oh, Ajawaxel, chquina' quib, chkaj xe'n ib paquiwi'. Checanaj canok jacha' ri abaj rumal ri u chuk'ab ri k'ab la, c'ä coc'ow na ri tinimit la.

Ajilanic 24:8

Ri Dios, ri xebesan ulok pa Ejipt, are je chque e are' ri cux che ri juyubal wacax ri e ruc'a'. Ri Israel quebubik' na tak ri e nimak tak tinimit c'ulel; quebuk'ajisaj tak na ri e u bakil, quebusoc c'u na cuc' tak ri e u ch'ab.

Ri Josue 9:7

Ri aj israelib xquitzelej u bixic chque ri aj hebeyib: “Ix cäraj ne xa jewa' quixel wi, nakaj chke; ¿jas ta che cakaban jun c'ulwächinic iwuc'?”

Salmib 35:1

Ajawaxel, walij la chquij ri quewalij che nu c'ulelaxic; k'atij la qui wäch ri cäquik'atij nu wäch.